헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 1)

παλαιόσ τισ παραδέδοται λόγοσ ὅτι τὰσ δημοκρατίασ οὐχ οἱ τυχόντεσ τῶν ἀνθρώπων, ἀλλ’ οἱ ταῖσ ὑπεροχαῖσ προέχοντεσ καταλύουσι. διὸ καὶ τῶν πόλεων ἔνιαι τοὺσ ἰσχύοντασ μάλιστα τῶν πολιτευομένων ὑποπτεύουσαι καθαιροῦσιν αὐτῶν τὰσ ἐπιφανείασ. σύνεγγυσ γὰρ ἡ μετάβασισ εἶναι δοκεῖ τοῖσ ἐν ἐξουσίᾳ μένουσιν ἐπὶ τὴν τῆσ πατρίδοσ καταδούλωσιν καὶ δυσχερὲσ ἀποσχέσθαι μοναρχίασ τοῖσ δι’ ὑπεροχὴν τὰσ τοῦ κρατήσειν ἐλπίδασ περιπεποιημένοισ·

ἔμφυτον γὰρ εἶναι τὸ πλεονεκτεῖν τοῖσ μειζόνων ὀρεγομένοισ καὶ τὰσ ἐπιθυμίασ ἔχειν ἀτερματίστουσ.

τοιγαροῦν Ἀθηναῖοι μὲν διὰ ταύτασ τὰσ αἰτίασ τοὺσ πρωτεύοντασ τῶν πολιτῶν ἐφυγάδευσαν, τὸν λεγόμενον παρ’ αὐτοῖσ ἐξοστρακισμὸν νομοθετήσαντεσ. καὶ τοῦτ’ ἔπραττον οὐχ ἵνα τῶν προγεγενημένων ἀδικημάτων λάβωσι τιμωρίαν, ἀλλ’ ὅπωσ τοῖσ δυναμένοισ παρανομεῖν ἐξουσία μὴ γένηται κατὰ τῆσ πατρίδοσ ἐξαμαρτεῖν. τῆσ γὰρ Σόλωνοσ φωνῆσ ὥσπερ χρησμοῦ τινοσ ἐμνημόνευον, ἐν οἷσ περὶ τῆσ Πεισιστράτου τυραννίδοσ προλέγων ἔθηκε τόδε τὸ ἐλεγεῖον »ἀνδρῶν ἐκ μεγάλων πόλισ ὄλλυται, εἰσ δὲ τυράννου δῆμοσ ἀϊδρίῃ δουλοσύνην ἔπεσεν.

« μάλιστα δὲ πάντων ἐπεπόλασεν ἡ πρὸσ τὰσ μοναρχίασ ὁρμὴ περὶ Σικελίαν πρὸ τοῦ Ῥωμαίουσ κυριεῦσαι ταύτησ τῆσ νήσου· αἱ γὰρ πόλεισ ταῖσ δημαγωγίαισ ἐξαπατώμεναι μέχρι τούτου τοὺσ ἀσθενεῖσ ἰσχυροὺσ κατεσκεύαζον, ἑώσ δεσπόται γένωνται τῶν ἐξαπατηθέντων.

ἰδιώτατα δὲ πάντων Ἀγαθοκλῆσ ἐτυράννησε τῶν Συρακοσίων, ἀφορμαῖσ μὲν ἐλαχίσταισ χρησάμενοσ, ἀτυχήμασι δὲ μεγίστοισ περιβαλὼν οὐ τὰσ Συρακούσσασ μόνον, ἀλλὰ καὶ πᾶσαν Σικελίαν τε καὶ Λιβύην.

δι’ ἀπορίαν γὰρ βίου καὶ πραγμάτων ἀσθένειαν τὴν κεραμευτικὴν τέχνην μεταχειρισάμενοσ εἰσ τοῦτο προῆλθε δυνάμεωσ ἅμα καὶ μιαιφονίασ ὥστε καταδουλώσασθαι μὲν τὴν μεγίστην καὶ καλλίστην τῶν πασῶν νήσων, κατακτήσασθαι δὲ χρόνον τινὰ τῆσ τε Λιβύησ τὴν πλείστην καὶ μέρη τῆσ Ἰταλίασ, ὕβρεωσ δὲ καὶ σφαγῆσ ἐμπλῆσαι τὰσ κατὰ Σικελίαν πόλεισ.

οὐδεὶσ γὰρ τῶν πρὸ τούτου τυράννων ἐπετελέσατό τι τοιοῦτον οὔτε τοιαύτην ὠμότητα κατὰ τῶν ὑποτεταγμένων ἔσχε.

τοὺσ μὲν γὰρ ἰδιώτασ ἐκόλαζε πᾶσαν τὴν συγγένειαν ἀποσφάττων, παρὰ δὲ τῶν πόλεων τὰσ εὐθύνασ ἐλάμβανεν ἡβηδὸν μιαιφονῶν καὶ δι’ ὀλίγουσ τῶν ἐγκαλουμένων τοὺσ πολλοὺσ καὶ μηδ’ ὁτιοῦν ἀδικήσαντασ ἀναγκάζων τὴν αὐτὴν ἀναδέχεσθαι συμφορὰν πανδημεὶ τῶν πόλεων θάνατον κατεγίνωσκεν. ἀλλὰ γὰρ τῆσ βύβλου ταύτησ σὺν τοῖσ ἄλλοισ περιεχούσησ καὶ τὴν τυραννίδα τὴν Ἀγαθοκλέουσ ἀφιέμενοι τὸ περὶ αὐτῆσ προλέγειν τὰ συνεχῆ τοῖσ προειρημένοισ προσθήσομεν, παραθέντεσ πρότερον τοὺσ οἰκείουσ τῇ γραφῇ χρόνουσ.

ἐν μὲν οὖν ταῖσ προειρημέναισ ὀκτωκαίδεκα βίβλοισ ἀνεγράψαμεν τὰσ ἀπὸ τῶν ἀρχαιοτάτων χρόνων πράξεισ τὰσ γεγενημένασ ἐν τοῖσ γνωριζομένοισ μέρεσι τῆσ οἰκουμένησ, ἐφ’ ὅσον ἡμῖν δύναμισ, ἄχρι πρὸσ τὸν ἐνιαυτὸν τὸν πρὸ τῆσ Ἀγαθοκλέουσ τυραννίδοσ, εἰσ ὃν ἀπὸ Τροίασ ἁλώσεωσ ἔτη συνάγεται ὀκτακόσια ἑξήκοντα ἕξ·

ἐν δὲ ταύτῃ τὴν ἀρχὴν ἀπὸ τῆσ δυναστείασ ταύτησ ποιησάμενοι καταλήξομεν εἰσ τὴν ἐφ’ Ἱμέρᾳ μάχην Ἀγαθοκλεῖ πρὸσ Καρχηδονίουσ, περιλαβόντεσ ἔτη ἑπτά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 1

(디오도로스 시켈로스, Bibliotheca Historica, Books XVIII-XX, book 19, chapter 1)

상위

목록

SEARCH

MENU NAVIGATION