헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 29)

Ἀντίγονοσ δ’ ἐκ μετεώρων τόπων κατιδὼν τὴν τῶν πολεμίων τάξιν πρὸσ ταύτην ἁρμοζόντωσ διεκόσμησε τὴν ἰδίαν δύναμιν. ὁρῶν γὰρ τὸ τῶν ἐναντίων δεξιὸν κέρασ ὠχυρωμένον τοῖσ τε θηρίοισ καὶ τοῖσ κρατίστοισ τῶν ἱππέων ἀντέταξε τοὺσ ἐλαφροτάτουσ τῶν ἱππέων, οἳ κατὰ στόμα μὲν ἤμελλον φυγομαχήσειν ἀραιοὶ διαστάντεσ, ἐκ μεταβολῆσ δὲ διαγωνιεῖσθαι καὶ τούτῳ τῷ τρόπῳ ποιήσειν ἄπρακτον τῶν ἐναντίων τοῦτο τὸ μέροσ ᾧ μάλιστα ἐπίστευον. ἔστησε δ’ ἐπὶ ταύτησ τῆσ φάλαγγοσ τούσ τε ἐκ Μηδίασ καὶ Παρθυαίασ ἀφιπποτοξότασ καὶ λογχοφόρουσ, ὄντασ μὲν χιλίουσ, πεφυκότασ δ’ εὖ πρὸσ τὴν ἐκ μεταβολῆσ κρίσιν, ἑξῆσ δὲ τοὺσ ἀπὸ θαλάσσησ συναναβεβηκότασ Ταραντίνουσ δισχιλίουσ καὶ διακοσίουσ, ἐπιλέκτουσ ἐν ἐνέδραισ καὶ καλῶσ διακειμένουσ ταῖσ εὐνοίαισ πρὸσ αὐτόν, τοὺσ δ’ ἀπὸ Φρυγίασ καὶ Λυδίασ χιλίουσ, τοὺσ δὲ μετὰ Πίθωνοσ χιλίουσ πεντακοσίουσ καὶ τοὺσ μετὰ Λυσανίου ξυστοφόρουσ τετρακοσίουσ, ἐπὶ πᾶσι δὲ τούσ τε ἀμφίππουσ ὀνομαζομένουσ καὶ τοὺσ ἐκ τῶν ἄνω κατοικούντων Θρᾳκῶν ὀκτακοσίουσ.

καὶ τὸ μὲν εὐώνυμον κέρασ ὑπὸ τούτων ἐπληροῦτο τῶν ἱππέων, ὧν ἁπάντων Πίθων εἶχε τὴν ἡγεμονίαν·

τῶν δὲ πεζῶν πρῶτοι μὲν ἐτάχθησαν οἱ ξένοι, πλείουσ ὄντεσ τῶν ἐννακισχιλίων, μετὰ δὲ τούτουσ Λύκιοι καὶ Παμφύλιοι τρισχίλιοι, παντοδαποὶ δ’ εἰσ τὰ Μακεδονικὰ καθωπλισμένοι πλείουσ τῶν ὀκτακισχιλίων, ἐπὶ πᾶσι δὲ Μακεδόνεσ οὐ πολὺ ἐλάττουσ τῶν ὀκτακισχιλίων, οὓσ ἔδωκεν Ἀντίπατροσ καθ’ ὃν καιρὸν ἐπιμελητὴσ ἀπεδείχθη τῆσ βασιλείασ. τῶν δ’ ἱππέων πρῶτοι μὲν ἦσαν ἐπὶ τοῦ δεξιοῦ κέρατοσ συνάπτοντεσ τῇ φάλαγγι μισθοφόροι παντοδαποὶ πεντακόσιοι, ἑξῆσ δὲ Θρᾷκεσ χίλιοι, παρὰ δὲ τῶν συμμάχων πεντακόσιοι, ἐχόμενοι δὲ τούτων οἱ προσαγορευθέντεσ ἑταῖροι χίλιοι, Δημήτριον ἔχοντεσ ἡγεμόνα τὸν Ἀντιγόνου, τότε πρώτωσ μέλλοντα συναγωνίζεσθαι τῷ πατρί.

ἐπ’ ἄκρου δὲ τοῦ κέρατοσ ἦν τὸ ἄγημα τῶν ἱππέων τριακοσίων, μεθ’ ὧν καὶ αὐτὸσ ἐκινδύνευε·

πρόταγμα δὲ τούτων ἐκ τῶν ἰδίων παίδων εἶλαι τρεῖσ ὑπῆρχον καὶ ταύταισ ἴσαι παράλληλοι, συναγωνιζομένων αὐτοῖσ Ταραντίνων ἑκατόν. παρὰ δὲ τὸ κέρασ πᾶν ἐξέταξε τοὺσ κρατίστουσ τῶν ἐλεφάντων τριάκοντα, ποιήσασ ἐπικάμπιον, καὶ τὰ διαστήματα τούτων συνεπλήρωσε τοῖσ ψιλοῖσ τάγμασιν ἐπιλέκτοισ·

τῶν δ’ ἄλλων θηρίων τὰ πλείω μὲν τῆσ φάλαγγοσ προέστησεν, ὀλίγα δὲ μετὰ τῶν ἱππέων τῶν ἐν τοῖσ εὐωνύμοισ μέρεσι. τοῦτον δὲ τὸν τρόπον ἐκτάξασ τὸ στρατόπεδον κατέβαινεν ἐπὶ τοὺσ πολεμίουσ, λοξὴν ποιήσασ τὴν τάξιν·

τὸ μὲν γὰρ δεξιὸν κέρασ, ᾧ μάλιστα ἐπίστευεν, προεβάλετο, τὸ δ’ ἕτερον ὑπεστείλατο, διεγνωκὼσ ᾧ μὲν φυγομαχεῖν, ᾧ δὲ διαγωνίζεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 29

(디오도로스 시켈로스, Bibliotheca Historica, Books XVIII-XX, book 19, chapter 29)

상위

목록

SEARCH

MENU NAVIGATION