헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 70)

κατὰ δὲ τὴν Σικελίαν οἱ τῶν Συρακοσίων φυγάδεσ διατρίβοντεσ ἐν Ἀκράγαντι παρεκάλουν τοὺσ προεστηκότασ τῆσ πόλεωσ μὴ περιορᾶν Ἀγαθοκλέα συσκευαζόμενον τὰσ πόλεισ· αἱρετώτερον γὰρ εἶναι πρὸ τοῦ τὸν τύραννον ἰσχυρὸν γενέσθαι διαπολεμεῖν ἑκουσίωσ ἢ περιμείναντασ αὐτοῦ τὴν αὔξησιν ἐξ ἀνάγκησ πρὸσ ἰσχυρότερον διαγωνίζεσθαι. δοξάντων δ’ αὐτῶν ἀληθῆ λέγειν ὁ μὲν δῆμοσ τῶν Ἀκραγαντίνων ἐψηφίσατο τὸν πόλεμον καὶ Γελῴουσ μὲν καὶ Μεσσηνίουσ εἰσ τὴν συμμαχίαν προσελάβοντο, εἰσ δὲ τὴν Λακεδαιμονίαν τῶν φυγάδων τινὰσ ἐξέπεμψαν, ἐντειλάμενοι πειρᾶσθαι στρατηγὸν ἄγειν τὸν δυνάμενον πραγμάτων ἀφηγήσασθαι·

τοὺσ γὰρ πολιτικοὺσ ὑπώπτευον ὡσ ὄντασ οἰκείουσ τυραννίδοσ, τοὺσ δ’ ἔξωθεν ὑπελάμβανον δικαίωσ ποιήσεσθαι τὴν τῶν ὅλων ἐπιμέλειαν, ἀναμιμνησκόμενοι τῆσ Τιμολέοντοσ τοῦ Κορινθίου στρατηγίασ.

οἱ δὲ πεμφθέντεσ ὥσ ποθ’ ἧκον εἰσ τὴν Λακωνικήν, εὑρ͂ον Ἀκρότατον τὸν Κλεομένουσ τοῦ βασιλέωσ υἱὸν προσκεκοφότα πολλοῖσ τῶν νέων καὶ διὰ τοῦτο ξενικῶν πραγμάτων ὀρεγόμενον.

τῶν γὰρ Λακεδαιμονίων μετὰ τὴν πρὸσ Ἀντίπατρον μάχην ἀπολυόντων τῆσ ἀτιμίασ τοὺσ ἐκ τῆσ ἥττησ διασωθέντασ μόνοσ ἐνέστη τῷ δόγματι.

διόπερ αὐτὸν συνέβη καὶ τῶν ἄλλων οὐκ ὀλίγοισ προσκόψαι, μάλιστα δ’ οἷσ ἦν τῶν νόμων τὰ πρόστιμα· οὗτοι γὰρ συστραφέντεσ πληγάσ τε ἐνεφόρησαν αὐτῷ καὶ διετέλουν ἐπιβουλεύοντεσ. διὰ ταῦτα δὴ ξενικῆσ ἡγεμονίασ ἐπιθυμῶν ἀσμένωσ ὑπήκουσε τοῖσ Ἀκραγαντίνοισ.

τὴν δ’ ἀποδημίαν ποιησάμενοσ ἄνευ τῆσ τῶν ἐφόρων γνώμησ ἀνήχθη ναυσὶν ὀλίγαισ, ὡσ διαίρων ἐπ’ Ἀκράγαντοσ. ἀπενεχθεὶσ δ’ ὑπ’ ἀνέμων εἰσ τὸν Ἀδρίαν κατῆρε μὲν εἰσ τὴν τῶν Ἀπολλωνιατῶν χώραν, καταλαβὼν δὲ τὴν πόλιν πολιορκουμένην ὑπὸ Γλαυκίου τοῦ βασιλέωσ τῶν Ἰλλυριῶν ἔλυσε τὴν πολιορκίαν, πείσασ τὸν βασιλέα συνθήκασ ποιήσασθαι πρὸσ τοὺσ Ἀπολλωνιάτασ.

ἐντεῦθεν δὲ πλεύσασ εἰσ Τάραντα καὶ παρακαλέσασ τὸν δῆμον συνελευθεροῦν Συρακοσίουσ, ἔπεισε ψηφίσασθαι ναυσὶν εἴκοσι βοηθεῖν·

διὰ γὰρ τὴν συγγένειαν καὶ τὸ τῆσ οἰκίασ σχῆμα προσένεμον τοῖσ λόγοισ αὐτοῦ πίστιν τε μεγάλην καὶ βάροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 70

(디오도로스 시켈로스, Bibliotheca Historica, Books XVIII-XX, book 19, chapter 70)

상위

목록

SEARCH

MENU NAVIGATION