Diodorus Siculus, Bibliotheca Historica, Books XVIII-XX, book 19, chapter 98

(디오도로스 시켈로스, Bibliotheca Historica, Books XVIII-XX, book 19, chapter 98)

ὁ μὲν οὖν Δημήτριοσ λαβὼν ὁμήρουσ καὶ τὰσ ὁμολογηθείσασ δωρεὰσ ἀνέζευξεν ἀπὸ τῆσ πέτρασ· διατείνασ δὲ σταδίουσ τριακοσίουσ κατεστρατοπέδευσε πλησίον τῆσ Ἀσφαλτίτιδοσ λίμνησ, ἧσ τὴν φύσιν οὐκ ἄξιον παραδραμεῖν ἀνεπισήμαντον. κεῖται γὰρ κατὰ μέσην τὴν σατραπείαν τῆσ Ἰδουμαίασ, τῷ μὲν μήκει παρεκτείνουσα σταδίουσ μάλιστά που πεντακοσίουσ, τῷ δὲ πλάτει περὶ ἑξήκοντα. τὸ δ’ ὕδωρ ἔχει διάπικρον καὶ καθ’ ὑπερβολὴν δυσῶδεσ, ὥστε μήτ’ ἰχθὺν δύνασθαι τρέφειν μήτ’ ἄλλο τῶν καθ’ ὕδατοσ εἰωθότων ζῴων εἶναι. ἐμβαλλόντων δ’ εἰσ αὐτὴν ποταμῶν μεγάλων τῇ γλυκύτητι διαφόρων τούτων μὲν περιγίνεται κατὰ τὴν δυσωδίαν, ἐξ αὑτῆσ δὲ μέσησ ἐκφυσᾷ κατ’ ἐνιαυτὸν ἀσφάλτου στερεᾶσ μέγεθοσ ποτὲ μὲν μεῖζον ἢ τρίπλεθρον, ἔστι δ’ ὅτ’ οὐ πολὺ λειπόμενον πλέθρου· ἐφ’ ᾧ δὴ συνήθωσ οἱ περιοικοῦντεσ βάρβαροι τὸ μὲν μεῖζον καλοῦσι ταῦρον, τὸ δὲ ἔλασσον μόσχον. ἐπιπλεούσησ δὲ τῆσ ἀσφάλτου πελαγίασ ὁ τόποσ φαίνεται τοῖσ ἐξ ἀποστήματοσ θεωροῦσιν οἱονεί τισ νῆσοσ. τὴν δ’ ἔκπτωσιν φανερὰν συμβαίνει γίνεσθαι πρὸ ἡμερῶν εἴκοσι· κύκλῳ γὰρ τῆσ λίμνησ ἐπὶ πολλοὺσ σταδίουσ ὀσμὴ τῆσ ἀσφάλτου προσπίπτει μετὰ πνεύματοσ μοχθηροῦ καὶ πᾶσ ὁ περὶ τὸν τόπον ἄργυροσ καὶ χρυσὸσ καὶ χαλκὸσ ἀποβάλλει τὴν ἰδιότητα τοῦ χρώματοσ. ἀλλ’ αὕτη μὲν ἀποκαθίσταται πάλιν, ἐπειδὰν ἀναφυσηθῆναι συμβῇ πᾶσαν τὴν ἄσφαλτον· ὁ δὲ πλησίον τόποσ ἔμπυροσ ὢν καὶ δυσώδησ ποιεῖ τὰ σώματα τῶν περιοικούντων ἐπίνοσα καὶ παντελῶσ ὀλιγοχρόνια. ἀγαθὴ δ’ ἐστὶ φοινικόφυτοσ ὅσην αὐτῆσ συμβαίνει διειλῆφθαι ποταμοῖσ χρησίμοισ ἢ πηγαῖσ δυναμέναισ ἀρδεύειν. γίνεται δὲ περὶ τοὺσ τόπουσ τούτουσ ἐν αὐλῶνί τινι καὶ τὸ καλούμενον βάλσαμον, ἐξ οὗ πρόσοδον ἁδρὰν εἶναι συμβαίνει, οὐδαμοῦ μὲν τῆσ ἄλλησ οἰκουμένησ εὑρισκομένου τοῦ φυτοῦ, τῆσ δ’ ἐξ αὐτοῦ χρείασ εἰσ φάρμακα τοῖσ ἰατροῖσ καθ’ ὑπερβολὴν εὐθετούσησ.

일치하는 문장이 없습니다.

SEARCH

MENU NAVIGATION