헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 103)

αὐτὸσ δὲ προσδεξάμενοσ τοὺσ ἐκ Μεσσήνησ ἐκβεβλημένουσ φυγάδασ, ἔχων ἁδρὰν δύναμιν, ἀπέστειλέν τινα τῶν περὶ αὑτὸν Νυμφόδωρον, δοὺσ μέροσ τῶν στρατιωτῶν, ἐπὶ τὴν Κεντοριπίνων πόλιν· ταύτην γὰρ φρουρουμένην ὑπ’ Ἀγαθοκλέουσ τῶν πολιτικῶν τινεσ ἐπηγγείλαντο παραδώσειν, ἐφ’ ὅτῳ τὴν αὐτονομίαν δοθῆναι τῷ δήμῳ.

παρεισπεσόντοσ δ’ εἰσ τὴν πόλιν αὐτοῦ νυκτὸσ οἱ προεστῶτεσ τῆσ φρουρᾶσ αἰσθόμενοι τὸ γεγονὸσ αὐτόν τε τὸν Νυμφόδωρον ἀνεῖλον καὶ τοὺσ βιαζομένουσ ἐντὸσ τοῦ τείχουσ. ταύτησ δὲ τῆσ ἀφορμῆσ λαβόμενοσ Ἀγαθοκλῆσ ἐνεκάλεσέ τε τοῖσ Κεντοριπίνοισ καὶ τοὺσ δόξαντασ αἰτίουσ γεγονέναι τοῦ νεωτερισμοῦ πάντασ ἀπέσφαξε.

περὶ ταῦτα δ’ ὄντοσ τοῦ δυνάστου Καρχηδόνιοι καταπλεύσαντεσ εἰσ τὸν μέγαν λιμένα τῶν Συρακοσίων πεντήκοντα σκάφεσιν ἄλλο μὲν οὐδὲν ἠδυνήθησαν πρᾶξαι, δυσὶ δὲ περιπεσόντεσ φορτηγοῖσ πλοίοισ τὴν μὲν ἐξ Ἀθηνῶν κατέδυσαν, τῶν δ’ ἐπιπλεόντων τὰσ χεῖρασ ἀπέκοψαν. δοξάντων δ’ αὐτῶν ὠμῶσ κεχρῆσθαι μηδ’ ὁτιοῦν ἀδικοῦσι ταχὺ τὸ δαιμόνιον αὐτοῖσ ἐπεσήμαινεν·

εὐθὺ γὰρ τοῦ στόλου τινὲσ νῆεσ ἀποσχισθεῖσαι περὶ τὴν Βρεττίαν ἑάλωσαν ὑπὸ τῶν Ἀγαθοκλέουσ στρατηγῶν καὶ τὸ παραπλήσιον οἱ ζωγρηθέντεσ τῶν Φοινίκων ἔπαθον οἷσ ἔπραξαν εἰσ τοὺσ ἁλόντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 103

(디오도로스 시켈로스, Bibliotheca Historica, Books XVIII-XX, book 19, chapter 103)

상위

목록

SEARCH

MENU NAVIGATION