헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 102)

ὁ δ’ Ἀγαθοκλῆσ σπεύδων αὐτῶν καταλῦσαι τὸ σύστημα Πασίφιλον στρατηγὸν ἐξαπέστειλε μετὰ δυνάμεωσ εἰσ τὴν Μεσσήνην, ἐντειλάμενοσ ἐν ἀπορρήτοισ ἃ χρὴ πράττειν. οὗτοσ δὲ ἀπροσδοκήτωσ ἐμβαλὼν εἰσ τὴν χώραν καὶ πολλῶν αἰχμαλώτων καὶ τῆσ ἄλλησ λείασ ἐγκρατὴσ γενόμενοσ ἠξίου τοὺσ Μεσσηνίουσ βούλεσθαι τὴν φιλίαν καὶ μὴ συναναγκάζεσθαι τοῖσ πολεμιωτάτοισ αὐτοῦ διαλύεσθαι.

οἱ δὲ Μεσσήνιοι λαβόντεσ ἐλπίδασ τοῦ χωρὶσ κινδύνων ἀπολυθήσεσθαι τοῦ πολέμου τούσ τε φυγάδασ τοὺσ ἐκ Συρακουσσῶν ἐξέβαλον καὶ τὸν Ἀγαθοκλέα παραγενόμενον μετὰ δυνάμεωσ προσεδέξαντο.

ὁ δὲ τὸ μὲν πρῶτον φιλανθρώπωσ αὐτοῖσ προσεφέρετο καὶ τοὺσ φυγάδασ ἔπεισεν καταδέξασθαι τοὺσ συ στρατευομένουσ μὲν αὐτῷ, πεφυγαδευμένουσ δὲ νόμῳ ὑπὸ τῶν Μεσσηνίων.

μετὰ δὲ ταῦτα τοὺσ ἐναντιουμένουσ ἐν τοῖσ ἔμπροσθεν χρόνοισ τῇ δυναστείᾳ μεταπεμψάμενοσ ἔκ τε Ταυρομενίου καὶ τῆσ Μεσσήνησ ἅπαντασ ἀπέσφαξεν, οὐκ ἐλάττουσ ὄντασ ἑξακοσίων·

διανοούμενοσ γὰρ πόλεμον ἐκφέρειν τοῖσ Καρχηδονίοισ πᾶν τὸ διακείμενον ἀλλοτρίωσ κατὰ τὴν Σικελίαν ἐκ ποδῶν ἐποιεῖτο.

οἱ δὲ Μεσσήνιοι τῶν ξένων τοὺσ εὐνουστάτουσ αὐτοῖσ καὶ δυναμένουσ ἀμύνασθαι τὸν τύραννον ἐκβεβληκότεσ ἐκ τῆσ πόλεωσ καὶ τῶν πολιτῶν τοὺσ ἀλλοτρίωσ ἔχοντασ πρὸσ τὸν δυνάστην ὁρῶντεσ ἀνῃρημένουσ, ἔτι δὲ τοὺσ ἐπὶ κακουργίᾳ καταδεδικασμένουσ ἠναγκασμένοι καταδέξασθαι μετεμέλοντο μὲν ἐπὶ τοῖσ πεπραγμένοισ, ἠναγκάζοντο δὲ καρτερεῖν, καταπεπληγμένοι τὴν ὑπεροχὴν τῶν κρατούντων. ὁ δ’ Ἀγαθοκλῆσ τὸ μὲν πρῶτον ἀνέζευξεν ἐπ’ Ἀκράγαντοσ, διανοούμενοσ καὶ ταύτην τὴν πόλιν συσκευάσασθαι·

τῶν δὲ Καρχηδονίων καταπλευσάντων ναυσὶν ἑξήκοντα ταύτησ μὲν τῆσ προθέσεωσ ἀπέστη, τὴν δὲ χώραν τὴν ὑπὸ Καρχηδονίουσ ἐπιὼν ἐλεηλάτει καὶ τῶν φρουρίων ἃ μὲν ᾕρει κατὰ κράτοσ, ἃ δὲ δι’ ὁμολογίασ προσήγετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 102

(디오도로스 시켈로스, Bibliotheca Historica, Books XVIII-XX, book 19, chapter 102)

상위

목록

SEARCH

MENU NAVIGATION