헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 84)

ἐπὶ πολὺν δὲ χρόνον τῆσ ἱππομαχίασ οὔσησ ἐφαμίλλου τὰ θηρία διὰ τῶν Ἰνδῶν εἰσ τὸν ἀγῶνα παρορμηθέντα μέχρι μέν τινοσ προῆγεν καταπληκτικῶσ, ὡσ οὐδενὸσ ὑποστησομένου· ὡσ δ’ ἐπὶ τὸν σεσιδηρωμένον χάρακα κατήντησε, τὸ μὲν πλῆθοσ τῶν ἀκοντιστῶν καὶ τοξοτῶν συνεχῶσ βαλλόντων κατετίτρωσκε τὰ σώματα τῶν ἐλεφάντων καὶ τοὺσ ἐπ’ αὐτοῖσ ἀναβεβηκότασ· βιαζομένων δὲ τῶν Ἰνδῶν καὶ κολαζόντων τὰ θηρία τινὰ μὲν αὐτῶν περιεπείροντο τῷ φιλοτεχνηθέντι χάρακι καὶ ταῖσ πληγαῖσ καὶ πυκνότησι τῶν τιτρωσκόντων περιώδυνα γινόμενα ἐποίει θόρυβον.

τὸ γὰρ γένοσ τοῦτο κατὰ μὲν τοὺσ ὁμαλοὺσ καὶ μαλακοὺσ τόπουσ ἀνυπόστατον παρέχεται κατὰ στόμα τὴν ῥώμην, ἐν δὲ τοῖσ τραχέσι καὶ δυσβάτοισ τελέωσ ἄπρακτον ἔχει τὴν ἀλκὴν διὰ τὴν τῶν ποδῶν μαλακότητα.

διὸ καὶ τότε τῶν περὶ Πτολεμαῖον συνετῶσ προεωραμένων τὸ μέλλον ἐκ τοῦ χάρακοσ τῆσ πήξεωσ ἄπρακτον ἐποίει τὴν βίαν αὐτῶν.

τέλοσ δὲ τῶν πλείστων Ἰνδῶν κατακοντισθέντων ὑποχειρίουσ συνέβη γενέσθαι πάντασ τοὺσ ἐλέφαντασ. οὗ τελεσθέντοσ οἱ πολλοὶ τῶν περὶ τὸν Δημήτριον ἱππέων καταπλαγέντεσ πρὸσ φυγὴν ὡρ́μησαν·

αὐτὸσ δὲ μετ’ ὀλίγων ἀπολειφθεὶσ καὶ δεόμενοσ ἑκάστου στῆναι καὶ μὴ καταλιπεῖν αὐτόν, ὡσ οὐδεὶσ προσεἶχε, συναποχωρεῖν ἠναγκάζετο. μέχρι μὲν οὖν Γάζησ οἱ πολλοὶ τῶν ἱππέων συνακολουθοῦντεσ ὑπήκουον καὶ κατέστησαν εἰσ τάξεισ, ὥστε μηδένα ῥᾳδίωσ τολμᾶν προσάγειν τῶν εἰκῇ διωκόντων·

τὸ γὰρ πεδίον εὐρύχωρον ὂν καὶ μαλακὸν συνήργει τοῖσ βουλομένοισ ἐν τάξει ποιεῖσθαι τὴν ἀποχώρησιν. συνείποντο δὲ καὶ πεζῶν οἱ βουληθέντεσ λιπεῖν τὰσ τάξεισ καὶ χωρὶσ τῶν ὅπλων διασώζειν ἑαυτοὺσ ἐλαφρούσ.

παραλλάσσοντοσ δὲ αὐτοῦ Γάζαν περὶ ἡλίου δύσιν ἀπολιπόντεσ τῶν ἱππέων τινὲσ παρῆλθον εἰσ τὴν πόλιν, ἐκκομίσαι βουλόμενοι τὰσ ἀποσκευάσ. ἀνοιχθεισῶν οὖν τῶν πυλῶν καὶ πλήθουσ ὑποζυγίων ἀθροισθέντοσ, ἔτι δ’ ἑκάστου πρώτου σπεύδοντοσ ἐξαγαγεῖν τὰ σκευοφόρα τοσοῦτον θόρυβον γενέσθαι συνέβη περὶ τὰσ πύλασ ὥστε τῶν περὶ Πτολεμαῖον ἐπιόντων μηδένα δύνασθαι φθάσαι συγκλείσαντα.

διόπερ εἰσπεσόντων τῶν πολεμίων ἐντὸσ τοῦ τείχουσ ἡ πόλισ ὑποχείριοσ ἐγένετο τοῖσ περὶ Πτολε‐ μαῖον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 84

(디오도로스 시켈로스, Bibliotheca Historica, Books XVIII-XX, book 19, chapter 84)

상위

목록

SEARCH

MENU NAVIGATION