Diodorus Siculus, Bibliotheca Historica, Books XVIII-XX, book 19, chapter 97

(디오도로스 시켈로스, Bibliotheca Historica, Books XVIII-XX, book 19, chapter 97)

ἔσπευδε λαθεῖν τοὺσ βαρβάρουσ, οἱ δὲ σκοποὶ κατανοήσαντεσ πολεμίαν δύναμιν εἰσβεβληκυῖαν ἐσήμηναν τοῖσ Ναβαταίοισ διὰ τῶν συγκειμένων πυρσῶν· διόπερ οἱ βάρβαροι νομίσαντεσ συντόμωσ ἥκειν τοὺσ Ἕλληνασ, εἰσ μὲν τὴν πέτραν ἀπέθεντο τὰσ ἀποσκευὰσ καὶ φυλακὴν τὴν ἱκανὴν ἐπέστησαν, οὔσησ μιᾶσ ἀναβάσεωσ χειροποιήτου, αὐτοὶ δὲ διελόμενοι τὴν λείαν ἄλλοι κατ’ ἄλλουσ τόπουσ ἀπήλαυνον εἰσ τὴν ἔρημον. Δημήτριοσ δὲ παραγενόμενοσ εἰσ τὴν πέτραν καὶ τὴν λείαν καταλαβὼν ἀπηλλαγμένην προσβολὰσ συνεχεῖσ ἐποιεῖτο τῷ χωρίῳ.

ἀμυνομένων δὲ τῶν ἔνδον εὐρώστωσ καὶ περιγιγνομένων ῥᾳδίωσ διὰ τὴν ὑπεροχὴν τῶν τόπων τότε μὲν μέχρι δείλησ ἀγωνισάμενοσ ἀνεκαλέσατο τῇ σάλπιγγι τοὺσ στρατιώτασ· "βασιλεῦ Δημήτριε, τί βουλόμενοσ ἢ τίνοσ ἀναγκάζοντοσ πολεμεῖσ ἡμᾶσ, οἰκοῦντασ ἐν ἐρημίᾳ καὶ τόποισ οὔθ’ ὕδωρ ἔχουσιν οὔτε σῖτον οὔτε οἶνον οὔτ’ ἄλλο τι ἁπλῶσ οὐδὲν τῶν παρ’ ὑμῖν εἰσ τὴν χρείαν ἀνηκόντων;

"ἡμεῖσ γὰρ οὐδενὶ τρόπῳ προσιέμενοι δουλεύειν συμπεφεύγαμεν εἰσ χώραν σπανίζουσαν πάντων τῶν ἐν τοῖσ ἄλλοισ χρησίμων καὶ βίον εἱλόμεθα ζῆν ἔρημον καὶ θηριώδη παντελῶσ, οὐδὲν ὑμᾶσ βλάπτοντεσ. "ἀξιοῦμεν οὖν καὶ σὲ καὶ τὸν πατέρα μὴ ἀδικεῖν ἡμᾶσ, ἀλλὰ λαβόντασ δωρεὰσ παρ’ ἡμῶν ἀπαγαγεῖν τὸ στρατόπεδον καὶ φίλουσ νομίζειν Ναβαταίουσ εἰσ τὸν λοιπὸν χρόνον. "οὔτε γὰρ βουλόμενοσ δύνασαι μένειν ἐνταῦθα πλείουσ ἡμέρασ, ἀπορούμενοσ ὕδατοσ καὶ τῶν ἄλλων ἐπιτηδείων ἁπάντων, οὔθ’ ἡμᾶσ δύνασαι συναναγκάσαι βίον ζῆν ἕτερον, ἀλλά τινασ αἰχμαλώτουσ ἕξεισ δούλουσ ἀθύμουσ καὶ ζῆν οὐκ ἂν ὑπομείναντασ ἐν ἄλλοισ νομίμοισ. ῥηθέντων δὲ τοιούτων λόγων Δημήτριοσ μὲν ἀπαγαγὼν τὴν στρατιὰν ἐκέλευσεν αὐτοὺσ πρέσβεισ ἀποστέλλειν περὶ τούτων·

οἱ δὲ Ἄραβεσ ἐξέπεμψαν τοὺσ πρεσβυτάτουσ, οἳ παραπλήσια τοῖσ προειρημένοισ διελθόντεσ ἔπεισαν δεξάμενον δῶρα τὰ πολυτελέστατα τῶν παρ’ αὐτοῖσ διαλύσασθαι.

일치하는 문장이 없습니다.

SEARCH

MENU NAVIGATION