헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 30)

ἐπεὶ δὲ σύνεγγυσ ἀλλήλων ἐγένετο τὰ στρατόπεδα καὶ τὸ σύσσημον ἤρθη παρ’ ἀμφοτέροισ, ἐπηλάλαξαν μὲν αἱ δυνάμεισ ἐπαλλὰξ πλεονάκισ, ἐσήμηναν δ’ οἱ σαλπιγκταὶ τὸ πολεμικόν. πρῶτοι δ’ οἱ μετὰ Πίθωνοσ ἱππεῖσ, στερεὸν μὲν οὐδὲν οὐδ’ ἀξιόλογον ἔχοντεσ πρόφραγμα περὶ αὐτούσ, ὑπερέχοντεσ δὲ τῶν ἀντιτεταγμένων τῷ τε πλήθει καὶ ταῖσ ἐλαφρότησιν, ἐπειρῶντο χρήσασθαι τοῖσ ἰδίοισ προτερήμασι. τὸ μὲν γὰρ κατὰ στόμα διακινδυνεύειν πρὸσ ἐλέφαντασ οὐκ ἀσφαλὲσ ἐνόμιζον, περιιππεύσαντεσ δὲ τὸ κέρασ καὶ πλαγίοισ ἐμβαλόντεσ πυκνοῖσ τοῖσ βέλεσι κατετίτρωσκον, αὐτοὶ μὲν διὰ τὰσ ἐλαφρότητασ οὐδὲν πάσχοντεσ, μεγάλα δὲ βλάπτοντεσ τοὺσ διὰ τὰ βάρη μήτ’ ἐκδιῶξαι δυναμένουσ μήτ’ ἀναχωρεῖν, ὅταν καιρὸσ παραγγείλῃ.

ἐξαγαγὼν δὲ ἐπὶ κέρασ τὴν ὅλην τάξιν τοῖσ μὲν ψιλοῖσ καὶ τοῖσ ἐλαφροτάτοισ τῶν ἱππέων εἰσέβαλεν εἰσ τοὺσ ἐναντίουσ, ἐπακολουθούντων δὲ καὶ τῶν θηρίων ῥᾳδίωσ τρεψάμενοσ τοὺσ περὶ τὸν Πίθωνα κατεδίωξε μέχρι τῆσ ὑπωρίασ.

ἅμα δὲ τούτοισ πραττομένοισ συνέβη καὶ τοὺσ πεζοὺσ ἐφ’ ἱκανὸν μὲν χρόνον φαλαγγομαχεῖν πρὸσ ἀλλήλουσ, τὸ δὲ τελευταῖον πολλῶν πεσόντων παρ’ ἀμφοτέροισ ἐπικρατῆσαι τοὺσ παρ’ Εὐμενεῖ τεταγμένουσ διὰ τὰσ τῶν ἀργυρασπίδων Μακεδόνων ἀρετάσ·

οὗτοι γὰρ ταῖσ μὲν ἡλικίαισ ἤδη προβεβήκεισαν, διὰ δὲ τὸ πλῆθοσ τῶν κινδύνων διέφερον ταῖσ τόλμαισ καὶ ταῖσ εὐχειρίαισ, ὥστε μηδένα δύνασθαι κατὰ στόμα τὴν βίαν ὑποστῆναι.

διὸ καὶ τότε τρισχίλιοι μὲν ὄντεσ οἱονεὶ στόμωμα καθειστήκεισαν πάσησ τῆσ δυνάμεωσ. Ἀντίγονοσ δ’ ὁρῶν τό τε εὐώνυμον κέρασ τῶν ἰδίων πεφευγότασ καὶ τὴν φάλαγγα πᾶσαν τετραμμένην τοῖσ μὲν συμβουλούουσιν ἀποχωρεῖν πρὸσ τὴν ὀρεινὴν καὶ τοὺσ ἀπὸ τῆσ φυγῆσ σωζομένουσ ἀναλαμβάνειν, ἄθραυστον ἔχοντα τὸ περὶ αὐτὸν μέροσ τῆσ δυνάμεωσ, οὐ προσέσχε, τῷ δὲ παρὰ τοῦ καιροῦ δοθέντι προτερήματι δεξιῶσ χρησάμενοσ καὶ τοὺσ φεύγοντασ τῶν ἰδίων ἔσωσε καὶ τῆσ νίκησ ἔτυχεν.

οἱ μὲν γὰρ ἀργυράσπιδεσ οἱ παρ’ Εὐμενεῖ καὶ τὸ λοιπὸν πλῆθοσ τῶν πεζῶν ὡσ τάχιστα ἐτρέψατο τοὺσ ἀντιτεταγμένουσ, ἐπεδίωκεν μέχρι τῆσ πρότερον ὑπωρίασ·

ὁ δ’ Ἀντίγονοσ γενομένου διαστήματοσ ἐν τῇ τῶν πολεμίων τάξει διιππεύσασ μέρει τῶν ἱππέων ἐνέβαλεν εἰσ πλαγίουσ τοὺσ περὶ Εὔδαμον τεταγμένουσ ἐπὶ τοῦ λαιοῦ κέρατοσ.

ταχὺ δὲ διὰ τὸ παράδοξον τρεψάμενοσ τοὺσ ἐναντίουσ καὶ πολλοὺσ ἀνελὼν διαπέστειλε τῶν ἱππέων τοὺσ ἐλαφροτάτουσ καὶ διὰ τούτων ἀνεκαλέσατο τοὺσ φεύγοντασ καὶ παρὰ τὴν ὑπωρίαν πάλιν εἰσ τάξιν κατέστησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 30

(디오도로스 시켈로스, Bibliotheca Historica, Books XVIII-XX, book 19, chapter 30)

상위

목록

SEARCH

MENU NAVIGATION