헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 62)

ἅμα δὲ τούτοισ πραττομένοισ Πτολεμαῖοσ μὲν ἀκούσασ τὰ δεδογμένα τοῖσ μετ’ Ἀντιγόνου Μακεδόσι περὶ τῆσ τῶν Ἑλλήνων ἐλευθερίασ ἔγραψε καὶ αὐτὸσ τὰ παραπλήσια, βουλόμενοσ εἰδέναι τοὺσ Ἕλληνασ ὅτι φροντίζει τῆσ αὐτονομίασ αὐτῶν οὐχ ἧττον Ἀντιγόνου· οὐ γὰρ μικρὰν ῥοπὴν ὁρῶντεσ οὖσαν ἑκάτεροι προσλαβέσθαι τὴν τῶν Ἑλλήνων εὔνοιαν διημιλλῶντο πρὸσ ἀλλήλουσ περὶ τῆσ εἰσ τούτουσ εὐεργεσίασ.

προσελάβετο δ’ εἰσ τὴν συμμαχίαν καὶ τὸν τῆσ Καρίασ σατράπην Κάσανδρον, ἰσχύοντα καὶ πόλεισ ἔχοντα τεταγμένασ ὑφ’ ἑαυτὸν οὐκ ὀλίγασ. προαπεσταλκὼσ δὲ τοῖσ ἐν Κύπρῳ βασιλεῦσι στρατιώτασ τρισχιλίουσ ἐξέπεμψε τότε δύναμιν ἁδράν, σπεύδων συναναγκάσαι τοὺσ ἐναντιοπραγοῦντασ ποιεῖν τὸ προστασσόμενον.

Μυρμιδόνα μὲν οὖν τὸν Ἀθηναῖον ἀπέστειλε μετὰ στρατιωτῶν μυρίων, Πολύκλειτον δὲ μετὰ νεῶν ἑκατόν, τῶν δὲ πάντων στρατηγὸν Μενέλαον τὸν ἀδελφόν.

οὗτοι δὲ πλεύσαντεσ εἰσ Κύπρον κἀκεῖ καταλαβόντεσ Σέλευκον μετὰ τοῦ στόλου συνήδρευσαν βουλευόμενοι τί χρὴ πράττειν. ἔδοξεν οὖν αὐτοῖσ Πολύκλειτον μετὰ πεντήκοντα νεῶν πλεῖν εἰσ Πελοπόννησον καὶ διαπολεμεῖν τοῖσ περὶ Ἀριστόδημον καὶ Ἀλέξανδρον, ἔτι δὲ Πολυπέρχοντα, Μυρμιδόνα δὲ καὶ τοὺσ ξένουσ εἰσ Καρίαν, βοηθήσοντασ τοῖσ περὶ τὸν Κάσανδρον πολεμουμένοισ ὑπὸ Πτολεμαίου τοῦ στρατηγοῦ, τοὺσ δὲ περὶ τὸν Σέλευκον καὶ Μενέλαον ὑπολειφθέντασ ἐν Κύπρῳ μετὰ Νικοκρέοντοσ τοῦ βασιλέωσ καὶ τῶν ἄλλων τῶν συμμαχούντων διαπολεμεῖν τοῖσ ἐναντιουμένοισ.

τοῦτον δὲ τὸν τρόπον τῆσ δυνάμεωσ διαμερισθείσησ οἱ περὶ Σέλευκον Κερυνίαν μὲν καὶ Λάπιθον ἐξεπολιόρκησαν, Στασίοικον δὲ τὸν βασιλέα τῶν Μαριέων προσαγαγόμενοι τὸν Ἀμαθουσίων δυνάστην ἠνάγκασαν ὅμηρα δοῦναι, τὴν δὲ τῶν Κιτίων πόλιν οὐ δυνάμενοι προσαγαγέσθαι συνεχῶσ ἐπολιόρκουν πάσῃ τῇ δυνάμει.

κατὰ τοῦτον δὲ τὸν καιρὸν πρὸσ Ἀντίγονον κατέπλευσαν ἐξ Ἑλλησπόντου ναῦσ τεσσαράκοντα Θεμίσωνοσ ναυαρχοῦντοσ·

ὁμοίωσ δὲ ἐξ Ἑλλησπόντου καὶ Ῥόδου κατήγαγε σκάφη Διοσκουρίδησ ὀγδοήκοντα. προϋπῆρχον δ’ αὐτῷ κατηρτισμέναι ναῦσ τῶν ἐν Φοινίκῃ ναυπηγηθεισῶν αἱ πρῶται συντελεσθεῖσαι·

αὗται δ’ ἦσαν σὺν ταῖσ ἐν Τύρῳ καταληφθείσαισ ἑκατὸν καὶ εἴκοσιν, ὥστε τὰσ πάσασ περὶ αὐτὸν ἠθροῖσθαι ναῦσ μακρὰσ ἐξηρτυμένασ διακοσίασ τεσσαράκοντα· τούτων δ’ ἦσαν τετρήρεισ μὲν ἐννενήκοντα πεντήρεισ δὲ δέκα, ἐννήρεισ δὲ τρεῖσ, δεκήρεισ δὲ δέκα, ἄφρακτοι δὲ τριάκοντα. διελόμενοσ δὲ τὸν στόλον πεντήκοντα μὲν ναῦσ ἐξέπεμψεν εἰσ Πελοπόννησον, τῶν δ’ ἄλλων ναύαρχον καταστήσασ Διοσκουρίδην τὸν ἀδελφιδοῦν προσέταξε περιπλεῖν τοῖσ τε συμμάχοισ παρεχόμενον τὴν ἀσφάλειαν καὶ τῶν νήσων τὰσ μήπω μετεχούσασ τῆσ συμμαχίασ προσαγόμενον.

τὰ μὲν οὖν κατὰ τὸν Ἀντίγονον ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 62

(디오도로스 시켈로스, Bibliotheca Historica, Books XVIII-XX, book 19, chapter 62)

상위

목록

SEARCH

MENU NAVIGATION