헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 2)

ἐπ’ ἄρχοντοσ γὰρ Ἀθήνησι Δημογένουσ Ῥωμαῖοι μὲν κατέστησαν ὑπάτουσ Λεύκιον Πλώτιον καὶ Μάνιον Φούλβιον, Ἀγαθοκλῆσ δ’ ὁ Συρακόσιοσ τύραννοσ ἐγένετο τῆσ πόλεωσ. ἕνεκα δὲ τοῦ σαφεστέρασ γενέσθαι τὰσ κατὰ μέροσ πράξεισ βραχέα προαναληψόμεθα περὶ τοῦ προειρημένου δυνάστου. Καρκῖνοσ ὁ Ῥηγῖνοσ φυγὰσ γενόμενοσ ἐκ τῆσ πατρίδοσ κατῴκησεν ἐν Θέρμοισ τῆσ Σικελίασ, τεταγμένησ τῆσ πόλεωσ ταύτησ ὑπὸ Καρχηδονίουσ.

ἐμπλακεὶσ δὲ τῶν ἐγχωρίων τινὶ γυναικὶ καὶ ποιήσασ αὐτὴν ἔγκυον συνεχῶσ κατὰ τοὺσ ὕπνουσ ἐταράττετο. διόπερ ἀγωνιῶν ὑπὲρ τῆσ παιδοποιίασ ἔδωκεν ἐντολὰσ Καρχηδονίοισ τισὶ θεωροῖσ ἀναγομένοισ εἰσ Δελφοὺσ ἐπερωτῆσαι τὸν θεὸν περὶ τοῦ γεννηθησομένου βρέφουσ.

ὧν ἐπιμελῶσ τὸ παρακληθὲν πραξάντων ἐξέπεσε χρησμὸσ ὅτι μεγάλων ἀτυχημάτων ὁ γεννηθεὶσ αἴτιοσ ἔσται Καρχηδονίοισ καὶ πάσῃ Σικελίᾳ. ἃ δὴ πυθόμενοσ καὶ φοβηθεὶσ ἐξέθηκε τὸ παιδίον δημοσίᾳ καὶ τοὺσ τηρήσοντασ ἵνα τελευτήσῃ παρακατέστησεν.

διελθουσῶν δέ τινων ἡμερῶν τὸ μὲν οὐκ ἀπέθνησκεν, οἱ τεταγμένοι δ’ ἐπὶ τῆσ φυλακῆσ ὠλιγώρουν. καθ’ ὃν δὴ χρόνον ἡ μήτηρ νυκτὸσ παρελθοῦσα λάθρᾳ τὸ παιδίον ἀνείλετο καὶ πρὸσ αὑτὴν μὲν οὐκ ἀπήνεγκε, φοβουμένη τὸν ἄνδρα, πρὸσ δὲ τὸν ἀδελφὸν Ἡρακλείδην καταθεμένη προσηγόρευσεν Ἀγαθοκλέα, τὴν ὁμωνυμίαν εἰσ τὸν ἑαυτῆσ ἀνενέγκασα πατέρα.

παρ’ ᾧ τρεφόμενοσ ὁ παῖσ ἐξέβη τήν τε ὄψιν εὐπρεπὴσ καὶ τὸ σῶμα εὔρωστοσ πολὺ μᾶλλον ἢ κατὰ τὴν ἡλικίαν.

ἑπταετοῦσ δ’ ὄντοσ αὐτοῦ παρακληθεὶσ ὁ Καρκῖνοσ ὑφ’ Ἡρακλείδου πρόσ τινα θυσίαν καὶ θεασάμενοσ τὸν Ἀγαθοκλέα παίζοντα μετά τινων ἡλικιωτῶν ἐθαύμαζε τό τε κάλλοσ καὶ τὴν ῥώμην, τῆσ τε γυναικὸσ εἰπούσησ ὅτι τηλικοῦτοσ ἂν ἦν ὁ ἐκτεθείσ, εἴπερ ἐτράφη, μεταμέλεσθαί τε ἔφη τοῖσ πραχθεῖσι καὶ συνεχῶσ ἐδάκρυεν. εἶθ’ ἡ μὲν γνοῦσα τὴν ὁρμὴν τἀνδρὸσ συμφωνοῦσαν τοῖσ πεπραγμένοισ ἐξέθηκε πᾶσαν τὴν ἀλήθειαν.

ὁ δ’ ἀσμένωσ προσδεξάμενοσ τοὺσ λόγουσ τὸν μὲν υἱὸν ἀπέλαβε, τοὺσ δὲ Καρχηδονίουσ φοβούμενοσ μετῴκησεν εἰσ Συρακούσσασ πανοίκιοσ· πένησ δ’ ὢν ἐδίδαξε τὸν Ἀγαθοκλέα τὴν κεραμευτικὴν τέχνην ἔτι παῖδα τὴν ἡλικίαν ὄντα. καθ’ ὃν δὴ χρόνον Τιμολέων μὲν ὁ Κορίνθιοσ νικήσασ τὴν ἐπὶ τῷ Κρημισσῷ μάχην τοὺσ Καρχηδονίουσ μετέδωκε τῆσ ἐν Συρακούσσαισ πολιτείασ πᾶσι τοῖσ βουλομένοισ.

ὁ δὲ Καρκῖνοσ μετ’ Ἀγαθοκλέουσ πολιτογραφηθεὶσ καὶ μετὰ ταῦτα ὀλίγον βιώσασ χρόνον ἐτελεύτησεν. ἡ δὲ μήτηρ ἀνέθηκεν λιθίνην εἰκόνα τοῦ παιδὸσ ἔν τινι τεμένει, πρὸσ ἣν μελισσῶν ἑσμὸσ προσκαθίσασ ἐκηροπλάστησεν ἐπὶ τῶν ἰσχίων.

τοῦ δὲ σημείου προσενεχθέντοσ τοῖσ περὶ ταῦτ’ ἀσχολουμένοισ ἀπεφήναντο πάντεσ κατὰ τὴν ἀκμὴν ἥξειν αὐτὸν εἰσ μεγάλην ἐπιφάνειαν· ὅπερ καὶ συνετελέσθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 2

(디오도로스 시켈로스, Bibliotheca Historica, Books XVIII-XX, book 19, chapter 2)

상위

목록

SEARCH

MENU NAVIGATION