헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 59)

ὄντοσ δ’ αὐτοῦ περὶ ταῦτα παρῆν Ἀγησίλαοσ ὁ πεμφθεὶσ εἰσ Κύπρον πρεσβευτήσ, ἀπαγγέλλων ὅτι Νικοκρέων μὲν καὶ τῶν ἄλλων οἱ κράτιστοι βασιλεῖσ πρὸσ Πτολεμαῖον πεποίηνται συμμαχίαν, ὁ δὲ Κιτιεὺσ καὶ Λαπίθιοσ, ἔτι δὲ Μαριεὺσ καὶ Κερυνίτησ τὴν πρὸσ αὐτὸν φιλίαν συντέθεινται. ἀκούσασ δὲ ταῦτα τρισχιλίουσ μὲν στρατιώτασ καὶ στρατηγὸν Ἀνδρόνικον κατέλιπεν ἐπὶ τῆσ πολιορκίασ, αὐτὸσ δὲ μετὰ τῆσ δυνάμεωσ ἀναζεύξασ τήν τ’ Ιὄππην καὶ Γάζαν ἀπειθούσασ κατὰ κράτοσ εἷλε καὶ τοὺσ μὲν καταληφθέντασ Πτολεμαίου στρατιώτασ ἐπιδιεῖλεν εἰσ τὰσ ἰδίασ τάξεισ, εἰσ δὲ τὰσ πόλεισ παρεισήγαγε φρουρὰν τὴν ἀναγκάσουσαν πειθαρχεῖν τοὺσ ἐνοικοῦντασ.

αὐτὸσ δ’ ἐπανελθὼν εἰσ τὴν πρὸσ Παλαιτύρῳ στρατοπεδείαν παρεσκευάζετο τὰ πρὸσ τὴν πολιορκίαν.

Ἐπὶ δὲ τῶν καιρῶν τούτων Ἀρίστων ὁ πιστευθεὶσ ὑπ’ Εὐμενοῦσ τῶν ὀστῶν τῶν Κρατεροῦ παρέδωκεν εἰσ ταφὴν αὐτὰ Φίλᾳ τῇ πρότερον μὲν Κρατερῷ συνοικούσῃ, τότε δὲ Δημητρίῳ τῷ Ἀντιγόνου. αὕτη δ’ ἡ γυνὴ συνέσει δοκεῖ διενηνοχέναι·

τούσ τε γὰρ ταραχώδεισ τῶν ἐν τῷ στρατοπέδῳ κατέπαυεν ἁρμοζόντωσ πολιτευομένη πρὸσ ἕκαστον, τάσ τε ἀδελφὰσ καὶ θυγατέρασ τῶν ἀπόρων ἐξεδίδου τοῖσ ἰδίοισ δαπανήμασι, πολλοὺσ δὲ καὶ τῶν διαβολαῖσ περιπιπτόντων μὴ δικαίαισ ἀπήλλασσε τῶν κινδύνων. λέγεται δὲ καὶ Ἀντίπατρον τὸν πατέρα αὐτῆσ, ὃσ δοκεῖ γεγονέναι φρονιμώτατοσ τῶν ἐν δυναστείαισ γεγονότων κατὰ τὴν αὐτὴν ἡλικίαν, κόρησ οὔσησ ἔτι τῆσ Φίλασ συμβουλεύεσθαι πρὸσ ταύτην περὶ τῶν μεγίστων.

μηνύσει δ’ ἀκριβέστερον τὸ τῆσ γυναικὸσ ἦθοσ προϊὼν ὁ λόγοσ καὶ τὰ πράγματα λαμβάνοντα μεταβολὴν καὶ κρίσιν ἐσχάτην τῆσ περὶ Δημήτριον βασιλείασ.

καὶ τὰ μὲν περὶ Ἀντίγονον καὶ Φίλαν τὴν Δημητρίου γυναῖκα τοιαῦτ’ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 59

(디오도로스 시켈로스, Bibliotheca Historica, Books XVIII-XX, book 19, chapter 59)

상위

목록

SEARCH

MENU NAVIGATION