Diodorus Siculus, Bibliotheca Historica, Books XVIII-XX, book 19, chapter 75

(디오도로스 시켈로스, Bibliotheca Historica, Books XVIII-XX, book 19, chapter 75)

βέβαιοσ ὢν φίλοσ Ἀντιγόνῳ. δοὺσ δὲ περὶ τούτων ὅμηρον Ἀγάθωνα τὸν ἀδελφὸν καὶ μετ’ ὀλίγασ ἡμέρασ μεταμεληθεὶσ ἐπὶ ταῖσ συνθήκαισ τὸν μὲν ἀδελφὸν ἐξέκλεψεν ἐκ τῆσ ὁμηρίασ, πρὸσ δὲ Πτολεμαῖον καὶ Σέλευκον διαπρεσβευσάμενοσ ἠξίου βοηθεῖν τὴν ταχίστην. ἐφ’ οἷσ Ἀντίγονοσ δεινοπαθήσασ δύναμιν ἀπέστειλεν ἐπὶ τὴν ἐλευθέρωσιν τῶν πόλεων καὶ κατὰ γῆν καὶ κατὰ θάλασσαν, τοῦ μὲν στόλου ναύαρχον ἀποδείξασ Μήδιον, τοῦ δὲ στρατοπέδου καταστήσασ στρατηγὸν Δόκιμον.

οὗτοι δὲ παραγενόμενοι πρὸσ τὴν πόλιν τῶν Μιλησίων τούσ τε πολίτασ ἐκάλουν ἐπὶ τὴν ἐλευθερίαν καὶ τὴν φρουρουμένην ἄκραν ἐκπολιορκήσαντεσ εἰσ αὐτονομίαν ἀποκατέστησαν τὸ πολίτευμα.

περὶ ταῦτα δ’ ὄντων τούτων Ἀντίγονοσ Τράλλεισ ἐξεπολιόρκησεν·

εἰσ δὲ Καῦνον παρελθὼν καὶ τὸν στόλον μεταπεμψάμενοσ εἷλε καὶ ταύτην τὴν πόλιν πλὴν τῆσ ἄκρασ· ταύτην δὲ περιχαρακώσασ, καθ’ ὃ μέροσ ἦν προσμάχεσθαι, συνεχεῖσ προσβολὰσ ἐποιεῖτο. ἐπὶ δὲ τὴν Ιἀσὸν πόλιν ἐκπεμφθεὶσ Πτολεμαῖοσ μετὰ δυνάμεωσ ἱκανῆσ ἠνάγκασε προσθέσθαι τοῖσ περὶ Ἀντίγονον. αὗται μὲν οὖν τῆσ Καρίασ οὖσαι τοῦτον τὸν τρόπον ὑπετάγησαν Ἀντιγόνῳ.

μετ’ ὀλίγασ δ’ ἡμέρασ ἐλθόντων πρὸσ αὐτὸν πρεσβευτῶν παρ’ Αἰτωλῶν καὶ Βοιωτῶν πρὸσ μὲν τούτουσ συμμαχίαν συνέθετο, τῷ δὲ Κασάνδρῳ συνελθὼν εἰσ λόγουσ ὑπὲρ εἰρήνησ περὶ τὸν Ἑλλήσποντον ἀπῆλθεν ἄπρακτοσ, οὐ δυναμένων αὐτῶν οὐδαμῶσ συμφωνῆσαι. διόπερ ὁ Κάσανδροσ ἀπογνοὺσ τὰσ διαλύσεισ διέγνω τῶν κατὰ τὴν Ἑλλάδα πάλιν πραγμάτων ἀντέχεσθαι. ἀναζεύξασ οὖν μετὰ τριάκοντα νεῶν εἰσ Ὠρεὸν ἐπολιόρκει τὴν πόλιν.

ἐνεργῶσ δ’ αὐτοῦ ταῖσ προσβολαῖσ χρωμένου καὶ τοῦ πολίσματοσ ἤδη κατὰ κράτοσ ἁλισκομένου παρεγένετο βοηθήσων τοῖσ Ὠρίταισ Τελεσφόροσ μὲν ἐκ Πελοποννήσου μετὰ νεῶν εἴκοσι καὶ στρατιωτῶν χιλίων, Μήδιοσ δ’ ἐκ τῆσ Ἀσίασ ἔχων ναῦσ ἑκατόν. οὗτοι δ’ ὁρῶντεσ ἐφορμούσασ τῷ λιμένι τὰσ τοῦ Κασάνδρου ναῦσ πῦρ ἐνῆκαν καὶ τέσσαρασ μὲν κατέκαυσαν, παρ’ ὀλίγον δὲ καὶ πάσασ διέφθειραν·

τοῖσ δ’ ἐλαττουμένοισ παραγενομένησ βοηθείασ ἐξ Ἀθηνῶν ἐπέπλευσαν οἱ περὶ Κάσανδρον καταφρονοῦσι τοῖσ πολεμίοισ. συμβαλόντεσ δ’ αὐτοῖσ μίαν μὲν κατέδυσαν, τρεῖσ δ’ αὐτάνδρουσ ἔλαβον. καὶ τὰ μὲν πραχθέντα περὶ τὴν Ἑλλάδα καὶ τὸν Πόντον τοιαῦτ’ ἦν.

일치하는 문장이 없습니다.

SEARCH

MENU NAVIGATION