Diodorus Siculus, Bibliotheca Historica, Books XVIII-XX, book 19, chapter 76

(디오도로스 시켈로스, Bibliotheca Historica, Books XVIII-XX, book 19, chapter 76)

κατὰ δὲ τὴν Ἰταλίαν Σαμνῖται μὲν μετὰ πολλῆσ δυνάμεωσ ἐπῄεσαν πορθοῦντεσ τῶν κατ’ Ἰταλίαν πόλεων ὅσαι τοῖσ ἐναντίοισ συνηγωνίζοντο, οἱ δ’ ὕπατοι τῶν Ῥωμαίων μετὰ στρατοπέδου παραγενόμενοι παραβοηθεῖν ἐπειρῶντο τοῖσ κινδυνεύουσιν τῶν συμμάχων. ἀντεστρατοπεδεύσαντο δὲ τοῖσ πολεμίοισ περὶ Κίνναν πόλιν καὶ ταύτην μὲν εὐθὺσ ἐρύσαντο τῶν ἐπικειμένων φόβων, μετ’ ὀλίγασ δ’ ἡμέρασ ἐκταξάντων ἀμφοτέρων τὰσ δυνάμεισ ἐγένετο μάχη καρτερὰ καὶ συχνοὶ παρ’ ἀμφοτέροισ ἔπεσον.

τὸ δὲ τέλοσ οἱ Ῥωμαῖοι βιασάμενοι κατὰ κράτοσ περιεγένοντο τῶν πολεμίων, ἐπὶ πολὺν δὲ χρόνον χρησάμενοι τῷ διωγμῷ πλείουσ τῶν μυρίων ἀνεῖλον. καὶ τῆσ μάχησ ἀγνοουμὲνησ ἔτι Καμπανοὶ μὲν καταφρονήσαντεσ τῶν Ῥωμαίων ἀπέστησαν, ὁ δὲ δῆμοσ εὐθὺσ δύναμίν τε τὴν ἱκανὴν ἐξέπεμψεν ἐπ’ αὐτοὺσ καὶ στρατηγὸν αὐτοκράτορα Γάιον Μάνιον καὶ μετ’ αὐτοῦ κατὰ τὸ πάτριον ἔθοσ Μάνιον Φούλβιον ἵππαρχον.

τούτων δὲ πλησίον τῆσ Καπύησ καταστρατοπεδευσάντων οἱ Καμπανοὶ τὸ μὲν πρῶτον ἐπεχείρουν ἀγωνίζεσθαι, μετὰ δὲ ταῦτα πυθόμενοι τὴν τῶν Σαμνιτῶν ἧτταν καὶ νομίσαντεσ πάσασ τὰσ δυνάμεισ ἥξειν ἐπ’ αὐτοὺσ διελύσαντο πρὸσ Ῥωμαίουσ·

τοὺσ γὰρ αἰτίουσ τῆσ ταραχῆσ ἐξέδωκαν, οἳ προτεθείσησ κρίσεωσ οὐ περιμείναντεσ τὴν ἀπόφασιν αὑτοὺσ ἀνεῖλαν.

αἱ δὲ πόλεισ τυχοῦσαι συγγνώμησ εἰσ τὴν προϋπάρχουσαν συμμαχίαν ἀποκατέστησαν.

일치하는 문장이 없습니다.

SEARCH

MENU NAVIGATION