Diodorus Siculus, Bibliotheca Historica, Books XVIII-XX, book 19, chapter 94

(디오도로스 시켈로스, Bibliotheca Historica, Books XVIII-XX, book 19, chapter 94)

Ἀντίγονοσ δ’ ἀκινδύνωσ ἀνακτησάμενοσ τήν τε Συρίαν πᾶσαν καὶ Φοινίκην ἐπεβάλετο στρατεύειν ἐπὶ τὴν χώραν τῶν Ἀράβων τῶν καλουμένων Ναβαταίων. κρίνασ γὰρ τὸ ἔθνοσ τοῦτο τῶν ἑαυτοῦ πραγμάτων ἀλλότριον εἶναι, προεχειρίσατο τῶν αὑτοῦ φίλων Ἀθήναιον, δοὺσ δ’ αὐτῷ πεζοὺσ μὲν εὐζώνουσ τετρακισχιλίουσ, ἱππεῖσ δὲ τοὺσ ἐπιτηδείουσ εἰσ δρόμον ἑξακοσίουσ συνέταξεν ἐπιθέσθαι τοῖσ βαρβάροισ ἄφνω καὶ τὴν λείαν πᾶσαν ἀποτεμέσθαι. χρήσιμον δ’ ἐστὶ τῶν ἀγνοούντων ἕνεκα διελθεῖν τὰ νόμιμα τῶν Ἀράβων τούτων, οἷσ χρώμενοι δοκοῦσι τὴν ἐλευθερίαν διαφυλάττειν.

ἔχουσι τοίνυν τὸν βίον ὑπαίθριον, πατρίδα καλοῦντεσ τὴν ἀοίκητον τὴν μήτε ποταμοὺσ ἔχουσαν μήτε κρήνασ δαψιλεῖσ, ἐξ ὧν δυνατὸν στρατόπεδον πολέμιον ὑδρεύσασθαι. νόμοσ δ’ ἐστὶν αὐτοῖσ μήτε σῖτον σπείρειν μήτε φυτεύειν μηδὲν φυτὸν καρποφόρον μήτε οἴνῳ χρᾶσθαι μήτε οἰκίαν κατασκευάζειν·

ὃσ δ’ ἂν παρὰ ταῦτα ποιῶν εὑρίσκηται, θάνατον αὐτῷ πρόστιμον εἶναι. χρῶνται δὲ τῷ νόμῳ τούτῳ διαλαμβάνοντεσ τοὺσ ταῦτα κτωμένουσ ἀναγκασθήσεσθαι ῥᾳδίωσ ὑπὸ τῶν δυνατῶν ἕνεκα τῆσ τούτων χρείασ ποιεῖν τὸ προστασσόμενον.

τρέφουσι δ’ αὐτῶν οἱ μὲν καμήλουσ, οἱ δὲ πρόβατα, τὴν ἔρημον ἐπινέμοντεσ. οὐκ ὀλίγων δ’ ὄντων Ἀραβικῶν ἐθνῶν τῶν τὴν ἔρημον ἐπινεμόντων οὗτοι πολὺ τῶν ἄλλων προέχουσι ταῖσ εὐπορίαισ, τὸν ἀριθμὸν ὄντεσ οὐ πολὺ πλείουσ τῶν μυρίων· εἰώθασι γὰρ αὐτῶν οὐκ ὀλίγοι κατάγειν ἐπὶ θάλασσαν λιβανωτόν τε καὶ σμύρναν καὶ τὰ πολυτελέστατα τῶν ἀρωμάτων, διαδεχόμενοι παρὰ τῶν κομιζόντων ἐκ τῆσ Εὐδαίμονοσ καλουμένησ Ἀραβίασ.

φιλελεύθεροι δέ εἰσι διαφερόντωσ καὶ ὅταν πολεμίων δύναμισ ἁδρὰ προσίῃ, φεύγουσιν εἰσ τὴν ἔρημον, ταύτῃ χρώμενοι ὀχυρώματι·

ἄνυδροσ γὰρ οὖσα τοῖσ μὲν ἄλλοισ ἀνεπίβατόσ ἐστι, τούτοισ δὲ κατεσκευακόσιν ἀγγεῖα κατὰ γῆσ ὀρυκτὰ κεκονιαμένα μόνοισ παρέχεται μὴν ἀσφάλειαν. τῆσ γὰρ γῆσ οὔσησ τῆσ μὲν ἀργελλώδουσ, τῆσ δὲ πέτραν ἐχούσησ μαλακὴν ὀρύγματα μεγάλα ποιοῦσιν ἐν αὐτῇ, ὧν τὰ μὲν στόμια μικρὰ παντελῶσ κατασκευάζουσι, κατὰ βάθουσ δ’ ἀεὶ μᾶλλον εὐρυχωρῆ ποιοῦντεσ τὸ τελευταῖον τηλικοῦτ’ ἀποτελοῦσι τὸ μέγεθοσ ὥστε γίνεσθαι πλευρὰν ἑκάστην πλέθρου.

ταῦτα δὲ τὰ ἀγγεῖα πληροῦντεσ ὕδατοσ ὀμβρίου τὰ στόματ’ ἐμφράττουσι καὶ ποιοῦντεσ ἰσόπεδον τῇ λοιπῇ χώρᾳ σημεῖα καταλείπουσιν ἑαυτοῖσ μὲν γιγνωσκόμενα, τοῖσ δ’ ἄλλοισ ἀνεπινόητα.

ποτίζουσι δὲ καὶ τὴν λείαν δι’ ἡμερῶν τριῶν, ὅπωσ ἐν ταῖσ ἀνυδρίαισ καὶ φυγαῖσ μὴ προσδέωνται συνεχῶν ὑδάτων.

αὐτοὶ δὲ χρῶνται τροφῇ κρέασι καὶ γάλακτι καὶ τῶν ἐκ τῆσ γῆσ φυομένων τοῖσ ἐπιτηδείοισ· φύεται γὰρ παρ’ αὐτοῖσ τὸ πέπερι καὶ ἀπὸ τῶν δένδρων μέλι πυλὺ τὸ καλούμενον ἄγριον, ᾧ χρῶνται ποτῷ μεθ’ ὕδατοσ.

ἔστι δὲ καὶ ἄλλα γένη τῶν Ἀράβων, ὧν ἔνια καὶ γεωργεῖ μιγνύμενα τοῖσ φορολογουμένοισ καὶ μετέχει τῶν αὐτῶν τοῖσ Σύροισ πλὴν τοῦ πατασκηνοῦν ἐν οἰκίαισ.

일치하는 문장이 없습니다.

SEARCH

MENU NAVIGATION