헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 6)

ὁ δ’ οὖν Ἀγαθοκλῆσ ἐπιθυμητὴσ ὢν δυναστείασ πολλὰσ ἀφορμὰσ ἔσχεν εἰσ τὸ συντελέσαι τὸ βουλευθέν. οὐ μόνον γὰρ στρατηγὸσ ὢν κύριοσ τῆσ δυνάμεωσ ἦν, ἀλλὰ καὶ προσαγγελθέντοσ ὅτι τινὲσ τῶν ἀποστατῶν ἐν τῇ μεσογείῳ πρὸσ Ἐρβίτῃ συνάγουσι δύναμιν, ἐξουσίαν ἔλαβεν ἀνυπόπτωσ καταγράφειν οὓσ προαιροῖτο στρατιώτασ. διὸ καὶ προσποιηθεὶσ στρατεύειν ἐπὶ τὴν Ἐρβίταν κατέλεξεν εἰσ τάξεισ τούσ τ’ ἐκ Μοργαντίνησ καὶ τῶν ἄλλων τῶν ἐν τῇ μεσογείῳ πόλεων τοὺσ αὐτῷ πρότερον συμπορευθέντασ πρὸσ Καρχηδονίουσ.

οὗτοι γὰρ πάντεσ πρὸσ Ἀγαθοκλέα μὲν εὐνούστατα διέκειντο, πολλὰ προευεργετημένοι κατὰ τὰσ στρατείασ, πρὸσ δὲ τοὺσ ἐν Συρακούσσαισ ὀλιγαρχίασ κεκοινωνηκότασ ἑξακοσίουσ ἀεὶ πολεμικῶσ εἶχον καὶ καθόλου τὸν δῆμον ἐμίσουν, ἀναγκαζόμενοι ποιεῖν τὸ προσταττόμενον.

τούτων δ’ ὄντων μὲν τὸν ἀριθμὸν εἰσ τρισχιλίουσ, ταῖσ δ’ ὁρμαῖσ καὶ ταῖσ προαιρέσεσιν εὐθετωτάτων πρὸσ τὴν κατάλυσιν τῆσ δημοκρατίασ προσεπελέξατο καὶ τῶν πολιτῶν τοὺσ διὰ πενίαν καὶ φθόνον ἐναντιουμένουσ ταῖσ τῶν ἰσχυόντων ἐπιφανείαισ. ὡσ δ’ αὐτῷ πάντ’ ἦν εὐτρεπῆ, τοῖσ μὲν στρατιώταισ παρήγγειλεν ἀπαντᾶν ἅμ’ ἡμέρᾳ εἰσ τὸ Τιμολεόντιον, αὐτὸσ δὲ μεταπεμπόμενοσ τοὺσ περὶ Πείσαρχον καὶ Διοκλέα, τοὺσ δοκοῦντασ προεστάναι τῆσ τῶν ἑξακοσίων ἑταιρίασ, ὡσ περί τινων κοινῇ συμφερόντων διαλεξόμενοσ, ἐπειδὴ παρεγένοντο παραλαβόντεσ τῶν φίλων εἰσ τεσσαράκοντα, προσποιηθεὶσ ἑαυτὸν ἐπιβουλεύεσθαι συνελάμβανεν ἅπαντασ καὶ κατηγόρησε μὲν αὐτῶν ἐν τοῖσ στρατιώταισ, φήσασ ὑπὸ τῶν ἑξακοσίων ἁρπάζεσθαι διὰ τὴν πρὸσ τὸν δῆμον εὔνοιαν, καὶ κατωδύρετο τὴν περὶ αὐτὸν τύχην.

παροξυνομένου δὲ τοῦ πλήθουσ καὶ βοῶντοσ μηκέτι μέλλειν, ἀλλ’ ἐκ χειρὸσ ἐπιθεῖναι τοῖσ ἀδικήσασι τὴν δίκην, τοῖσ μὲν σαλπιγκταῖσ παρήγγειλε σημαίνειν τὸ πολεμικόν, τοῖσ δὲ στρατιώταισ ἀναιρεῖν τοὺσ αἰτίουσ καὶ διαρπάζειν τὰσ κτήσεισ τῶν ἑξακοσίων καὶ τῶν τούτοισ κοινοπραγούντων.

ὁρμησάντων δὲ πάντων ἐπὶ τὴν ἁρπαγὴν ἡ πόλισ ἐπληρώθη ταραχῆσ καὶ μεγάλων ἀτυχημάτων·

οἱ μὲν γὰρ χαριέστατοι τῶν πολιτῶν, ἀγνοοῦντεσ τὸν καθ’ αὑτῶν κεκυρωμένον ὄλεθρον, ἐξεπήδων ἐκ τῶν οἰκιῶν εἰσ τὰσ ὁδούσ, μαθεῖν σπεύδοντεσ τὸν θόρυβον, οἱ δὲ στρατιῶται τὰ μὲν διὰ τὴν πλεονεξίαν, τὰ δὲ διὰ τὸν θυμὸν ἠγριωμένοι τὰσ ψυχὰσ ἀνῄρουν τοὺσ διὰ τὴν ἄγνοιαν γυμνὰ τὰ σώματα τῶν ἀμυνομένων ὅπλων παρεχομένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 6

(디오도로스 시켈로스, Bibliotheca Historica, Books XVIII-XX, book 19, chapter 6)

상위

목록

SEARCH

MENU NAVIGATION