헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 31)

βοηθῆσαι τοῖσ περὶ τὸν Εὔδαμον. ἤδη δὲ τῆσ ὡρ́ασ οὔσησ περὶ λύχνων ἁφὰσ ἀμφότεροι τοὺσ φεύγοντασ ἀνακαλεσάμενοι πάλιν πᾶσαν ἐξέταττον τὴν δύναμιν· τοσαύτησ φιλονεικίασ ὑπῆρχον πλήρεισ οὐχ οἱ στρατηγοὶ μόνον, ἀλλὰ καὶ τὰ πλήθη τῶν ἀγωνιζομένων. τῆσ δὲ νυκτὸσ οὔσησ αἰθρίου καὶ πανσελήνου καὶ τῶν δυνάμεων ἀντιπαραγουσῶν ἀλλήλαισ ὡσ ἂν ἐν τέτταρσι πλέθροισ ὁ ψόφοσ τῶν ὅπλων καὶ τῶν ἵππων ὁ φρυαγμὸσ ἐν χερσὶν ἐδόκει πᾶσιν εἶναι τοῖσ ἀντιτεταγμένοισ.

ὡσ δὲ παράγοντεσ ἀπέσχον ἀπὸ τῶν ἐν τῇ μάχῃ πεπτωκότων ὡσ τριάκοντα σταδίουσ, ἡ μὲν ὡρ́α κατελάμβανεν μεσονύκτιοσ, κακῶσ δὲ διέκειντο ἀμφότεροι διά τε τὴν ὁδοιπορίαν καὶ τὴν ἐν τῇ μάχῃ κακοπάθειαν, ἔτι δὲ τὴν ἀσιτίαν, ὥστε ἡναγκάσθησαν ἀφέμενοι τῆσ μάχησ καταστρατοπεδεῦσαι. Εὐμενὴσ μὲν οὖν ἐπεχείρει ἀναζευγνύειν ἐπὶ τῶν νεκρῶν, σπεύδων κρατεῖν τῆσ τούτων ἀναιρέσεωσ καὶ τὴν νίκην ἀναμφισβήτητον περιποιήσασθαι.

οὐ προσεχόντων δὲ τῶν στρατιωτῶν, ἀλλὰ βοώντων ἐπὶ τὴν ἰδίαν ἀποσκευὴν ἀναχωρεῖν μακρὰν ἀπέχουσαν ἠναγκάσθη πεισθῆναι τῷ πλήθει· οὔτε γὰρ τοῖσ στρατιώταισ δυνατὸν ἦν πικρῶσ ἐπιτιμᾶν, ἀμφισβητούντων πολλῶν τῆσ στρατηγίασ, οὔτε τὸν καιρὸν ἐπιτῄδειον ἑώρα κολάζειν τοὺσ ἀπειθοῦντασ.

ὁ δ’ Ἀντίγονοσ τοὐναντίον χωρὶσ δημαγωγίασ βεβαίωσ ἔχων τὴν ἡγεμονίαν ἐβιάσατο μὲν τὸ πλῆθοσ ἐπὶ τῶν νεκρῶν στρατοπεδεῦσαι, κύριοσ δὲ γενόμενοσ τῆσ τούτων ταφῆσ ἠμφισβήτει τῆσ νίκησ, ἀποφαινόμενοσ προτερεῖν ἐν ταῖσ μάχαισ τὸ τῶν πεσόντων κυριεῦσαι. ἀνῃρέθησαν δ’ ἐν τῇ μάχῃ τῶν μὲν Ἀντιγόνου πεζοὶ μὲν εἰσ τρισχιλίουσ ἑπτακοσίουσ, ἱππεῖσ δὲ πεντήκοντα τέσσαρεσ, τραυματίαι δ’ ἐγένοντο πλείουσ τῶν τετρακισχιλίων·

τῶν δ’ Ευμενοῦσ ἔπεσον πεζοὶ μὲν πεντακόσιοι τεσσαράκοντα, ἱππεῖσ δ’ ὀλίγοι παντελῶσ, τραυματίαι δ’ ἐγένοντο πλείουσ τῶν ἐννακοσίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 31

(디오도로스 시켈로스, Bibliotheca Historica, Books XVIII-XX, book 19, chapter 31)

상위

목록

SEARCH

MENU NAVIGATION