헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 107)

Ἀγαθοκλῆσ δὲ τὰσ τῶν Καρχηδονίων δυνάμεισ ὁρῶν ὑπερεχούσασ τῶν ἑαυτοῦ διέλαβε τῶν τε φρουρίων οὐκ ὀλίγα μεταθήσεσθαι πρὸσ τοὺσ Φοίνικασ καὶ τῶν πόλεων ὅσαι προσέκοπτον αὐτῷ. μάλιστα δ’ εὐλαβεῖτο περὶ τῆσ τῶν Γελῴων, πυνθανόμενοσ ἐν τῇ τούτων χώρᾳ πάσασ εἶναι τὰσ τῶν πολεμίων δυνάμεισ.

ἐγένετο δ’ αὐτῷ περὶ τοῦτον τὸν χρόνον καὶ περὶ τὸν στόλον οὐ μικρὸν ἐλάσσωμα· τῶν γὰρ νεῶν εἴκοσιν ἐπὶ τὸν πορθμὸν ὑποχείριοι τοῖσ Καρχηδονίοισ κατέστησαν σὺν αὐτοῖσ ἀνδράσιν. οὐ μὴν ἀλλὰ κρίνασ τὴν τῶν Γελῴων πόλιν ἀσφαλίσασθαι φρουρᾷ, φανερῶσ οὐκ ἐτόλμα δύναμιν εἰσαγαγεῖν, ἵνα μὴ φθάσαι συμβῇ τοὺσ Γελῴουσ προφάσεωσ δεομένουσ καὶ τὴν πόλιν ἀποβάλῃ μεγάλασ ἀφορμὰσ αὐτῷ παρεχομένην.

ἀπέστειλεν οὖν κατ’ ὀλίγουσ τῶν στρατιωτῶν ὡσ ἐπί τινασ χρείασ, ἑώσ ὅτου συνέβη τῷ πλήθει πολὺ προτερῆσαι τῶν πολιτικῶν.

μετ’ ὀλίγον δὲ καὶ αὐτὸσ παραγενόμενοσ προδοσίαν ἐνεκάλεσε καὶ μετάθεσιν τοῖσ Γελῴοισ, εἴτε καὶ κατ’ ἀλήθειαν αὐτῶν διανοηθέντων τι πρᾶξαι τοιοῦτον, εἴτε καὶ ψευδέσι διαβολαῖσ φυγάδων πεισθεὶσ ἢ καὶ χρημάτων βουλόμενοσ εὐπορῆσαι, καὶ ἀπέσφαξε τῶν Γελῴων πλείουσ τῶν τετρακισχιλίων καὶ τὰσ οὐσίασ αὐτῶν ἀνέλαβε. προσέταξε δὲ καὶ τοῖσ ἄλλοισ Γελῴοισ πᾶσι τά τε νομίσματα καὶ τὸν ἄσημον ἄργυρόν τε καὶ χρυσὸν ἀνενεγκεῖν, διαπειλησάμενοσ τιμωρήσασθαι τοὺσ ἀπειθήσαντασ. ταχὺ δὲ πάντων πραξάντων τὸ προσταχθὲν διὰ τὸν φόβον χρημάτων τε πλῆθοσ ἤθροισε καὶ πᾶσι τοῖσ ταττομένοισ ὑφ’ ἑαυτὸν δεινὴν ἐνεποίησε κατάπληξιν.

δόξασ δ’ ὠμότερον κεχρῆσθαι τοῦ καθήκοντοσ τοῖσ Γελῴοισ τοὺσ μὲν ἀποσφαγέντασ εἰσ τὰσ ἐκτὸσ τῶν τειχῶν τάφρουσ συνέχωσεν, ἐν δὲ τῇ πόλει τὴν ἱκανὴν φρουρὰν ἀπολιπὼν ἀντεστρατοπέδευσε τοῖσ πολεμίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 107

(디오도로스 시켈로스, Bibliotheca Historica, Books XVIII-XX, book 19, chapter 107)

상위

목록

SEARCH

MENU NAVIGATION