헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 85)

τῆσ δὲ μάχησ τοιοῦτο τὸ τέλοσ λαβούσησ Δημήτριοσ μὲν διέτεινεν εἰσ Ἄζωτον περὶ μέσασ νύκτασ, διελθὼν σταδίουσ ἑβδομήκοντα καὶ διακοσίουσ. ἐντεῦθεν δὲ κήρυκα περὶ τῆσ τῶν νεκρῶν ἀναιρέσεωσ ἐξέπεμψεν, σπεύδων ἐκ παντὸσ τρόπου τῆσ ἐπιβαλλούσησ κηδείασ ἀξιῶσαι τοὺσ τετελευτηκότασ· ἐτύγχανον γὰρ οἱ πλεῖστοι τῶν φίλων πεπτωκότεσ, ὧν ἦσαν ἐπιφανέστατοι Πίθων τε ὁ μετέχων τῆσ στρατηγίασ ἐπ’ ἴσησ αὐτῷ καὶ Βοιωτὸσ πολὺν χρόνον συνεζηκὼσ Ἀντιγόνῳ τῷ πατρὶ καὶ μετεσχηκὼσ παντὸσ ἀπορρήτου·

κατὰ δὲ τὴν παράταξιν ἔπεσον μὲν πλείουσ τῶν πεντακοσίων, ὧν ἦσαν οἱ πλείουσ ἱππεῖσ τῶν ἐπιφανῶν ἀνδρῶν, ἑάλωσαν δ’ ὑπὲρ ὀκτακισχιλίουσ.

οἱ δὲ περὶ Πτολεμαῖον καὶ Σέλευκον δόντεσ τὴν ἀναίρεσιν τῶν νεκρῶν τήν τε ἁλοῦσαν βασιλικὴν ἀποσκευὴν καὶ τῶν αἰχμαλώτων τοὺσ περὶ τὴν αὐλὴν εἰωθότασ διατρίβειν χωρὶσ λύτρων ἀπέστειλαν πρὸσ Δημήτριον· οὐ γὰρ περὶ τούτων ἔφασαν διαφέρεσθαι πρὸσ Ἀντίγονον, ἀλλ’ ὅτι τοῦ πολέμου γενομένου κοινοῦ πρότερον μὲν πρὸσ Περδίκκαν, ὕστερον δὲ πρὸσ Εὐμενῆ τὰ μέρη τῆσ δορικτήτου χώρασ οὐκ ἀποδοίη τοῖσ φίλοισ καὶ συνθέμενοσ φιλίαν πρὸσ αὐτὸν τοὐναντίον ἀφέλοιτο τὴν σατραπείαν τῆσ Βαβυλωνίασ Σελεύκου παρὰ πάντα τὰ δίκαια. ὁ δὲ Πτολεμαῖοσ τοὺσ μὲν ἁλόντασ στρατιώτασ ἀποστείλασ εἰσ Αἴγυπτον προσέταξεν ἐπὶ τὰσ νομαρχίασ διελεῖν, αὐτὸσ δὲ θάψασ τῶν ἰδίων τοὺσ ἐν τῇ μάχῃ τελευτήσαντασ ἅπαντασ μεγαλοπρεπῶσ μετὰ τῆσ δυνάμεωσ ἐπῄει τῶν κατὰ Φοινίκην πόλεων τὰσ μὲν πολιορκῶν, τὰσ δὲ πειθοῖ προσαγόμενοσ.

Δημήτριοσ δὲ δύναμιν οὐκ ἔχων ἀξιόχρεων πρὸσ μὲν τὸν πατέρα βυβλιαφόρον ἀπέστειλεν, ἀξιῶν βοηθεῖν τὴν ταχίστην·

αὐτὸσ δὲ παρελθὼν εἰσ Τρίπολιν τῆσ Φοινίκησ μετεπέμπετό τε τοὺσ ἐκ Κιλικίασ στρατιώτασ καὶ τῶν ἄλλων ὅσοι παρεφύλαττον ἢ πόλεισ ἢ φρούρια μακρὰν ἀφεστῶτα τῶν πολεμίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 19, chapter 85

(디오도로스 시켈로스, Bibliotheca Historica, Books XVIII-XX, book 19, chapter 85)

상위

목록

SEARCH

MENU NAVIGATION