Diodorus Siculus, Bibliotheca Historica, Books XVIII-XX, book 19, chapter 20

(디오도로스 시켈로스, Bibliotheca Historica, Books XVIII-XX, book 19, chapter 20)

τὸ δὲ στρατόπεδον διὰ τὴν συνέχειαν τῶν κακῶν καὶ τὴν ὑπερβολὴν τῆσ κακοπαθίασ ἐν αἰτίαισ εἶχε τὸν Ἀντίγονον, ὥστε φωνὰσ προϊέσθαι δυσχερεῖσ· ἐν ἡμέραισ γὰρ τεσσαράκοντα τρισὶ μεγάλοισ ἀτυχήμασι περιεπεπτώκεισαν. οὐ μὴν ἀλλὰ φιλανθρώπωσ ὁμιλήσασ τοῖσ στρατιώταισ ὁ Ἀντίγονοσ καὶ κατασκευασάμενοσ δαψιλῆ χορηγίαν πάντων τῶν ἐπιτηδείων ἀνέλαβε τὴν δύναμιν ἐκ τῆσ κακοπαθίασ. Πίθωνα δ’ ἐξαπέστειλε κελεύσασ περιελθεῖν πᾶσαν τὴν Μηδίαν καὶ συνάγειν ὡσ πλείστουσ ἱππεῖσ τε καὶ πολεμιστὰσ ἵππουσ, ἔτι δὲ ὑποζυγίων πλῆθοσ.

τῆσ δὲ χώρασ ταύτησ ἀεὶ τετραπόδων γεμούσησ ῥᾳδίωσ τὸ παραγγελθὲν συντελέσασ ὁ Πίθων ἧκεν ἄγων ἱππεῖσ μὲν δισχιλίουσ, ἵππουσ δὲ σὺν ταῖσ κατασκευαῖσ πλείουσ χιλίων, τῶν δ’ ὑποζυγίων τοσοῦτον ἀριθμὸν ὥστε δύνασθαι καθοπλίσαι πᾶν τὸ στρατόπεδον, καὶ προσέτι τάλαντα πεντακόσια τῶν βασιλικῶν χρημάτων.

ὁ δ’ Ἀντίγονοσ τοὺσ μὲν ἱππεῖσ εἰσ τάξεισ κατέστησε, τοὺσ δ’ ἵππουσ τοῖσ ἀπολωλεκόσι διαδοὺσ καὶ τὸ πλῆθοσ τῶν ὑποζυγίων διαχαρισάμενοσ ἀνεκτήσατο τὴν παρὰ τῶν στρατιωτῶν εὔνοιαν.

일치하는 문장이 없습니다.

SEARCH

MENU NAVIGATION