헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 33)

Κητεὺσ γὰρ ὁ τῶν ἐκ τῆσ Ἰνδικῆσ ἀπηντηκότων στρατηγὸσ ἀνῃρέθη μὲν ἐν τῇ μάχῃ λαμπρῶσ ἀγωνισάμενοσ, ἀπέλιπε δὲ δύο γυναῖκασ συνακολουθούσασ ἐν τῷ στρατοπέδῳ, τὴν μὲν νεόγαμον, τὴν δὲ ὀλίγοισ ἔτεσι πρότερον συνοικήσασαν, ἀμφοτέρασ δὲ φιλοστόργωσ πρὸσ αὐτὸν διακειμένασ. ὄντοσ δὲ παλαιοῦ νόμου παρὰ τοῖσ Ἰνδοῖσ τοὺσ γαμοῦντασ καὶ τὰσ γαμουμένασ παρθένουσ μὴ διὰ τῆσ τῶν γονέων κρίσεωσ ποιεῖσθαι τὸν γάμον, ἀλλὰ πείσαντασ ἀλλήλουσ, τὸν μὲν ἔμπροσθεν χρὸνον τῆσ μνηστείασ γενομένησ διὰ νεωτέρων ταῖσ ἡλικίαισ ὡσ ἐπὶ πολὺ συνέβαινε διαπίπτειν τὰσ κρίσεισ καὶ ταχὺ μεταμελομένων ἀμφοτέρων πολλὰσ τῶν γυναικῶν διαφθείρεσθαι καὶ δι’ ἀκρασίαν φιλοστοργεῖν ἑτέρουσ, τέλοσ δὲ μὴ δυναμένασ εὐσχημόνωσ ἀπολιπεῖν τοὺσ ἐξ ἀρχῆσ προκριθέντασ διὰ φαρμάκων ἀναιρεῖν τοὺσ συνοικοῦντασ, καὶ τὴν χώραν δ’ οὐκ ὀλίγασ ἀφορμὰσ αὐταῖσ δοῦναι, πολλὰσ καὶ ποικίλασ φέρουσαν φθαρτικὰσ δυνάμεισ, ἐξ ὧν ἐνίασ προσχρωσθείσασ μόνον τοῖσ ἐδέσμασιν ἢ ποτηρίοισ ἐπιφέρειν τὴν ἀπώλειαν.

ἐπιπολαζούσησ δὲ τῆσ ῥᾳδιουργίασ καὶ πολλῶν ἀναιρουμένων τοῦτον τὸν τρόπον, ἐπειδὴ κολάζοντεσ τὰσ αἰτίασ τῶν κακῶν οὐκ ἠδυνήθησαν ἀποτρέψαι τὰσ ἄλλασ τῶν ἀδικημάτων, νόμον ἔθεσαν ὅπωσ συγκατακαίωνται τοῖσ τετελευτηκόσιν ἀνδράσιν αἱ γυναῖκεσ πλὴν τῶν ἐγκύων ἢ τῶν ἐχουσῶν τέκνα·

τὴν δὲ μὴ βουλομένην τῷ δόγματι πιθαρχεῖν χήραν μὲν εἶναι διὰ τέλουσ καὶ θυσιῶν καὶ τῶν ἄλλων νομίμων εἴργεσθαι διὰ παντὸσ ὡσ ἀσεβοῦσαν. τούτων δὲ νομοθετηθέντων εἰσ τοὐναντίον τὴν παρανομίαν τῶν γυναικῶν μεταβαλεῖν συνέβη·

διὰ γὰρ τὴν ὑπερβολὴν τῆσ ἀτιμίασ ἑκάστησ ὑπομενούσησ ἑκουσίωσ τὸν θάνατον οὐ μόνον προνοεῖσθαι τῆσ τῶν συνοικούντων ἀσφαλείασ ὡσ κοινῆσ οὔσησ, ἀλλὰ καὶ πρὸσ ἀλλήλασ ἁμιλλᾶσθαι καθάπερ ὑπὲρ τῆσ μεγίστησ εὐδοξίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 19, chapter 33

(디오도로스 시켈로스, Bibliotheca Historica, Books XVIII-XX, book 19, chapter 33)

상위

목록

SEARCH

MENU NAVIGATION