Diodorus Siculus, Bibliotheca Historica, Books XVIII-XX, book 19, chapter 96

(디오도로스 시켈로스, Bibliotheca Historica, Books XVIII-XX, book 19, chapter 96)

οἱ δὲ Ναβαταῖοι τοὺσ πολεμίουσ κολάσαντεσ ἀνδρωδῶσ αὐτοὶ μὲν ἐπανῆλθον εἰσ τὴν πέτραν τὰ σφέτερα κεκομισμένοι, πρὸσ δ’ Ἀντίγονον ἐπιστολὴν γράψαντεσ Συρίοισ γράμμασι τῶν μὲν περὶ Ἀθήναιον κατηγόρουν, ὑπὲρ ἑαυτῶν δὲ ἀπελογοῦντο. ὁ δ’ Ἀντίγονοσ ἀντέγραψεν αὐτοῖσ, προσμαρτυρῶν ὡσ δικαίωσ μὲν ἠμύναντο, τῶν δὲ περὶ Ἀθήναιον κατήγορει, φάσκων παρὰ τὰσ δεδομένασ ἐντολὰσ ὑπ’ αὐτοῦ πεποιῆσθαι τὴν ἐπίθεσιν.

τοῦτο δ’ ἔπραττε κρύπτων τὴν ἑαυτοῦ προαίρεσιν καὶ βουλόμενοσ ὑπαγαγέσθαι τοὺσ βαρβάρουσ εἰσ ῥᾳθυμίαν, ὅπωσ ἀνελπίστωσ ἐπιθέμενοσ κρατήσῃ τῆσ ἐπιβολῆσ· οὐ γὰρ ῥᾴδιον ἦν ἄνευ δόλου τινὸσ ἀνδρῶν περιγενέσθαι νομάδα βίον ἐζηλωκότων καὶ καταφυγὴν ἀπρόσιτον ἐχόντων τὴν ἔρημον. οἱ δ’ Ἄραβεσ περιχαρεῖσ μὲν ἦσαν ἐπὶ τῷ δοκεῖν ἀπολελύσθαι μεγάλων φόβων, οὐ μὴν παντελῶσ ἐπίστευόν γε τοῖσ Ἀντιγόνου λόγοισ, ἀλλὰ τὰσ ἐλπίδασ ἔχοντεσ ἀμφιδοξουμένασ σκοποὺσ μὲν κατέστησαν ἐπὶ τῶν λόφων, ἀφ’ ὧν ἦν ῥᾴδιον συνορᾶν πόρρωθεν τὰσ εἰσ τὴν Ἀραβίαν ἐμβολάσ, αὐτοὶ δὲ συνταξάμενοι τὰ περὶ ἑαυτοὺσ προσηκόντωσ ἐκαραδόκουν τὸ ἀποβησόμενον.

ὁ δ’ Ἀντίγονοσ φιλοποιησάμενοσ χρόνον τινὰ τοὺσ βαρβάρουσ καὶ νομίσασ αὐτοὺσ ἐξηπατημένουσ παραδεδωκέναι τὸν καθ’ αὑτῶν καιρόν, ἐξέλεξεν ἐξ ἁπάσησ τῆσ δυνάμεωσ πεζοὺσ μὲν ψιλοὺσ καὶ πρὸσ δρόμον εὖ πεφυκότασ τετρακισχιλίουσ, ἱππεῖσ δὲ πλείουσ τῶν τετρακισχιλίων καὶ τούτοισ μὲν παρήγγειλε φέρειν ἄπυρα σῖτα πλειόνων ἡμερῶν, Δημήτριον δὲ τὸν υἱὸν καταστήσασ ἡγεμόνα πρώτησ φυλακῆσ ἐξέπεμψε, προστάξασ κολάσαι τοὺσ Ἄραβασ καθ’ ὃν ἂν δύνηται τρόπον.

일치하는 문장이 없습니다.

SEARCH

MENU NAVIGATION