Diodorus Siculus, Bibliotheca Historica, Books XVIII-XX, book 19, chapter 37

(디오도로스 시켈로스, Bibliotheca Historica, Books XVIII-XX, book 19, chapter 37)

κατὰ δὲ τὴν Ἀσίαν Ἀντίγονοσ μὲν χειμάζων ἐν Γαδαμάλοισ τῆσ Μηδίασ καὶ θεωρῶν τὴν ἑαυτοῦ δύναμιν ἀσθενεστέραν οὖσαν τῆσ τῶν πολεμίων ἔσπευδεν ἀνελπίστωσ αὐτοῖσ ἐπιθέσθαι καὶ καταστρατηγῆσαι. ἐτύγχανον δ’ οὗτοι τὴν χειμασίαν ἔχοντεσ ἐν πολλοῖσ μέρεσι διεζευγμένην, ὥστ’ ἐνίουσ ἀπ’ ἀλλήλων ἀπέχειν ὁδὸν ἡμερῶν ἕξ. τὸ μὲν οὖν διὰ τῆσ οἰκουμένησ χώρασ ὁδοιπορεῖν ἀπεδοκίμασε διὰ τὸ καὶ μακρὰν εἶναι καὶ τοῖσ πολεμίοισ εὐθεώρητον, τὸ δὲ τολμῆσαι διὰ τῆσ ἐρήμου καὶ ἀνύδρου προάγειν ἐπίπονον μὲν ἔκρινεν, εἰσ δὲ τὴν βεβουλευμένην ἐπιβολὴν χρησιμώτατον·

οὐ μόνον γὰρ διὰ ταύτησ συντόμωσ ἦν ἐλθεῖν, ἀλλὰ καὶ ῥᾳδίωσ λαθεῖν ἀπροσδοκήτωσ ἐπιπεσόντα τοῖσ διὰ τὴν ἄγνοιαν διερριμμένοισ κατὰ κώμασ καὶ ῥᾳθυμοῦσι. ταῦτα δὲ διανοηθεὶσ τοῖσ μὲν στρατιώταισ παρήγγειλεν ἑτοίμουσ εἶναι πρὸσ ἀνάζευξιν καὶ παρασκευάσασθαι δέχ’ ἡμερῶν ἄπυρα σιτία, αὐτὸσ δὲ δια δοὺσ λόγον ἐπ’ Ἀρμενίασ προάξειν ἄφνω παρὰ τὴν πάντων ὑπόληψιν ὡρ́μησε διὰ τῆσ ἐρήμου, τῆσ ὡρ́ασ οὔσησ περὶ χειμερινὰσ τροπάσ.

κατὰ δὲ τὰσ στρατοπεδείασ παρήγγειλε τῆσ ἡμέρασ μὲν τὰ πυρὰ κάειν, τῆσ δὲ νυκτὸσ κατασβεννύναι τελέωσ, ὅπωσ μή τινεσ ἐκ τῶν μετεώρων κατανοήσαντεσ ἀπαγγείλωσι τὸ γινόμενον τοῖσ πολεμίοισ·

ἦν γὰρ ἡ μὲν ἔρημοσ πᾶσα σχεδὸν πεδιάσ, περιείχετο δὲ ὑπὸ λόφων ὑψηλῶν, ἀφ’ ὧν ῥᾴδιον ἦν ἐκ πολλοῦ διαστήματοσ συνορᾶν τὴν αὐγὴν τοῦ πυρόσ.

ἐπιπόνωσ δὲ τῆσ δυνάμεωσ πένθ’ ἡμέρασ ὁδοιπορούσησ οἱ μὲν στρατιῶται διά τε τὸ ψῦχοσ καὶ τὰσ ἀναγκαίασ χρείασ ἔκαον πῦρ μεθ’ ἡμέραν τε καὶ νύκτωρ ἐν ταῖσ στρατοπεδείαισ. ὃ δὴ συνιδόντεσ τινὲσ τῶν παρὰ τὴν ἔρημον οἰκούντων ἔπεμψαν τοὺσ ἀπαγγελοῦντασ αὐθημερὸν τοῖσ περὶ Εὐμενῆ καὶ Πευκέστην, δόντεσ δρομάδασ καμήλουσ·

διατείνει γὰρ τὸ ζῷον τοῦτο σταδίουσ οὐ πολὺ ἐλάττουσ χιλίων πεντακοσίων.

일치하는 문장이 없습니다.

SEARCH

MENU NAVIGATION