헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 104)

οἱ δὲ περὶ τὸν Δεινοκράτην φυγάδεσ, ἔχοντεσ πεζοὺσ μὲν ὑπὲρ τοὺσ τρισχιλίουσ, ἱππεῖσ δὲ οὐκ ἐλάττουσ δισχιλίων, τὴν καλουμένην Γαλερίαν κατελάβοντο, τῶν πολιτῶν ἑκουσίωσ ἐπικαλεσαμένων, καὶ τοὺσ μὲν Ἀγαθοκλέουσ ἐξέβαλον, αὐτοὶ δὲ πρὸ τῆσ πόλεωσ ἐστρατοπέδευσαν. Ἀγαθοκλέουσ δὲ ταχέωσ ἀποστείλαντοσ ἐπ’ αὐτοὺσ Πασίφιλον καὶ Δημόφιλον μετὰ στρατιωτῶν πεντακισχιλίων ἐγένετο μάχη πρὸσ τοὺσ φυγάδασ, ὧν ἠγεῖτο Δεινοκράτησ καὶ Φιλωνίδησ, τὰ κέρατα διειληφότεσ.

ἐφ’ ἱκανὸν μὲν οὖν χρόνον ἰσόρροποσ ἦν ὁ κίνδυνοσ, φιλοτίμωσ ἀμφοτέρων τῶν στρατοπέδων ἀγωνιζομένων· τοῦ δ’ ἑτέρου τῶν στρατηγῶν Φιλωνίδου πεσόντοσ καὶ τοῦ κατὰ τοῦτον μέρουσ τραπέντοσ ἠναγκάσθη καὶ Δεινοκράτησ ἀποχωρῆσαι. οἱ δὲ περὶ τὸν Πασίφιλον τούτων τε πολλοὺσ κατὰ τὴν φυγὴν ἀνεῖλον καὶ τὴν Γαλερίαν ἀνακτησάμενοι τοὺσ αἰτίουσ τῆσ ἀποστάσεωσ ἐκόλασαν. Ἀγαθοκλῆσ δὲ πυνθανόμενοσ τοὺσ Καρχηδονίουσ τὸν Ἔκνομον καλούμενον λόφον ἐν τῇ Γελῴα κατειληφέναι, διέγνω πάσῃ τῇ δυνάμει διαγωνίσασθαι.

ὁρμήσασ δ’ ἐπ’ αὐτοὺσ καὶ πλησίον γενόμενοσ προεκαλεῖτο εἰσ μάχην, ἐπηρμένοσ τῇ προγεγενημένῃ νίκῃ. οὐ τολμώντων δὲ τῶν βαρβάρων παρατάξασθαι νομίσασ ἀκονιτὶ κρατεῖν τῶν ὑπαίθρων ἐπανῆλθεν εἰσ τὰσ Συρακούσσασ καὶ τῶν ναῶν τοὺσ ἐπιφανεστάτουσ τοῖσ σκύλοισ ἐκόσμησεν.

ταῦτα μὲν οὖν ἐπράχθη κατὰ τοῦτον τὸν ἐνιαυτὸν ὧν ἡμεῖσ ἐδυνήθημεν ἐφικέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 104

(디오도로스 시켈로스, Bibliotheca Historica, Books XVIII-XX, book 19, chapter 104)

상위

목록

SEARCH

MENU NAVIGATION