헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 100)

ὁ δ’ Ἀντίγονοσ, ἐπανελθόντοσ τοῦ Δημητρίου καὶ τὰ κατὰ μέροσ τῶν πεπραγμένων ἀπαγγείλαντοσ, ἐπὶ μὲν τῇ συνθέσει τῇ πρὸσ τοὺσ Ναβαταίουσ ἐπετίμησεν αὐτῷ, λέγων ὅτι πολλῷ θρασυτέρουσ πεποίηκε τοὺσ βαρβάρουσ ἐάσασ ἀτιμωρήτουσ· δόξειν γὰρ αὐτοὺσ τετευχέναι συγγνώμησ οὐ δι’ ἐπιείκειαν, ἀλλὰ δι’ ἀδυναμίαν τοῦ κρατῆσαι· ἐπὶ δὲ τῷ κατασκέψασθαι τὴν λίμνην καὶ δοκεῖν εὑρηκέναι τινὰ τῇ βασιλείᾳ πρόσοδον ἐπαινέσασ ἐπὶ μὲν ταύτησ ἐπιμελητὴν ἔταξεν Ιἑρώνυμον τὸν τὰσ ἱστορίασ συγγράψαντα, τούτῳ δὲ συνετέτακτο πλοῖα παρασκευάσασθαι καὶ πᾶσαν τὴν ἄσφαλτον ἀναλαβόντα συνάγειν εἴσ τινα τόπον. οὐ μὴν ἀπέβη γε καὶ τὸ τέλοσ κατὰ τὴν ἐλπίδα τοῖσ περὶ τὸν Ἀντίγονον·

οἱ γὰρ Ἄραβεσ συστραφέντεσ εἰσ ἑξακισχιλίουσ, ἐπιπλεύσαντεσ ἐν ταῖσ δέσμαισ ἐπὶ τοὺσ ἐν τοῖσ πλοίοισ, σχεδὸν ἅπαντασ κατετόξευσαν. ἐξ οὗ δὴ συνέβη τὸν Ἀντίγονον ἀπογνῶναι τὰσ προσόδουσ ταύτασ διὰ τὸ γεγονὸσ παράπτωμα καὶ διὰ τὸ τὸν νοῦν ἔχειν πρὸσ ἑτέροισ μείζοσι.

παρεγένετο γὰρ κατὰ τούτουσ τοὺσ καιροὺσ βυβλιαφόροσ ἔχων ἐπιστολὴν παρὰ Νικάνοροσ τοῦ στρατηγοῦ τῆσ τε Μηδίασ καὶ τῶν ἄνω σατραπειῶν· ἐν ταύτῃ δ’ ἦν γεγραμμένον περί τε τῆσ ἀναβάσεωσ τῆσ Σελεύκου καὶ τῶν γεγονότων περὶ αὐτὸν ἀτυχημάτων. διόπερ ἀγωνιῶν ὁ Ἀντίγονοσ περὶ τῶν ἄνω σατραπειῶν ἐξέπεμψε Δημήτριον τὸν υἱὸν ἔχοντα πεζοὺσ Μακεδόνασ μὲν πεντακισχιλίουσ, μισθοφόρουσ δὲ μυρίουσ, ἱππεῖσ δὲ τετρακισχιλίουσ·

συνετέτακτο δ’ αὐτῷ μέχρι Βαβυλῶνοσ ἀναβῆναι καὶ τὴν σατραπείαν ἀνακτησάμενον καταβαίνειν συντόμωσ ἐπὶ θάλασσαν. ὁ μὲν οὖν Δημήτριοσ ὁρμήσασ ἐκ Δαμασκοῦ τῆσ Συρίασ τὸ συνταχθὲν ὑπὸ τοῦ πατρὸσ ἐπετέλει μετὰ σπουδῆσ·

αὐτὸσ δὲ μεθ’ ὧν εἶχε στρατιωτῶν προβολαῖσ χρώμενοσ ῥεύμασι ποταμῶν καὶ διώρυξιν ἀνεστρέφετο περὶ τὴν σατραπείαν, ἅμα μὲν ἐφεδρεύων τοῖσ πολεμίοισ, ἅμα δὲ πέμπων πρὸσ Σέλευκον εἰσ Μηδίαν περὶ τῶν ἀεὶ συντελουμένων καὶ παρακαλῶν βοηθεῖν τὴν ταχίστην.

ὁ δὲ Δημήτριοσ ἐπειδὴ παραγενόμενοσ εἰσ Βαβυλῶνα τὴν πόλιν ἐκλελειμμένην εὑρ͂εν, πολιορκεῖν ἐπεχείρει τὰσ ἀκροπόλεισ.

ὧν τὴν ἑτέραν ἑλὼν ἔδωκε τοῖσ ἰδίοισ στρατιώταισ εἰσ διαρπαγήν· τὴν δ’ ἑτέραν πολιορκήσασ ἡμέρασ τινάσ, ἐπειδὴ χρόνου προσεδεῖτο, Ἀρχέλαον μὲν ἕνα τῶν φίλων ἀπέλιπε στρατηγὸν ἐπὶ τῆσ πολιορκίασ, δοὺσ αὐτῷ πεζοὺσ μὲν πεντακισχιλίουσ, ἱππεῖσ δὲ χιλίουσ, αὐτὸσ δέ, τοῦ χρόνου συντρέχοντοσ ἐν ᾧ συντεταγμένον ἦν τὴν ἄφοδον αὐτῷ ποιήσασθαι, μετὰ τῆσ λοιπῆσ δυνάμεωσ τὴν ἐπὶ θάλασσαν κατάβασιν ἐποιεῖτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 100

(디오도로스 시켈로스, Bibliotheca Historica, Books XVIII-XX, book 19, chapter 100)

상위

목록

SEARCH

MENU NAVIGATION