헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 99)

τὴν δ’ ἐκπίπτουσαν ἄσφαλτον οἱ περιοικοῦντεσ ἐξ ἀμφοτέρων τῶν μερῶν τὴν λίμνην διαρπάζουσι πολεμικῶσ διακείμενοι πρὸσ ἀλλήλουσ, ἄνευ πλοίων ἰδιαζόντωσ τὴν κομιδὴν ποιούμενοι. παρασκευασάμενοι γὰρ δέσμασ καλάμων εὐμεγέθεισ ἐμβάλλουσιν εἰσ τὴν λίμνην· ἐπὶ δὲ τούτων ἐπικάθηνται οὐ πλείω τριῶν, ὧν δύο μὲν ἔχοντεσ προσδεδεμένασ πλάτασ κωπηλατοῦσιν, εἷσ δὲ φορῶν τόξα τοὺσ προσπλέοντασ κωπηλατοῦσιν, εἷσ δὲ φορῶν τόξα τοὺσ προσπλέοντασ ἐκ τοῦ πέραν ἢ βιάζεσθαι τολμῶντασ ἀμύνεται. ὅταν δὲ πλησίον γένωνται τῆσ ἀσφάλτου, πελέκεισ ἔχοντεσ ἐπιπηδῶσι καὶ καθάπερ μαλακῆσ πέτρασ ἀποκόπτοντεσ γεμίζουσι τὴν δέσμην, εἶτα ἀποπλέουσιν εἰσ τοὐπίσω.

ἂν δέ τισ αὐτῶν ἀποπέσῃ τῆσ δέσμησ διαλυθείσησ μὴ δυνάμενοσ νεῖν, οὐ καταδύεται καθάπερ ἐν τοῖσ ἄλλοισ ὕδασιν, ἀλλὰ ἐπινήχεται τοῖσ ἐπισταμένοισ ὁμοίωσ. φύσει γὰρ τοῦτο τὸ ὑγρὸν παραδέχεται βάροσ ὃ συμβαίνει μετέχειν αὐξήσεωσ ἢ πνεύματοσ, ἔξω τῶν στερεῶν, ἃ τὴν πυκνότητα δοκεῖ παραπλησίαν ἔχειν ἀργύρῳ καὶ χρυσῷ καὶ μολύβδῳ καὶ τοῖσ ὁμοίοισ·

καὶ ταῦτα μὲν πολὺ βραδύτερον καταφέρεται τῶν ἐν ταῖσ ἄλλαισ λίμναισ ῥιπτουμένων. ταύτην δ’ ἔχοντεσ οἱ βάρβαροι πρόσοδον ἀπάγουσι τὴν ἄσφαλτον εἰσ τὴν Αἴγυπτον καὶ πωλοῦσιν εἰσ τὰσ ταριχείασ τῶν νεκρῶν· μὴ μιγνυμένησ γὰρ ταύτησ τοῖσ λοιποῖσ ἀρώμασιν οὐ δυνατὸν γενέσθαι τὴν τῶν σωμάτων φυλακὴν πολυχρόνιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 19, chapter 99

(디오도로스 시켈로스, Bibliotheca Historica, Books XVIII-XX, book 19, chapter 99)

상위

목록

SEARCH

MENU NAVIGATION