헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 90)

κατὰ δὲ τὴν Ἀσίαν Σέλευκοσ μετὰ τὴν γενομένην ἧτταν Δημητρίῳ περὶ Γάζαν τῆσ Συρίασ ἀναλαβὼν παρὰ Πτολεμαίου πεζοὺσ μὲν οὐ πλείουσ τῶν ὀκτακοσίων, ἱππεῖσ δὲ περὶ διακοσίουσ ἀνέζευξεν ἐπὶ Βαβυλῶνοσ, ἐπὶ τοσοῦτον μεμετεωρισμένοσ ταῖσ ἐλπίσιν ὥστ’ εἰ καὶ μηδεμίαν εἶχε δύναμιν τὸ παράπαν, μετὰ τῶν φίλων καὶ τῶν ἰδίων παίδων τὴν εἰσ τοὺσ ἄνω τόπουσ ἀνάβασιν ποιεῖσθαι· ὑπελάμβανε γὰρ τοὺσ μὲν Βαβυλωνίουσ διὰ τὴν προϋπάρχουσαν εὔνοιαν ἑτοίμωσ αὐτῷ προσθήσεσθαι, τοὺσ δὲ περὶ Ἀντίγονον μετὰ τῆσ δυνάμεωσ μακρὰν ἀπεσπασμένουσ παραδεδωκέναι καιρὸν οἰκεῖον ταῖσ ἰδίαισ ἐπιβολαῖσ. τοιαύτησ δ’ οὔσησ τῆσ περὶ αὐτὸν ὁρμῆσ οἱ συνόντεσ φίλοι θεωροῦντεσ ὅτι μετ’ αὐτῶν μέν εἰσι παντελῶσ ὀλίγοι συστρατεύοντεσ, τοῖσ δὲ πολεμίοισ ἐφ’ οὓσ προάγουσι καὶ δυνάμεισ ὑπάρχουσιν ἕτοιμοι μεγάλαι καὶ χορηγίαι λαμπραὶ καὶ συμμάχων πλῆθοσ, οὐ μετρίωσ ἠθύμουν.

οὓσ ὁρῶν καταπεπληγμένουσ ὁ Σέλευκοσ παρεκάλει, διδάσκων ὅτι τοὺσ Ἀλεξάνδρῳ συνεστρατευκότασ καὶ δι’ ἀρετὴν ὑπ’ ἐκείνου προηγμένουσ προσήκει μὴ πάντωσ δυνάμει καὶ χρήμασι πεποιθότασ ἀντέχεσθαι πραγμάτων, ἀλλ’ ἐμπειρίᾳ καὶ συνέσει, δι’ ὧν κἀκεῖνοσ τὰ μεγάλα καὶ παρὰ πᾶσι θαυμαζόμενα κατειργάσατο.

πιστεύειν δὲ δεῖν καὶ ταῖσ τῶν θεῶν προρρήσεσι τὸ τέλοσ ἔσεσθαι τῆσ στρατείασ ἄξιον τῆσ ἐπιβολῆσ· ἐν μὲν γὰρ Βραγχίδαισ αὐτοῦ χρηστηριαζομένου τὸν θεὸν προσαγορεῦσαι Σέλευκον βασιλέα, τὸν δὲ Ἀλέξανδρον καθ’ ὕπνον ἐπιστάντα φανερῶσ διασημᾶναι περὶ τῆσ ἐσομένησ ἡγεμονίασ, ἧσ δεῖ τυχεῖν αὐτὸν προϊόντοσ τοῦ χρόνου.

πρὸσ δὲ τούτοισ ἀπεφαίνετο διότι πάντα γίνεται τὰ καλὰ καὶ παρ’ ἀνθρώποισ θαυμαζόμενα διὰ πόνων καὶ κινδύνων.

ἐπολιτεύετο δὲ καὶ πρὸσ τοὺσ συστρατεύοντασ καὶ κατεσκεύαζεν αὑτὸν ἴσον ἅπασιν, ὥσθ’ ἕκαστον αἰδεῖσθαι καὶ τὸ παράβολον τῆσ τόλμησ ἑκουσίωσ ὑπομένειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 90

(디오도로스 시켈로스, Bibliotheca Historica, Books XVIII-XX, book 19, chapter 90)

상위

목록

SEARCH

MENU NAVIGATION