헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 89)

καθ’ ὃν δὴ χρόνον Κάσανδροσ ἀκηκοὼσ μὲν τὴν τῶν ἰδίων ἧτταν, ἀγνοῶν δὲ τὸ μετὰ ταῦτα γεγονὸσ εὐτύχημα κατὰ σπουδὴν ἧκεν εἰσ τὴν Ἤπειρον βοηθήσων τοῖσ περὶ Λυκίσκον. καταλαβὼν δ’ αὐτοὺσ ἐπὶ τοῦ προτερήματοσ γεγονότασ πρὸσ μὲν Ἀλκέταν διαλυσάμενοσ φιλίαν συνέθετο, τῆσ δὲ δυνάμεωσ μέροσ ἀναλαβὼν ἀνέζευξεν εἰσ τὸν Ἀδρίαν, πολιορκήσων Ἀπολλωνιάτασ, ὅτι τὴν φρουρὰν ἐκβαλόντεσ τὴν αὐτοῦ προσέθεντο τοῖσ Ἰλλυριοῖσ. οὐ μὴν οἵ γε ἐν τῇ πόλει κατεπλάγησαν, ἀλλὰ βοήθειαν μεταπεμψάμενοι παρὰ τῶν ἄλλων συμμάχων πρὸ τῶν τειχῶν παρετάξαντο.

γενομένησ δὲ καρτερᾶσ μάχησ ἐπὶ πολὺν χρόνον οἱ μὲν Ἀπολλωνιᾶται τοῖσ πλήθεσιν ὑπερέχοντεσ τοὺσ ἀντιτεταγμένουσ φυγεῖν ἠνάγκασαν, ὁ δὲ Κάσανδροσ πολλοὺσ στρατιώτασ ἀποβαλὼν καὶ δύναμιν μὲν οὐκ ἔχων περὶ αὑτὸν ἀξιόχρεω, τὴν δὲ χειμερινὴν ὡρ́αν θεωρῶν ἐπανῆλθεν εἰσ Μακεδονίαν. τούτου δὲ χωρισθέντοσ Λευκάδιοι προσλαβόμενοι βοήθειαν παρὰ Κορκυραίων ἐξέβαλον τὴν φρουρὰν τοῦ Κασάνδρου.

οἱ δ’ Ἠπειρῶται χρόνον μέν τινα διέμενον ὑπ’ Ἀλκέτου βασιλευόμενοι, χρωμένου δ’ αὐτοῦ χαλεπώτερον τοῖσ πλήθεσιν αὐτόν τε κατέσφαξαν καὶ δύο τῶν υἱῶν παῖδασ ὄντασ τὴν ἡλικίαν Ἠσιονέα καὶ Νίσον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 19, chapter 89

(디오도로스 시켈로스, Bibliotheca Historica, Books XVIII-XX, book 19, chapter 89)

상위

목록

SEARCH

MENU NAVIGATION