헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 87)

κατὰ δὲ τὴν Εὐρώπην Τελεσφόροσ μὲν ὁ Ἀντιγόνου ναύαρχοσ διατρίβων περὶ Κόρινθον, ἐπειδὴ Πτολεμαῖον ἑώρα μᾶλλον ἑαυτοῦ προαγόμενον καὶ τῶν κατὰ τὴν Ἑλλάδα πραγμάτων πιστευόμενον ἁπάντων, ἐγκαλέσασ Ἀντιγόνῳ περὶ τούτων τὰσ μὲν ναῦσ ἃσ εἶχεν ἀπέδοτο, τῶν δὲ στρατιωτῶν τοὺσ βουλομένουσ κοινωνεῖν τῆσ προαιρέσεωσ ἀναλαβὼν ἴδια πράγματα συνίστατο. παρελθὼν γὰρ εἰσ Ἦλιν ὡσ ἔτι φυλάττων τὴν πρὸσ Ἀντίγονον φιλίαν, τὴν ἀκρόπολιν ἐνετείχισε καὶ τὴν πόλιν κατεδουλώσατο.

ἐσύλησεν δὲ καὶ τὸ ἱερὸν τὸ κατὰ τὴν Ὀλυμπίαν καὶ συναγαγὼν ἀργυρίου πλείω τῶν πεντήκοντα ταλάντων ξένουσ ἐμισθοῦτο. Τελεσφόροσ μὲν οὖν ζηλοτυπήσασ τὴν προαγωγὴν Πτολεμαίου τοῦτον τὸν τρόπον ἐγένετο προδότησ τῆσ πρὸσ Ἀντίγονον φιλίασ.

Πτολεμαῖοσ δ’ ὁ Ἀντιγόνου στρατηγὸσ ἦν μὲν τεταγμένοσ ἐπὶ τῶν κατὰ τὴν Ἑλλάδα πραγμάτων, πυθόμενοσ δὲ τὴν ἀπόστασιν τὴν Τελεσφόρου καὶ τὴν κατάληψιν τῆσ Ἠλείων πόλεωσ, ἔτι δὲ τὴν σύλησιν τῶν κατὰ τὴν Ὀλυμπίαν χρημάτων παρῆλθεν εἰσ Πελοπόννησον μετὰ δυνάμεωσ. καταντήσασ δ’ εἰσ Ἦλιν καὶ τὴν ἐντετειχισμένην ἀκρόπολιν κατασκάψασ τήν τε ἐλευθερίαν ἀπέδωκε τοῖσ Ἠλείοισ καὶ τὰ χρήματα ἀποκατέστησεν τῷ θεῷ. μετὰ δὲ ταῦτα τὸν Τελεσφόρον πείσασ παρέλαβεν τὴν Κυλλήνην, φρουρουμένην ὑπ’ αὐτοῦ, καὶ τοῖσ Ἠλείοισ ἀποκατέστησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 19, chapter 87

(디오도로스 시켈로스, Bibliotheca Historica, Books XVIII-XX, book 19, chapter 87)

상위

목록

SEARCH

MENU NAVIGATION