헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 81)

τῶν δὲ φίλων αὐτῷ συμβουλευόντων μὴ παρατάττεσθαι πρὸσ ἡγεμόνα τηλικοῦτον καὶ δύναμιν μείζω, τούτοισ μὲν οὐ προσεῖχεν, εἰσ δὲ τὸν κίνδυνον παρεσκευάζετο τεθαρρηκώσ, καίπερ νέοσ ὢν παντελῶσ καὶ τηλικαύτην μάχην μέλλων ἀγωνίζεσθαι χωρὶσ τοῦ πατρόσ. συναγαγόντοσ δ’ ἐν τοῖσ ὅπλοισ ἐκκλησίαν αὐτοῦ καὶ στάντοσ ἐπί τινοσ ἀναστήματοσ μετὰ ἀγωνίασ καὶ διατροπῆσ ὁ μὲν ὄχλοσ ἀνεβόησε μιᾷ φωνῇ θαρρεῖν καὶ πρὸ τοῦ τὸν κήρυκα καταπαῦσαι τοὺσ θορυβοῦντασ ἅπαντεσ σιωπὴν παρείχοντο.

οὔτε γὰρ στρατιωτικὸν ἔγκλημα ὑπῆρχε περὶ αὐτὸν οὔτε πολιτικόν, ἅτε προσφάτωσ ἐφ’ ἡγεμονίασ τεταγμένον·

ὅπερ εἰώθε γίγνεσθαι τοῖσ παλαιοῖσ στρατηγοῖσ, ὅταν ἐκ πολλῶν προφάσεων ἓν ἔγκλημα πρὸσ ἕνα καιρὸν ἀθροίζηται· τὸ γὰρ πλῆθοσ ἀεὶ δυσάρεστον ἐπὶ τῶν αὐτῶν μένον καὶ πᾶν τὸ μὴ πλεονάζον κεχαρισμένην ἔχει τὴν μεταβολήν· τοῦ τε πατρὸσ ἤδη γεγηρακότοσ αἱ τῆσ βασιλείασ ἐλπίδεσ εἰσ τὴν τούτου διαδοχὴν ἦγον ἅμα τὴν ἀρχὴν καὶ τὴν τῶν ὄχλων εὔνοιαν. ἦν δὲ καὶ τῷ κάλλει καὶ τῷ μεγέθει διάφοροσ, ἔτι δὲ κεκοσμημένοσ ὅπλοισ βασιλικοῖσ εἶχε πολλὴν ὑπεροχὴν καὶ κατάπληξιν, δι’ ἧσ εἰσ ἐλπίδασ ἁδρὰσ ἦγε τοὺσ πολλούσ·

πρὸσ δὲ τούτοισ πρᾳότησ τισ ἦν περὶ αὐτόν, ἁρμόζουσα νέῳ βασιλεῖ, δἰ ἧσ εἰσ προθυμίαν ἐξεκαλεῖτο πάντασ, ὥστε καὶ τοὺσ ἐκτὸσ τάξεωσ συνδραμεῖν ἐπὶ τὴν ἀκρόασιν, συναγωνιῶντασ τῇ νεότητι καὶ τῇ μελλούσῃ γίνεσθαι κρίσει διὰ τῆσ παρατάξεωσ. οὐ μόνον γὰρ πρὸσ πλείονασ ἤμελλε διακινδυνεύειν, ἀλλὰ καὶ πρὸσ ἡγεμόνασ σχεδὸν μεγίστουσ, Πτολεμαῖον καὶ Σέλευκον·

οὗτοι γὰρ πάντασ τοὺσ πολέμουσ Ἀλεξάνδρῳ συστρατευσάμενοι καὶ πολλάκισ καθ’ αὑτοὺσ δυνάμεων ἡγησάμενοι μέχρι τῶν καιρῶν τούτων ὑπῆρχον ἀνίκητοι. ὁ δ’ οὖν Δημήτριοσ παρακαλέσασ τὰ πλήθη τοῖσ οἰκείοισ λόγοισ καὶ δωρεάσ τε δώσειν κατὰ τὴν ἀξίαν καὶ τὰ λάφυρα συγχωρήσειν ἐπαγγειλάμενοσ ἐξέταξε τὴν δύναμιν εἰσ τὴν μάχην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 81

(디오도로스 시켈로스, Bibliotheca Historica, Books XVIII-XX, book 19, chapter 81)

상위

목록

SEARCH

MENU NAVIGATION