헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 71)

τοῦ δὲ χρόνου προϊόντοσ πρᾶξιν μὲν οὐδεμίαν οὔτε τῆσ πατρίδοσ οὔτε τῆσ περὶ τὸ γένοσ ἐπιφανείασ ἀξίαν διεπράξατο, τοὐναντίον δὲ φονικὸσ ὢν καὶ τῶν τυράννων ὠμότεροσ προσέκοπτε τοῖσ πλήθεσι. πρὸσ δὲ τούτοισ τὴν πάτριον δίαιταν μετέβαλεν καὶ ταῖσ ἡδοναῖσ ἐνετρύφησεν οὕτωσ ἀσελγῶσ ὥστε Πέρσην εἶναι δοκεῖν καὶ οὐ Σπαρτιάτην.

ἐπεὶ δὲ τῶν προσόδων τὸ πλεῖον μέροσ ἀνήλωσεν τὰ μὲν πολιτευόμενοσ, τὰ δὲ διανοσφιζόμενοσ τέλοσ Σωσίστρατον, ἐπιφανέστατον τῶν φυγάδων, πολλάκισ δυνάμεων ἀφηγησάμενον, ἐπὶ τὸ δεῖπνον παραλαβὼν ἐδολοφόνησεν, ἐγκαλέσαι μὲν ἁπλῶσ οὐδ’ ὁτιοῦν ἔχων, ἐκ ποδῶν δὲ ποιήσασθαι σπεύδων δραστικὸν ἄνδρα καὶ δυνάμενον ἐφεδρεῦσαι τοῖσ κακῶσ προϊσταμένοισ τῆσ ἡγεμονίασ.

διαβοηθείσησ δὲ τῆσ πράξεωσ εὐθὺσ οἵ τε φυγάδεσ συνέτρεχον ἐπ’ αὐτὸν καὶ πάντεσ οἱ λοιποὶ διετέθησαν ἀλλοτρίωσ καὶ τὸ μὲν πρῶτον ἀπέστησαν αὐτὸν τῆσ στρατηγίασ, μετ’ ὀλίγον δὲ καὶ βάλλειν τοῖσ λίθοισ ἐπεχείρησαν·

διόπερ φοβηθεὶσ τὴν τοῦ πλήθουσ ὁρμὴν νυκτὸσ ἔφυγε καὶ λαθὼν διῆρεν εἰσ τὴν Λακωνικήν. τούτου δ’ ἀπαλλαγέντοσ Ταραντῖνοι μὲν ἀπεσταλκότεσ εἰσ Σικελίαν τὸν στόλον μετεπέμψαντο, Ἀκραγαντῖνοι δὲ καὶ Γελῷοι καὶ Μεσσήνιοι κατέλυσαν τὸν πρὸσ Ἀγαθοκλέα πόλεμον, μεσιτεύσαντοσ τὰσ συνθήκασ Ἀμίλκου τοῦ Καρχηδονίου.

ἦσαν δὲ τὰ κεφάλαια τῶν συντεθέντων τοιάδε, τῶν Ἑλληνίδων πόλεων τῶν κατὰ Σικελίαν Ἡράκλειαν μὲν καὶ Σελινοῦντα καὶ πρὸσ ταύταισ Ἱμέραν ὑπὸ Καρχηδονίοισ τετάχθαι, καθὰ καὶ προϋπῆρχον, τὰσ δ’ ἄλλασ πάσασ αὐτονόμουσ εἶναι, τὴν ἡγεμονίαν ἐχόντων Συρακοσίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 71

(디오도로스 시켈로스, Bibliotheca Historica, Books XVIII-XX, book 19, chapter 71)

상위

목록

SEARCH

MENU NAVIGATION