헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 51)

ὁ δὲ Κάσανδροσ ὁρῶν περὶ τὸν Ἀριστόνουν ὑπάρχον ἀξίωμα διὰ τὴν παρ’ Ἀλεξάνδρου προαγωγὴν καὶ σπεύδων ἐκ ποδῶν ποιεῖν τοὺσ δυναμένουσ νεωτερίζειν ἐπανεῖλε τὸν ἄνδρα διὰ τῶν Κρατεύα συγγενῶν. προετρέψατο δὲ καὶ τοὺσ οἰκείουσ τῶν ἀνῃρημένων ὑπ’ Ὀλυμπιάδοσ ἐν κοινῇ τῶν Μακεδόνων ἐκκλησίᾳ κατηγορεῖν τῆσ προειρημένησ γυναικόσ. ὧν ποιησάντων τὸ προσταχθὲν καὶ τῆσ μὲν Ὀλυμπιάδοσ οὔτε παρούσησ οὔτε ἐχούσησ τοὺσ ἀπολογησομένουσ οἱ μὲν Μακεδόνεσ κατεγίνωσκον αὐτῆσ θάνατον, ὁ δὲ Κάσανδροσ πέμψασ τινὰσ τῶν φίλων πρὸσ τὴν Ὀλυμπιάδα συνεβούλευε λάθρᾳ φυγεῖν, ἐπαγγελλόμενοσ αὐτῇ ναῦν παρασκευάσειν καὶ διακομιεῖν εἰσ τὰσ Ἀθήνασ.

τοῦτο δ’ ἔπραττεν οὐ τῆσ σωτηρίασ προνοούμενοσ, ἀλλ’ ἵνα καθ’ αὑτῆσ φυγὴν καταγνοῦσα καὶ διαφθαρεῖσα κατὰ τὸν πλοῦν δόξῃ δικαίᾳ περιπεπτωκέναι τιμωρίᾳ·

εὐλαβεῖτο γὰρ ἅμα καὶ τὸ περὶ αὐτὴν ἀξίωμα καὶ τὸ τῶν Μακεδόνων εὐμετάβολον. τῆσ δὲ Ὀλυμπιάδοσ οὐ φαμένησ φεύξεσθαι, τοὐναντίον δ’ ἑτοίμησ οὔσησ ἐν πᾶσι Μακεδόσι κριθῆναι ὁ Κάσανδροσ φοβηθεὶσ μήποτε τὸ πλῆθοσ ἀκοῦον τῆσ βασιλίσσησ ἀπολογουμένησ καὶ τῶν Ἀλεξάνδρου καὶ Φιλίππου πρὸσ ἅπαν ἔθνοσ εὐεργεσιῶν ἀναμιμνησκόμενον μετανοήσῃ, διακοσίουσ τῶν στρατιωτῶν τοὺσ ἐπιτηδειοτάτουσ ἀπέστειλε πρὸσ αὐτήν, προστάξασ ἀνελεῖν τὴν ταχίστην.

οὗτοι μὲν οὖν παρεισπεσόντεσ εἰσ τὴν βασιλικὴν οἰκίαν, ὡσ ἴδον τὴν Ὀλυμπιάδα, καταιδεσθέντεσ τὸ περὶ αὐτὴν ἀξίωμα πάλιν ἀπεχώρησαν ἄπρακτοι·

οἱ δὲ τῶν ἀνῃρημένων συγγενεῖσ, Κασάνδρῳ τε χαρίζεσθαι βουλόμενοι καὶ τοῖσ τετελευτηκόσιν ἀμῦναι, κατέσφαξαν τὴν βασίλισσαν, οὐδεμίαν ἀγεννῆ καὶ γυναικείαν προεμένην ἀξίωσιν. Ὀλυμπιὰσ μὲν οὖν, μέγιστον τῶν καθ’ αὑτὴν ἐσχηκυῖα ἀξίωμα καὶ γεγενημένη θυγάτηρ μὲν Νεοπτολέμου τοῦ βασιλέωσ τῶν Ἠπειρωτῶν, ἀδελφὴ δὲ Ἀλεξάνδρου τοῦ στρατεύσαντοσ εἰσ Ἰταλίαν, ἔτι δὲ γυνὴ μὲν Φιλίππου τοῦ πλεῖστον ἰσχύσαντοσ τῶν πρὸ αὐτοῦ κατὰ τὴν Εὐρώπην δυναστευσάντων, μήτηρ δὲ Ἀλεξάνδρου τοῦ πλεῖστα καὶ κάλλιστα κατεργασαμένου τοιαύτησ καταστροφῆσ ἔτυχε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 51

(디오도로스 시켈로스, Bibliotheca Historica, Books XVIII-XX, book 19, chapter 51)

상위

목록

SEARCH

MENU NAVIGATION