헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 23)

πλησίον δ’ εἶναι πάσασ τὰσ παρασκευάσ. πάντων δὲ κατὰ τρόπον ὑπηρετουμένων ἐπεσημαίνετο τὸ πλῆθοσ τὴν τοῦ Πευκέστου προθυμίαν καὶ φανερὸσ ἦν ἐπιδεδωκὼσ πολὺ πρὸσ εὔνοιαν. ἃ δὴ θεωρῶν Εὐμενὴσ καὶ συλλογιζόμενοσ τὸν Πευκέστην πολιτεύεσθαι πρὸσ τὸ πλῆθοσ τῆσ στρατηγίασ ὀρεγόμενον, ἐπλάσατο ψευδεῖσ ἐπιστολάσ, διὰ δὲ τούτων τούσ τε στρατιώτασ εὐθαρσεῖσ πρὸσ τὰσ μάχασ κατεσκεύασεν καὶ τοῦ Πευκέστου τὸν ὄγκον καὶ τὸ πρόσχημα ταπεινώσασ ἑαυτὸν εἰσ ὕψοσ ἤγαγε καὶ προσδοκίαν ἐλπίδων ἀγαθῶν παρὰ τοῖσ πλήθεσιν. ἦν δ’ ὁ νοῦσ τῶν γεγραμμένων ὅτι τὸ μὲν Ἀλεξάνδρου παιδίον Ὀλυμπιὰσ παραλαβοῦσα κεκόμισται καὶ τὴν Μακεδονίασ βασιλείαν κυρίωσ, ἀναιρεθέντοσ Κασάνδρου, Πολυπέρχων δὲ διαβέβηκεν εἰσ Ἀσίαν πρὸσ Ἀντίγονον ἔχων τῆσ βασιλικῆσ δυνάμεωσ τὴν κρατίστην καὶ τοὺσ ἐλέφαντασ, ἔστι δὲ προσάγων ἤδη περὶ Καππαδοκίαν.

ἡ δ’ ἐπιστολὴ Συρίοισ γεγραμμένη γράμμασιν ἀπέσταλτο παρὰ Ὀρόντου τοῦ σατραπείαν μὲν ἔχοντοσ Ἀρμενίασ, φίλου δὲ ὄντοσ Πευκέστῃ.

πιστευθείσησ δὲ τῆσ ἐπιστολῆσ διὰ τὴν συνήθειαν τὴν προϋπάρχουσαν τοῖσ σατράπαισ ὁ μὲν Εὐμενὴσ ἐκέλευσε περιενεγκεῖν καὶ δεῖξαι τοῖσ τε ἡγεμόσι καὶ τῶν ἄλλων στρατιωτῶν τοῖσ πλείστοισ, τὸ δὲ στρατόπεδον ἅπαν μετετέθη ταῖσ διανοίαισ καὶ πάντεσ ἀπέβλεπον πρὸσ τὰσ Εὐμενοῦσ ἐλπίδασ, ὡσ τούτου δυνησομένου καὶ προάγειν διὰ τῶν βασιλέων οὓσ ἂν βούληται καὶ δίκασ λαβεῖν παρὰ τῶν ἀδικούντων. μετὰ δὲ τὴν εὐωχίαν Εὐμενὴσ βουλόμενοσ καταπλήξασθαι τοὺσ ἀπειθοῦντασ ἢ στρατηγίασ ὀρεγομένουσ παρήγαγεν εἰσ κρίσιν Σιβύρτιον, ὃσ ἦν τῆσ μὲν Ἀραχωσίασ σατράπησ, Πευκέστου δὲ μάλιστα φίλοσ, ἔλαθε δὲ αὐτὸν τῶν ἱππέων τινὰσ ἀποστείλασ εἰσ Ἀραχώτασ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 23

(디오도로스 시켈로스, Bibliotheca Historica, Books XVIII-XX, book 19, chapter 23)

상위

목록

SEARCH

MENU NAVIGATION