헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 21)

οἱ δὲ περὶ τὸν Εὐμενῆ σατράπαι καὶ στρατηγοὶ πυθόμενοι τοὺσ πολεμίουσ ἐν τῇ Μηδίᾳ στρατοπεδεύειν, διέστησαν πρὸσ ἀλλήλουσ. Εὐμενὴσ μὲν γὰρ καὶ Ἀντιγένησ ὁ τῶν ἀργυρασπίδων ἡγούμενοσ καὶ πάντεσ οἱ τὴν ἀπὸ θαλάσσησ ἀνάβασιν πεποιημένοι πάλιν ᾤοντο δεῖν ἐπὶ θάλατταν καταβαίνειν, οἱ δ’ ἐκ τῶν ἄνω σατραπειῶν καταβεβηκότεσ ἀγωνιῶντεσ ὑπὲρ τῶν ἰδίων ἔφασαν δεῖν ἀντέχεσθαι τῶν ἄνω τόπων. αὐξομένησ δὲ τῆσ διαφορᾶσ Εὐμενὴσ ὁρῶν ὅτι διαιρεθέντοσ τοῦ στρατοπέδου κατ’ ἰδίαν ἑκάτερον τῶν μερῶν οὐκ ἀξιόμαχόν ἐστι, συνεχώρησε τοῖσ καταβεβηκόσι σατράπαισ.

ἀναζεύξαντεσ οὖν ἀπὸ τοῦ Πασιτίγριοσ προῆγον τῆσ Περσίδοσ εἰσ Περσέπολιν τὸ βασίλειον, οὔσησ τῆσ ὁδοιπορίασ ἡμερῶν εἴκοσι καὶ τεσσάρων, ἧσ ἦν ἡ πρώτη μὲν ἑώσ τῆσ καλουμένησ Κλίμακοσ κοίλη, καυματώδησ δὲ καὶ σπανίζουσα τῶν ἐπιτηδείων, ἡ λοιπὴ δὲ μετέωροσ καὶ τὸν ἀέρα παντελῶσ ὑγιεινὸν ἔχουσα καὶ πλήρησ τῶν ἐπετείων καρπῶν· αὐλῶνάσ τε γὰρ εἶχε πυκνοὺσ καὶ συσκίουσ καὶ παραδείσων φυτείασ ποικίλασ, ἔτι δὲ παντοδαπῶν δένδρων φυσικὰσ συναγκίασ καὶ ῥύσεισ ὑδάτων, ὥστε τοὺσ ὁδοιποροῦντασ μετὰ πολλῆσ τέρψεωσ ἐνδιατρίβειν τόποισ ἡδίστοισ πρὸσ ἀνάπαυσιν.

ἦν δὲ καὶ λείασ παντοδαπῆσ πλῆθοσ, ἣν μεταπεμπόμενοσ Πευκέστησ παρὰ τῶν ἐγχωρίων διεδίδου δαψιλῆ τοῖσ στρατιώταισ, ἐκκαλούμενοσ αὐτῶν τὴν εὔνοιαν. κατοικοῦσι δὲ ταύτην τὴν χώραν τῶν Περσῶν οἱ μαχιμώτατοι, πάντεσ ὄντεσ τοξόται καὶ σφενδονῆται, πολυανθρωπίᾳ τε πολὺ διαφέρειν συμβαίνει τὴν χώραν ταύτην τῶν ἄλλων σατραπειῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 21

(디오도로스 시켈로스, Bibliotheca Historica, Books XVIII-XX, book 19, chapter 21)

상위

목록

SEARCH

MENU NAVIGATION