헬라어 문장 검색 - Διοδορ́Βιβλιοτ́4́08́

(디오도로스 시켈로스, Bibliotheca Historica, book 4, chapter 7)

περὶ δὲ τῶν Μουσῶν, ἐπειδήπερ ἐμνήσθημεν ἐν ταῖσ τοῦ Διονύσου πράξεσιν, οἰκεῖον ἂν εἰή διελθεῖν ἐν κεφαλαίοισ. ταύτασ γὰρ οἱ πλεῖστοι τῶν μυθογράφων καὶ μάλιστα δεδοκιμασμένοι φασὶ θυγατέρασ εἶναι Διὸσ καὶ Μνημοσύνησ· ὀλίγοι δὲ τῶν ποιητῶν, ἐν οἷσ ἐστι καὶ Ἀλκμάν, θυγατέρασ ἀποφαίνονται Οὐρανοῦ καὶ Γῆσ. ὁμοίωσ δὲ καὶ κατὰ τὸν ἀριθμὸν διαφωνοῦσιν·

οἱ μὲν γὰρ τρεῖσ λέγουσιν, οἱ δ’ ἐννέα, καὶ κεκράτηκεν ὁ τῶν ἐννέα ἀριθμὸσ ὑπὸ τῶν ἐπιφανεστάτων ἀνδρῶν βεβαιούμενοσ, λέγω δὲ Ὁμήρου τε καὶ Ἡσιόδου καὶ τῶν ἄλλων τῶν τοιούτων. Ὅμηροσ μὲν γὰρ λέγει Μοῦσαι δ’ ἐννέα πᾶσαι ἀμειβόμεναι ὀπὶ καλῇ· Ησίοδοσ δὲ καὶ τὰ ὀνόματα αὐτῶν ἀποφαίνεται λέγων Κλειώ τ’ Εὐτέρπη τε Θάλειά τε Μελπομένη τε Τερψιχόρη τ’ Ἐρατώ τε Πολύμνιά τ’ Οὐρανίη τε Καλλιόπη θ’, ἥ σφεων προφερεστάτη ἐστὶν ἁπασέων. τούτων δ’ ἑκάστῃ προσάπτουσι τὰσ οἰκείασ διαθέσεισ τῶν περὶ μουσικὴν ἐπιτηδευμάτων, οἱο͂ν ποιητικήν, μελῳδίαν, ὀρχήσεισ καὶ χορείασ, ἀστρολογίαν τε καὶ τὰ λοιπὰ τῶν ἐπιτηδευμάτων.

παρθένουσ δ’ αὐτὰσ οἱ πλεῖστοι μυθολογοῦσι διὰ τὸ τὰσ κατὰ τὴν παιδείαν ἀρετὰσ ἀφθόρουσ δοκεῖν εἶναι. Μούσασ δ’ αὐτὰσ ὠνομάσθαι ἀπὸ τοῦ μυεῖν τοὺσ ἀνθρώπουσ, τοῦτο δ’ ἐστὶν ἀπὸ τοῦ διδάσκειν τὰ καλὰ καὶ συμφέροντα καὶ ὑπὸ τῶν ἀπαιδεύτων ἀγνοούμενα.

ἑκάστῃ δὲ προσηγορίᾳ τὸν οἰκεῖον λόγον ἀπονέμοντέσ φασιν ὠνομάσθαι τὴν μὲν Κλειὼ διὰ τὸ τὸν ἐκ τῆσ ποιήσεωσ τῶν ἐγκωμιαζομένων ἔπαινον μέγα κλέοσ περιποιεῖν τοῖσ ἐπαινουμένοισ, Εὐτέρπην δ’ ἀπὸ τοῦ τέρπειν τοὺσ ἀκροωμένουσ τοῖσ ἀπὸ τῆσ παιδείασ ἀγαθοῖσ, Θάλειαν δ’ ἀπὸ τοῦ θάλλειν ἐπὶ πολλοὺσ χρόνουσ τοὺσ διὰ τῶν ποιημάτων ἐγκωμιαζομένουσ, Μελπομένην δ’ ἀπὸ τῆσ μελῳδίασ, δι’ ἧσ τοὺσ ἀκούοντασ ψυχαγωγεῖσθαι, Τερψιχόρην δ’ ἀπὸ τοῦ τέρπειν τοὺσ ἀκροατὰσ τοῖσ ἐκ παιδείασ περιγινομένοισ ἀγαθοῖσ, Ἐρατὼ δ’ ἀπὸ τοῦ τοὺσ παιδευθέντασ ποθεινοὺσ καὶ ἐπεράστουσ ἀποτελεῖν, Πολύμνιαν δ’ ἀπὸ τοῦ διὰ πολλῆσ ὑμνήσεωσ ἐπιφανεῖσ κατασκευάζειν τοὺσ διὰ τῶν ποιημάτων ἀπαθανατιζομένουσ τῇ δόξῃ, Οὐρανίαν δ’ ἀπὸ τοῦ τοὺσ παιδευθέντασ ὑπ’ αὐτῆσ ἐξαίρεσθαι πρὸσ οὐρανόν· τῇ γὰρ δόξῃ καὶ τοῖσ φρονήμασι μετεωρίζεσθαι τὰσ ψυχὰσ εἰσ ὕψοσ οὐράνιον· Καλλιόπην δ’ ἀπὸ τοῦ καλὴν ὄπα προϊέσθαι, τοῦτο δ’ ἐστὶ τῇ εὐεπείᾳ διάφορον οὖσαν ἀποδοχῆσ τυγχάνειν ὑπο τῶν ἀκουόντων. τούτων δ’ ἡμῖν ἀρκούντωσ εἰρημένων μεταβιβάσομεν τὸν λόγον ἐπὶ τὰσ Ἡρακλέουσ πράξεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 7

(디오도로스 시켈로스, Bibliotheca Historica, book 4, chapter 7)

상위

목록

SEARCH

MENU NAVIGATION