헬라어 문장 검색 - Διοδορ́Βιβλιοτ́4́03́

(디오도로스 시켈로스, Bibliotheca Historica, book 4, chapter 2)

Κάδμον μὲν γάρ φασι τὸν Ἀγήνοροσ ἐκ Φοινίκησ ὑπὸ τοῦ βασιλέωσ ἀποσταλῆναι πρὸσ ζήτησιν τῆσ Εὐρώπησ, ἐντολὰσ λαβόντα ἢ τὴν παρθένον ἀγαγεῖν ἢ μὴ ἀνακάμπτειν εἰσ τὴν Φοινίκην. ἐπελθόντα δὲ πολλὴν χώραν, καὶ μὴ δυνάμενον ἀνευρεῖν, ἀπογνῶναι τὴν εἰσ οἶκον ἀνακομιδήν· καταντήσαντα δ’ εἰσ τὴν Βοιωτίαν κατὰ τὸν παραδεδομένον χρησμὸν κτίσαι τὰσ Θήβασ. ἐνταῦθα δὲ κατοικήσαντα γῆμαι μὲν Ἁρμονίαν τὴν Ἀφροδίτησ, γεννῆσαι δ’ ἐξ αὐτῆσ Σεμέλην %5καὶ Ἰνὼ καὶ Αὐτονόην καὶ Ἀγαύην, ἔτι δὲ Πολύδωρον. τῇ δὲ Σεμέλῃ διὰ τὸ κάλλοσ Δία μιγέντα καὶ μεθ’ ἡσυχίασ ποιούμενον τὰσ ὁμιλίασ δόξαι καταφρονεῖν αὐτῆσ·

διόπερ ὑπ’ αὐτῆσ παρακληθῆναι τὰσ ἐπιπλοκὰσ ὁμοίασ ποιεῖσθαι ταῖσ πρὸσ τὴν Ἥραν συμπεριφοραῖσ. τὸν μὲν οὖν Δία παραγενόμενον θεοπρεπῶσ μετὰ βροντῶν καὶ ἀστραπῶν ἐπιφανῶσ ποιεῖσθαι τὴν συνουσίαν·

τὴν δὲ Σεμέλην ἔγκυον οὖσαν καὶ τὸ μέγεθοσ τῆσ περιστάσεωσ οὐκ ἐνέγκασαν τὸ μὲν βρέφοσ ἐκτρῶσαι, ὑπὸ δὲ τοῦ πυρὸσ αὐτὴν τελευτῆσαι. ἔπειτα τὸ παιδίον ἀναλαβόντα τὸν Δία παραδοῦναι τῷ Ἑρμῇ, καὶ προστάξαι τοῦτο μὲν ἀποκομίσαι πρὸσ τὸ ἄντρον τὸ ἐν τῇ Νύσῃ, κείμενον μεταξὺ Φοινίκησ καὶ Νείλου, ταῖσ δὲ νύμφαισ παραδοῦναι τρέφειν καὶ μετὰ πολλῆσ σπουδῆσ ἐπιμέλειαν αὐτοῦ ποιεῖσθαι τὴν ἀρίστην. διὸ καὶ τραφέντα τὸν Διόνυσον ἐν τῇ Νύσῃ τυχεῖν τῆσ προσηγορίασ ταύτησ ἀπὸ Διὸσ καὶ Νύσησ.

καὶ τὸν Ὅμηρον δὲ τούτοισ μαρτυρῆσαι ἐν τοῖσ ὕμνοισ ἐν οἷσ λέγει ἔστι δέ τισ Νύση, ὕπατον ὄροσ, ἀνθέον ὕλη, τηλοῦ Φοινίκησ, σχεδὸν Αἰγύπτοιο ῥοάων. τραφέντα δ’ αὐτὸν ὑπὸ τῶν νυμφῶν ἐν τῇ Νύσῃ φασὶν εὑρετήν τε τοῦ οἴνου γενέσθαι καὶ τὴν φυτείαν διδάξαι τῆσ ἀμπέλου τοὺσ ἀνθρώπουσ.

ἐπιόντα δὲ σχεδὸν ὅλην τὴν οἰκουμένην πολλὴν χώραν ἐξημερῶσαι, καὶ διὰ τοῦτο τυχεῖν παρὰ πᾶσι μεγίστων τιμῶν. εὑρεῖν δ’ αὐτὸν καὶ τὸ ἐκ τῆσ κριθῆσ κατασκευαζόμενον πόμα, τὸ προσαγορευόμενον μὲν ὑπ’ ἐνίων ζῦθοσ, οὐ πολὺ δὲ λειπόμενον τῆσ περὶ τὸν οἶνον εὐωδίασ. τοῦτο δὲ διδάξαι τοὺσ χώραν ἔχοντασ μὴ δυναμένην ἐπιδέχεσθαι τὴν τῆσ ἀμπέλου φυτείαν. περιάγεσθαι δ’ αὐτὸν καὶ στρατόπεδον οὐ μόνον ἀνδρῶν, ἀλλὰ καὶ γυναικῶν, καὶ τοὺσ ἀδίκουσ καὶ ἀσεβεῖσ τῶν ἀνθρώπων κολάζειν.

καὶ κατὰ μὲν τὴν Βοιωτίαν ἀποδιδόντα τῇ πατρίδι χάριτασ ἐλευθερῶσαι πάσασ τὰσ πόλεισ, καὶ κτίσαι πόλιν ἐπώνυμον τῆσ αὐτονομίασ, ἣν Ἐλευθερὰσ προσαγορεῦσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 2

(디오도로스 시켈로스, Bibliotheca Historica, book 4, chapter 2)

상위

목록

SEARCH

MENU NAVIGATION