헬라어 문장 검색 - ΗεροδόΤηεΗιστ́2́164́

(헤로도토스, The Histories, book 2, chapter 158)

Ψαμμητίχου δὲ Νεκῶσ παῖσ ἐγένετο καὶ ἐβασίλευσε Αἰγύπτου, ὃσ τῇ διώρυχι ἐπεχείρησε πρῶτοσ τῇ ἐσ τὴν Ἐρυθρὴν θάλασσαν φερούσῃ, τὴν Δαρεῖοσ ὁ Πέρσησ δεύτερα διώρυξε· τῆσ μῆκοσ ἐστὶ πλόοσ ἡμέραι τέσσερεσ, εὖροσ δὲ ὠρύχθη ὥστε τριήρεασ δύο πλέειν ὁμοῦ ἐλαστρευμένασ. ἦκται δὲ ἀπὸ τοῦ Νείλου τὸ ὕδωρ ἐσ αὐτήν·

ἦκται δὲ κατύπερθε ὀλίγον Βουβάστιοσ πόλιοσ παρὰ Πάτουμον τὴν Ἀραβίην πόλιν, ἐσέχει δὲ ἐσ τὴν Ἐρυθρὴν θάλασσαν. ὀρώρυκται δὲ πρῶτον μὲν τοῦ πεδίου τοῦ Αἰγυπτίου τὰ πρὸσ Ἀραβίην ἔχοντα· ἔχεται δὲ κατύπερθε τοῦ πεδίου τὸ κατὰ Μέμφιν τεῖνον ὄροσ, ἐν τῷ αἱ λιθοτομίαι ἔνεισι· τοῦ ὦν δὴ ὄρεοσ τούτου παρὰ τὴν ὑπώρεαν ἦκται ἡ διῶρυξ ἀπ’ ἑσπέρησ μακρὴ πρὸσ τὴν ἠῶ, καὶ ἔπειτα τείνει ἐσ διασφάγασ, φέρουσα ἀπὸ τοῦ ὄρεοσ πρὸσ μεσαμβρίην τε καὶ νότον ἄνεμον ἐσ τὸν κόλπον τὸν Ἀράβιον.

τῇ δὲ ἐλάχιστον ἐστὶ καὶ συντομώτατον ἐκ τῆσ βορηίησ θαλάσσησ ὑπερβῆναι ἐσ τὴν νοτίην καὶ Ἐρυθρὴν τὴν αὐτὴν ταύτην καλεομένην, ἀπὸ τοῦ Κασίου ὄρεοσ τοῦ οὐρίζοντοσ Αἴγυπτόν τε καὶ Συρίην, ἀπὸ τούτου εἰσὶ στάδιοι ἀπαρτὶ χίλιοι ἐσ τὸν Ἀράβιον κόλπον.

τοῦτο μὲν τὸ συντομώτατον, ἡ δὲ διῶρυξ πολλῷ μακροτέρη, ὅσῳ σκολιωτέρη ἐστί·

τὴν ἐπὶ Νεκῶ βασιλέοσ ὀρύσσοντεσ Αἰγυπτίων ἀπώλοντο δυώδεκα μυριάδεσ. Νεκῶσ μέν νυν μεταξὺ ὀρύσσων ἐπαύσατο μαντηίου ἐμποδίου γενομένου τοιοῦδε, τῷ βαρβάρῳ αὐτὸν προεργάζεσθαι. βαρβάρουσ δὲ πάντασ οἱ Αἰγύπτιοι καλέουσι τοὺσ μὴ σφίσι ὁμογλώσσουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 158

(헤로도토스, The Histories, book 2, chapter 158)

상위

목록

SEARCH

MENU NAVIGATION