헬라어 문장 검색 - ΗεροδόΤηεΗιστ́2́162́

(헤로도토스, The Histories, book 2, chapter 156)

οὕτω μέν νυν ὁ νηὸσ τῶν φανερῶν μοι τῶν περὶ τοῦτο τὸ ἱρὸν ἐστὶ θωμαστότατον, τῶν δὲ δευτέρων νῆσοσ ἡ Χέμμισ καλευμένη· ἔστι μὲν ἐν λίμνῃ βαθέῃ καὶ πλατέῃ κειμένη παρὰ τὸ ἐν Βουτοῖ ἱρόν, λέγεται δὲ ὑπ’ Αἰγυπτίων εἶναι αὕτη ἡ νῆσοσ πλωτή.

αὐτὸσ μὲν ἔγωγε οὔτε πλέουσαν οὔτε κινηθεῖσαν εἶδον, τέθηπα δὲ ἀκούων εἰ νῆσοσ ἀληθέωσ ἐστὶ πλωτή. ἐν δὲ ὦν ταύτῃ νηόσ τε Ἀπόλλωνοσ μέγασ ἔνι καὶ βωμοὶ τριφάσιοι ἐνιδρύαται, ἐμπεφύκασι δ’ ἐν αὐτῇ φοίνικεσ συχνοὶ καὶ ἄλλα δένδρεα καὶ καρποφόρα καὶ ἄφορα πολλά.

λόγον δὲ τόνδε ἐπιλέγοντεσ οἱ Αἰγύπτιοι φασὶ εἶναι αὐτὴν πλωτήν, ὡσ ἐν τῇ νήσῳ ταύτῃ οὐκ ἐούσῃ πρότερον πλωτῇ Λητώ, ἐοῦσα τῶν ὀκτὼ θεῶν τῶν πρώτων γενομένων, οἰκέουσα δὲ ἐν Βουτοῖ πόλι, ἵνα δή οἱ τὸ χρηστήριον τοῦτο ἐστί, Ἀπόλλωνα παρ’ Ἴσιοσ παρακαταθήκην δεξαμένη διέσωσε κατακρύψασα ἐν τῇ νῦν πλωτῇ λεγομένῃ νήσῳ, ὅτε τὸ πᾶν διζήμενοσ ὁ Τυφῶν ἐπῆλθε, θέλων ἐξευρεῖν τοῦ Ὀσίριοσ τὸν παῖδα.

Ἀπόλλωνα δὲ καὶ Ἄρτεμιν Διονύσου καὶ Ἴσιοσ λέγουσι εἶναι παῖδασ, Λητοῦν δὲ τροφὸν αὐτοῖσι καὶ σώτειραν γενέσθαι.

Αἰγυπτιστὶ δὲ Ἀπόλλων μὲν Ὦροσ, Δημήτηρ δὲ Ἶσισ, Ἄρτεμισ δὲ Βούβαστισ. ἐκ τούτου δὲ τοῦ λόγου καὶ οὐδενὸσ ἄλλου Αἰσχύλοσ ὁ Εὐφορίωνοσ ἡρ́πασε τὸ ἐγὼ φράσω, μοῦνοσ δὴ ποιητέων τῶν προγενομένων·

ἐποίησε γὰρ Ἄρτεμιν εἶναι θυγατέρα Δήμητροσ. τὴν δὲ νῆσον διὰ τοῦτο γενέσθαι πλωτήν. ταῦτα μὲν οὕτω λέγουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 156

(헤로도토스, The Histories, book 2, chapter 156)

상위

목록

SEARCH

MENU NAVIGATION