헬라어 문장 검색 - ΗεροδόΤηεΗιστ́2́156́

(헤로도토스, The Histories, book 2, chapter 150)

ἔλεγον δὲ οἱ ἐπιχώριοι καὶ ὡσ ἐσ τὴν Σύρτιν τὴν ἐσ Λιβύην ἐκδιδοῖ ἡ λίμνη αὕτη ὑπὸ γῆν, τετραμμένη τὸ πρὸσ ἑσπέρην ἐσ τὴν μεσόγαιαν παρὰ τὸ ὄροσ τὸ ὑπὲρ Μέμφιοσ. ἐπείτε δὲ τοῦ ὀρύγματοσ τούτου οὐκ ὡρ́ων τὸν χοῦν οὐδαμοῦ ἐόντα, ἐπιμελὲσ γὰρ δή μοι ἦν, εἰρόμην τοὺσ ἄγχιστα οἰκέοντασ τῆσ λίμνησ ὅκου εἰή ὁ χοῦσ ὁ ἐξορυχθείσ.

οἳ δὲ ἔφρασάν μοι ἵνα ἐξεφορήθη, καὶ εὐπετέωσ ἔπειθον· ᾔδεα γὰρ λόγῳ καὶ ἐν Νίνῳ τῇ Ἀσσυρίων πόλι γενόμενον ἕτερον τοιοῦτον. τὰ γὰρ Σαρδαναπάλλου τοῦ Νίνου βασιλέοσ ἐόντα μεγάλα χρήματα καὶ φυλασσόμενα ἐν θησαυροῖσι καταγαίοισι ἐπενόησαν κλῶπεσ ἐκφορῆσαι.

ἐκ δὴ ὦν τῶν σφετέρων οἰκίων ἀρξάμενοι οἱ κλῶπεσ ὑπὸ γῆν σταθμεόμενοι ἐσ τὰ βασιλήια οἰκία ὤρυσσον, τὸν δὲ χοῦν τὸν ἐκφορεόμενον ἐκ τοῦ ὀρύγματοσ, ὅκωσ γένοιτο νύξ, ἐσ τὸν Τίγρην ποταμὸν παραρρέοντα τὴν Νίνον ἐξεφόρεον, ἐσ ὃ κατεργάσαντο ὅ τι ἐβούλοντο. τοιοῦτον ἕτερον ἤκουσα καὶ κατὰ τὸ τῆσ ἐν Αἰγύπτῳ λίμνησ ὄρυγμα γενέσθαι, πλὴν οὐ νυκτὸσ ἀλλὰ μετ’ ἡμέρην ποιεύμενον·

ὀρύσσοντασ γὰρ τὸν χοῦν τοὺσ Αἰγυπτίουσ ἐσ τὸν Νεῖλον φορέειν· ὁ δὲ ὑπολαμβάνων ἔμελλε διαχέειν. ἡ μέν νυν λίμνη αὕτη οὕτω λέγεται ὀρυχθῆναι·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 150

(헤로도토스, The Histories, book 2, chapter 150)

상위

목록

SEARCH

MENU NAVIGATION