헬라어 문장 검색 - ΗεροδόΤηεΗιστ́2́130́

(헤로도토스, The Histories, book 2, chapter 124)

μέχρι μέν νυν Ῥαμψινίτου βασιλέοσ εἶναι ἐν Αἰγύπτῳ πᾶσαν εὐνομίην ἔλεγον καὶ εὐθηνέειν Αἴγυπτον μεγάλωσ, μετὰ δὲ τοῦτον βασιλεύσαντα σφέων Χέοπα ἐσ πᾶσαν κακότητα ἐλάσαι. κατακληίσαντα γάρ μιν πάντα τὰ ἱρὰ πρῶτα μὲν σφέασ θυσιέων τουτέων ἀπέρξαι, μετὰ δὲ ἐργάζεσθαι ἑωυτῷ κελεύειν πάντασ Αἰγυπτίουσ. τοῖσι μὲν δὴ ἀποδεδέχθαι ἐκ τῶν λιθοτομιέων τῶν ἐν τῷ Ἀραβίῳ ὄρεϊ, ἐκ τουτέων ἕλκειν λίθουσ μέχρι τοῦ Νείλου·

διαπεραιωθέντασ δὲ τὸν ποταμὸν πλοίοισι τοὺσ λίθουσ ἑτέροισι ἐπέταξε ἐκδέκεσθαι καὶ πρὸσ τὸ Λιβυκὸν καλεύμενον ὄροσ, πρὸσ τοῦτο ἕλκειν. ἐργάζοντο δὲ κατὰ δέκα μυριάδασ ἀνθρώπων αἰεὶ τὴν τρίμηνον ἑκάστην.

χρόνον δὲ ἐγγενέσθαι τριβομένῳ τῷ λεῷ δέκα ἔτεα μὲν τῆσ ὁδοῦ κατ’ ἣν εἷλκον τοὺσ λίθουσ, τὴν ἔδειμαν ἔργον ἐὸν οὐ πολλῷ τεῳ ἔλασσον τῆσ πυραμίδοσ. ὡσ ἐμοὶ δοκέειν· τῆσ μὲν γὰρ μῆκοσ εἰσὶ πέντε στάδιοι, εὖροσ δὲ δέκα ὀργυιαί, ὕψοσ δέ, τῇ ὑψηλοτάτη ἐστὶ αὐτὴ ἑωυτῆσ, ὀκτὼ ὀργυιαί, λίθου δὲ ξεστοῦ καὶ ζῴων ἐγγεγλυμμένων·

ταύτησ τε δὴ τὰ δέκα ἔτεα γενέσθαι καὶ τῶν ἐπὶ τοῦ λόφου ἐπ’ οὗ ἑστᾶσι αἱ πυραμίδεσ, τῶν ὑπὸ γῆν οἰκημάτων, τὰσ ἐποιέετο θήκασ ἑωυτῷ ἐν νήσῳ, διώρυχα τοῦ Νείλου ἐσαγαγών. τῇ δὲ πυραμίδι αὐτῇ χρόνον γενέσθαι εἴκοσι ἔτεα ποιευμένῃ·

τῆσ ἐστὶ πανταχῇ μέτωπον ἕκαστον ὀκτὼ. πλέθρα ἐούσησ τετραγώνου καὶ ὕψοσ ἴσον, λίθου δὲ ξεστοῦ τε καὶ ἁρμοσμένου τὰ μάλιστα· οὐδεὶσ τῶν λίθων τριήκοντα ποδῶν ἐλάσσων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 124

(헤로도토스, The Histories, book 2, chapter 124)

상위

목록

SEARCH

MENU NAVIGATION