헬라어 문장 검색 - ΗεροδόΤηεΗιστ́2́126́

(헤로도토스, The Histories, book 2, chapter 121E)

τὸν δὲ βασιλέα, ὡσ αὐτῷ ἀπηγγέλθη τοῦ φωρὸσ ὁ νέκυσ ἐκκεκλεμμένοσ, δεινὰ ποιέειν· πάντωσ δὲ βουλόμενον εὑρεθῆναι ὅστισ κοτὲ εἰή ὁ ταῦτα μηχανώμενοσ, ποιῆσαί μιν τάδε, ἐμοὶ μὲν οὐ πιστά· τὴν θυγατέρα τὴν ἑωυτοῦ κατίσαι ἐπ’ οἰκήματοσ, ἐντειλάμενον πάντασ τε ὁμοίωσ προσδέκεσθαι, καὶ πρὶν συγγενέσθαι, ἀναγκάζειν λέγειν αὐτῇ ὅ τι δὴ ἐν τῷ βίῳ ἔργασται αὐτῷ σοφώτατον καὶ ἀνοσιώτατον·

ὃσ δ’ ἂν ἀπηγήσηται τὰ περὶ τὸν φῶρα γεγενημένα, τοῦτον συλλαμβάνειν καὶ μὴ ἀπιέναι ἔξω. ὡσ δὲ τὴν παῖδα ποιέειν τὰ ἐκ τοῦ πατρὸσ προσταχθέντα, τὸν φῶρα πυθόμενον τῶν εἵνεκα ταῦτα ἐπρήσσετο, βουληθέντα πολυτροπίῃ τοῦ βασιλέοσ περιγενέσθαι ποιέειν τάδε·

νεκροῦ προσφάτου ἀποταμόντα ἐν τῷ ὤμῳ τὴν χεῖρα ἰέναι αὐτὸν ἔχοντα αὐτὴν ὑπὸ τῷ ἱματίῳ.

ἐσελθόντα δὲ ὡσ τοῦ βασιλέοσ τὴν θυγατέρα καὶ εἰρωτώμενον τά περ καὶ οἱ ἄλλοι, ἀπηγήσασθαι ὡσ ἀνοσιώτατον μὲν εἰή ἐργασμένοσ ὅτι τοῦ ἀδελφεοῦ ἐν τῷ θησαυρῷ τοῦ βασιλέοσ ὑπὸ πάγησ ἁλόντοσ ἀποτάμοι τὴν κεφαλήν, σοφώτατον δὲ ὅτι τοὺσ φυλάκουσ καταμεθύσασ καταλύσειε τοῦ ἀδελφεοῦ κρεμάμενον τὸν νέκυν. τὴν δὲ ὡσ ἤκουσε ἅπτεσθαι αὐτοῦ.

τὸν δὲ φῶρα ἐν τῷ σκότεϊ προτεῖναι αὐτῇ τοῦ νεκροῦ τὴν χεῖρα· τὴν δὲ ἐπιλαβομένην ἔχειν, νομίζουσαν αὐτοῦ ἐκείνου τῆσ χειρὸσ ἀντέχεσθαι· τὸν δὲ φῶρα προέμενον αὐτῇ οἴχεσθαι διὰ θυρέων φεύγοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 121E

(헤로도토스, The Histories, book 2, chapter 121E)

상위

목록

SEARCH

MENU NAVIGATION