헬라어 문장 검색 - ΗεροδόΤηεΗιστ́2́104́

(헤로도토스, The Histories, book 2, chapter 104)

φαίνονται μὲν γὰρ ἐόντεσ οἱ Κόλχοι Αἰγύπτιοι, νοήσασ δὲ πρότερον αὐτὸσ ἢ ἀκούσασ ἄλλων λέγω. ὡσ δέ μοι ἐν φροντίδι ἐγένετο, εἰρόμην ἀμφοτέρουσ, καὶ μᾶλλον οἱ Κόλχοι ἐμεμνέατο τῶν Αἰγυπτίων ἢ οἱ Αἰγύπτιοι τῶν Κόλχων· νομίζειν δ’ ἔφασαν οἱ Αἰγύπτιοι τῆσ Σεσώστριοσ στρατιῆσ εἶναι τοὺσ Κόλχουσ.

αὐτὸσ δὲ εἴκασα τῇδε, καὶ ὅτι μελάγχροεσ εἰσὶ καὶ οὐλότριχεσ. καὶ τοῦτο μὲν ἐσ οὐδὲν ἀνήκει· εἰσὶ γὰρ καὶ ἕτεροι τοιοῦτοι· ἀλλὰ τοῖσιδε καὶ μᾶλλον, ὅτι μοῦνοι πάντων ἀνθρώπων Κόλχοι καὶ Αἰγύπτιοι καὶ Αἰθίοπεσ περιτάμνονται ἀπ’ ἀρχῆσ τὰ αἰδοῖα. Φοίνικεσ δὲ καὶ Σύροι οἱ ἐν τῇ Παλαιστίνῃ καὶ αὐτοὶ ὁμολογέουσι παρ’ Αἰγυπτίων μεμαθηκέναι, Σύριοι δὲ οἱ περὶ Θερμώδοντα καὶ Παρθένιον ποταμὸν καὶ Μάκρωνεσ οἱ τούτοισι ἀστυγείτονεσ ἐόντεσ ἀπὸ Κόλχων φασὶ νεωστὶ μεμαθηκέναι.

οὗτοι γὰρ εἰσὶ οἱ περιταμνόμενοι ἀνθρώπων μοῦνοι, καὶ οὗτοι Αἰγυπτίοισι φαίνονται ποιεῦντεσ κατὰ ταὐτά. αὐτῶν δὲ Αἰγυπτίων καὶ Αἰθιόπων οὐκ ἔχω εἰπεῖν ὁκότεροι παρὰ τῶν ἑτέρων ἐξέμαθον·

ἀρχαῖον γὰρ δή τι φαίνεται ἐόν. ὡσ δὲ ἐπιμισγόμενοι Αἰγύπτῳ ἐξέμαθον, μέγα μοι καὶ τόδε τεκμήριον γίνεται· Φοινίκων ὁκόσοι τῇ Ἑλλάδι ἐπιμίσγονται, οὐκέτι Αἰγυπτίουσ μιμέονται κατὰ τὰ αἰδοῖα. ἀλλὰ τῶν ἐπιγινομένων οὐ περιτάμνουσι τὰ αἰδοῖα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 104

(헤로도토스, The Histories, book 2, chapter 104)

상위

목록

SEARCH

MENU NAVIGATION