헬라어 문장 검색 - ΗεροδόΤηεΗιστ́2́073́

(헤로도토스, The Histories, book 2, chapter 73)

ἔστι δὲ καὶ ἄλλοσ ὄρνισ ἱρόσ, τῷ οὔνομα φοῖνιξ. ἐγὼ μέν μιν οὐκ εἶδον εἰ μὴ ὅσον γραφῇ· καὶ γὰρ δὴ καὶ σπάνιοσ ἐπιφοιτᾷ σφι, δι’ ἐτέων, ὡσ Ἡλιοπολῖται λέγουσι, πεντακοσίων· φοιτᾶν δὲ τότε φασὶ ἐπεάν οἱ ἀποθάνῃ ὁ πατήρ.

ἔστι δέ, εἰ τῇ γραφῇ παρόμοιοσ, τοσόσδε καὶ τοιόσδε· τὰ μὲν αὐτοῦ χρυσόκομα τῶν πτερῶν τὰ δὲ ἐρυθρὰ ἐσ τὰ μάλιστα· αἰετῷ περιήγησιν ὁμοιότατοσ καὶ τὸ μέγαθοσ. τοῦτον δὲ λέγουσι μηχανᾶσθαι τάδε, ἐμοὶ μὲν οὐ πιστὰ λέγοντεσ·

ἐξ Ἀραβίησ ὁρμώμενον ἐσ τὸ ἱρὸν τοῦ Ἡλίου κομίζειν τὸν πατέρα ἐν σμύρνῃ ἐμπλάσσοντα καὶ θάπτειν ἐν τοῦ Ἡλίου τῷ ἱρῷ, κομίζειν δὲ οὕτω· πρῶτον τῆσ σμύρνησ ᾠὸν πλάσσειν ὅσον τε δυνατόσ ἐστι φέρειν, μετὰ δὲ πειρᾶσθαι αὐτὸ φορέοντα, ἐπεὰν δὲ ἀποπειρηθῇ, οὕτω δὴ κοιλήναντα τὸ ᾠὸν τὸν πατέρα ἐσ αὐτὸ ἐντιθέναι, σμύρνῃ δὲ ἄλλῃ ἐμπλάσσειν τοῦτο κατ’ ὅ τι τοῦ ᾠοῦ ἐκκοιλήνασ ἐνέθηκε τὸν πατέρα·

ἐσκειμένου δὲ τοῦ πατρὸσ γίνεσθαι τὠυτὸ βάροσ· ἐμπλάσαντα δὲ κομίζειν μιν ἐπ’ Αἰγύπτου ἐσ τοῦ Ἡλίου τὸ ἱρόν. ταῦτα μὲν τοῦτον τὸν ὄρνιν λέγουσι ποιέειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 73

(헤로도토스, The Histories, book 2, chapter 73)

상위

목록

SEARCH

MENU NAVIGATION