헬라어 문장 검색 - ΗεροδόΤηεΗιστ́2́052́

(헤로도토스, The Histories, book 2, chapter 52)

ἔθυον δὲ πάντα πρότερον οἱ Πελασγοὶ θεοῖσι ἐπευχόμενοι, ὡσ ἐγὼ ἐν Δωδώνῃ οἶδα ἀκούσασ, ἐπωνυμίην δὲ οὐδ’ οὔνομα ἐποιεῦντο οὐδενὶ αὐτῶν· οὐ γὰρ ἀκηκόεσάν κω. θεοὺσ δὲ προσωνόμασαν σφέασ ἀπὸ τοῦ τοιούτου, ὅτι κόσμῳ θέντεσ τὰ πάντα πρήγματα καὶ πάσασ νομὰσ εἶχον. ἔπειτα δὲ χρόνου πολλοῦ διεξελθόντοσ ἐπύθοντο ἐκ τῆσ Αἰγύπτου ἀπικόμενα τὰ οὐνόματα τῶν θεῶν τῶν ἄλλων, Διονύσου δὲ ὕστερον πολλῷ ἐπύθοντο.

καὶ μετὰ χρόνον ἐχρηστηριάζοντο περὶ τῶν οὐνομάτων ἐν Δωδώνῃ· τὸ γὰρ δὴ μαντήιον τοῦτο νενόμισται ἀρχαιότατον τῶν ἐν Ἕλλησι χρηστηρίων εἶναι, καὶ ἦν τὸν χρόνον τοῦτον μοῦνον. ἐπεὶ ὦν ἐχρηστηριάζοντο ἐν τῇ Δωδώνῃ οἱ Πελασγοὶ εἰ ἀνέλωνται τὰ οὐνόματα τὰ ἀπὸ τῶν βαρβάρων ἥκοντα, ἀνεῖλε τὸ μαντήιον χρᾶσθαι.

ἀπὸ μὲν δὴ τούτου τοῦ χρόνου ἔθυον τοῖσι οὐνόμασι τῶν θεῶν χρεώμενοι· παρὰ δὲ Πελασγῶν Ἕλληνεσ ἐξεδέξαντο ὕστερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 52

(헤로도토스, The Histories, book 2, chapter 52)

상위

목록

SEARCH

MENU NAVIGATION