헬라어 문장 검색 - ΗεροδόΤηεΗιστ́2́042́

(헤로도토스, The Histories, book 2, chapter 42)

ὅσοι μὲν δὴ Διὸσ Θηβαιέοσ ἵδρυνται ἱρὸν ἤ νομοῦ τοῦ Θηβαίου εἰσί, οὗτοι μέν νυν πάντεσ ὀίων ἀπεχόμενοι αἶγασ θύουσι. θεοὺσ γὰρ δὴ οὐ τοὺσ αὐτοὺσ ἅπαντεσ ὁμοίωσ Αἰγύπτιοι σέβονται, πλὴν Ἴσιόσ τε καὶ Ὀσίριοσ, τὸν δὴ Διόνυσον εἶναι λέγουσι·

τούτουσ δὲ ὁμοίωσ ἅπαντεσ σέβονται. ὅσοι δὲ τοῦ Μένδητοσ ἔκτηνται ἱρὸν ἢ νομοῦ τοῦ Μενδησίου εἰσί, οὗτοι δὲ αἰγῶν ἀπεχόμενοι ὀίσ θύουσι. Θηβαῖοι μέν νυν καὶ ὅσοι διὰ τούτουσ ὀίων ἀπέχονται, διὰ τάδε λέγουσι τὸν νόμον τόνδε σφίσι τεθῆναι.

Ἡρακλέα θελῆσαι πάντωσ ἰδέσθαι τὸν Δία, καὶ τὸν οὐκ ἐθέλειν ὀφθῆναι ὑπ’ αὐτοῦ· τέλοσ δέ, ἐπείτε λιπαρέειν τὸν Ἡρακλέα, τάδε τὸν Δία μηχανήσασθαι· κριὸν ἐκδείραντα προσχέσθαι τε τὴν κεφαλὴν ἀποταμόντα τοῦ κριοῦ καὶ ἐνδύντα τὸ νάκοσ οὕτω οἱ ἑωυτὸν ἐπιδέξαι.

ἀπὸ τούτου κριοπρόσωπον τοῦ Διὸσ τὤγαλμα ποιεῦσι Αἰγύπτιοι, ἀπὸ δὲ Αἰγυπτίων Ἀμμώνιοι, ἐόντεσ Αἰγυπτίων τε καὶ Αἰθιόπων ἄποικοι καὶ φωνὴν μεταξὺ ἀμφοτέρων νομίζοντεσ. δοκέειν δέ μοι, καὶ τὸ οὔνομα Ἀμμώνιοι ἀπὸ τοῦδε σφίσι τὴν ἐπωνυμίην ἐποιήσαντο·

Ἀμοῦν γὰρ Αἰγύπτιοι καλέουσι τὸν Δία. τοὺσ δὲ κριοὺσ οὐ θύουσι Θηβαῖοι, ἀλλ’ εἰσί σφι ἱροὶ διὰ τοῦτο. μιῇ δὲ ἡμέρῃ τοῦ ἐνιαυτοῦ, ἐν ὁρτῇ τοῦ Διόσ, κριὸν ἕνα κατακόψαντεσ καὶ ἀποδείραντεσ κατὰ τὠυτὸ ἐνδύουσι τὤγαλμα τοῦ Διόσ, καὶ ἔπειτα ἄλλο ἄγαλμα Ἡρακλέοσ προσάγουσι πρὸσ αὐτό.

ταῦτα δὲ ποιήσαντεσ τύπτονται οἱ περὶ τὸ ἱρὸν ἅπαντεσ τὸν κριὸν καὶ ἔπειτα ἐν ἱρῇ θήκῃ θάπτουσι αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 42

(헤로도토스, The Histories, book 2, chapter 42)

상위

목록

SEARCH

MENU NAVIGATION