헬라어 문장 검색 - ΗεροδόΤηεΗιστ́2́017́

(헤로도토스, The Histories, book 2, chapter 17)

καὶ τὴν μὲν Ιὤνων γνώμην ἀπίεμεν, ἡμεῖσ δὲ ὧδε καὶ περὶ τούτων λέγομεν, Αἴγυπτον μὲν πᾶσαν εἶναι ταύτην τὴν ὑπ’ Αἰγυπτίων οἰκεομένην κατά περ Κιλικίην τὴν ὑπὸ Κιλίκων καὶ Ἀσσυρίην τὴν ὑπὸ Ἀσσυρίων, οὔρισμα δὲ Ἀσίῃ καὶ Λιβύῃ οἴδαμεν οὐδὲν ἐὸν ὀρθῷ λόγῳ εἰ μὴ τοὺσ Αἰγυπτίων οὔρουσ. εἰ δὲ τῷ ὑπ’ Ἑλλήνων νενομισμένῳ χρησόμεθα, νομιοῦμεν Αἴγυπτον πᾶσαν ἀρξαμένην ἀπὸ Καταδούπων τε καὶ Ἐλεφαντίνησ πόλιοσ δίχα διαιρέεσθαι καὶ ἀμφοτερέων τῶν ἐπωνυμιέων ἔχεσθαι·

τὰ μὲν γὰρ αὐτῆσ εἶναι τῆσ Λιβύησ τὰ δὲ τῆσ Ἀσίησ. ὁ γὰρ δὴ Νεῖλοσ ἀρξάμενοσ ἐκ τῶν Καταδούπων ῥέει μέσην Αἴγυπτον σχίζων ἐσ θάλασσαν.

μέχρι μέν νυν Κερκασώρου πόλιοσ ῥέει εἷσ ἐὼν ὁ Νεῖλοσ, τὸ δὲ ἀπὸ ταύτησ τῆσ πόλιοσ σχίζεται τριφασίασ ὁδούσ. καὶ ἣ μὲν πρὸσ ἠῶ τρέπεται, τὸ καλέεται Πηλούσιον στόμα, ἡ δὲ ἑτέρη τῶν ὁδῶν πρὸσ ἑσπέρην ἔχει·

τοῦτο δὲ Κανωβικὸν στόμα κέκληται. ἡ δὲ δὴ ἰθέα τῶν ὁδῶν τῷ Νείλῳ ἐστὶ ἥδε· ἄνωθεν φερόμενοσ ἐσ τὸ ὀξὺ τοῦ Δέλτα ἀπικνέεται, τὸ δὲ ἀπὸ τούτου σχίζων μέσον τὸ Δέλτα ἐσ θάλασσαν ἐξιεῖ, οὔτε ἐλαχίστην μοῖραν τοῦ ὕδατοσ παρεχόμενοσ ταύτην οὔτε ἥκιστα ὀνομαστήν· τὸ καλέεται Σεβεννυτικὸν στόμα. ἔστι δὲ καὶ ἕτερα διφάσια στόματα ἀπὸ τοῦ Σεβεννυτικοῦ ἀποσχισθέντα, φέροντα ἐσ θάλασσαν·

τοῖσι οὐνόματα κέεται τάδε, τῷ μὲν Σαϊτικὸν αὐτῶν τῷ δὲ Μενδήσιον. τὸ δὲ Βολβίτινον στόμα καὶ τὸ Βουκολικὸν οὐκ ἰθαγενέα στόματα ἐστὶ ἀλλ’ ὀρυκτά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 17

(헤로도토스, The Histories, book 2, chapter 17)

상위

목록

SEARCH

MENU NAVIGATION