헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 110)

Ἀγαθοκλῆσ δὲ τηλικαύτῃ συμφορᾷ περιπεσὼν τοὺσ ἐκ τῆσ τροπῆσ διασωθέντασ ἀνέλαβεν καὶ τὴν παρεμβολὴν ἐμπρήσασ εἰσ Γέλαν ἀπεχώρησε. διαδόντοσ δ’ αὐτοῦ λόγον ὡσ κατὰ σπουδὴν εἰσ Συρακούσσασ ἀναζευγνύειν διέγνωκε, τριακόσιοι τῶν ἐκ Λιβύησ ἱππέων κατὰ τὴν χώραν περιέπεσόν τισι τῶν Ἀγαθοκλέουσ στρατιωτῶν. ὧν εἰπόντων ὡσ Ἀγαθοκλῆσ εἰσ Συρακούσσασ ἀποκεχώρηκεν, εἰσῆλθον εἰσ Γέλαν ὡσ φίλοι καὶ διαψευσθέντεσ τῆσ ἐλπίδοσ κατηκοντίσθησαν. ὁ δ’ Ἀγαθοκλῆσ συνέκλεισεν αὑτὸν εἰσ τὴν Γέλαν, οὐκ ἀδυνατῶν εἰσ Συρακούσσασ διασωθῆναι, βουλόμενοσ δὲ περισπάσαι τοὺσ Καρχηδονίουσ πρὸσ τὴν πολιορκίαν τῆσ Γέλασ, ἵν’ οἱ Συρακόσιοι πολλὴν ἄδειαν σχῶσι συγκομίσαι τοὺσ καρπούσ, ἀναγκάζοντοσ τοῦ καιροῦ.

ὁ δ’ Ἀμίλκασ τὸ μὲν πρῶτον ἐπεχείρει πολιορκεῖν τὴν Γέλαν, πυνθανόμενοσ δὲ ἐν ταύτῃ καὶ δύναμιν εἶναι τὴν ἀμυνομένην καὶ πάντων εὐπορεῖν τὸν Ἀγαθοκλέα ταύτησ μὲν ἀπέστη τῆσ ἐπιβολῆσ, τὰ δὲ φρούρια καὶ τὰσ πόλεισ ἐπιπορευόμενοσ προσήγετο καὶ πᾶσιν ἐχρῆτο φιλανθρώπωσ, ἐκκαλούμενοσ τοὺσ Σικελιώτασ πρὸσ εὔνοιαν.

καὶ Καμαριναῖοι μὲν καὶ Λεοντῖνοι, πρὸσ δὲ τούτοισ Καταναῖοι καὶ Ταυρομενῖται παραχρῆμα πρέσβεισ ἐκπέμψαντεσ προσέθεντο Καρχηδονίοισ· μετ’ ὀλίγασ δ’ ἡμέρασ οἵ τε Μεσσήνιοι καὶ Ἀβακαινῖνοι καὶ συχναὶ τῶν πόλεων ἀλλήλασ φθάνουσαι πρὸσ Ἀμίλκαν ἀφίσταντο·

τοσαύτη τοῖσ ὄχλοισ ἐνέπεσεν ὁρμὴ μετὰ τὴν ἧτταν διὰ τὸ πρὸσ τὸν τύραννον μίσοσ. ὁ δ’ Ἀγαθοκλῆσ ἀπαγαγὼν τὴν ὑπολελειμμένην δύναμιν εἰσ Συρακούσσασ τὰ πεπονηκότα τῶν τειχῶν ἐπεσκεύαζε καὶ τὸν ἀπὸ τῆσ χώρασ σῖτον ἀπεκόμιζε, διανοούμενοσ τῆσ μὲν πόλεωσ τὴν ἱκανὴν ἀπολιπεῖν φυλακήν, τῆσ δὲ δυνάμεωσ τὴν κρατίστην μετάγειν εἰσ Λιβύην καὶ μετατιθέναι τὸν πόλεμον εἰσ τὴν ἤπειρον ἐκ τῆσ νήσου.

ἡμεῖσ δὲ κατὰ τὴν ἐν ἀρχῇ πρόθεσιν τὴν εἰσ Λιβύην Ἀγαθοκλέουσ διάβασιν ἀρχὴν ποιησόμεθα τῆσ ἑπομένησ βίβλου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 110

(디오도로스 시켈로스, Bibliotheca Historica, Books XVIII-XX, book 19, chapter 110)

상위

목록

SEARCH

MENU NAVIGATION