헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 109)

ὁ δ’ Ἀμίλκασ ὁρῶν κατισχυομένουσ τοὺσ ἑαυτοῦ καὶ τῶν Ἑλλήνων ἀεὶ πλείουσ παρεισπίπτοντασ εἰσ τὴν παρεμβολὴν ἐπέστησε τοὺσ σφενδονήτασ τοὺσ ἐκ τῶν Βαλιαρίδων νήσων, ὄντασ οὐκ ἐλάττουσ τῶν χιλίων. οὗτοι δὲ συνεχεῖσ καὶ μεγάλουσ λίθουσ ἀφιέντεσ πολλοὺσ μὲν ἐτραυμάτιζον, οὐκ ὀλίγουσ δὲ καὶ τῶν βιαζομένων ἀπέκτεινον, τῶν δὲ πλείστων τὰ σκεπάζοντα τῶν ὅπλων συνέτριβον·

οἱ γὰρ ἄνδρεσ οὗτοι μναιαίουσ λίθουσ βάλλειν εἰωθότεσ μεγάλα συμβάλλονται πρὸσ νίκην ἐν τοῖσ κινδύνοισ, ὡσ ἂν ἐκ παίδων παρ’ αὐτοῖσ τῆσ ἐν ταῖσ σφενδόναισ γυμνασίασ διαπονουμένησ. τούτῳ δὲ τῷ τρόπῳ τοὺσ Ἕλληνασ ἐκ τῆσ παρεμβολῆσ ἐκβαλόντεσ ἐκράτησαν.

πάλιν δὲ οἱ περὶ τὸν Ἀγαθοκλέα κατ’ ἄλλουσ τόπουσ προσβολὰσ ἐποιοῦντο καὶ δὴ τῆσ παρεμβολῆσ ἤδη κατὰ κράτοσ ἁλισκομένησ κατέπλευσε τοῖσ Καρχηδονίοισ δύναμισ ἐκ Λιβύησ ἀνέλπιστοσ. διὸ καὶ ταῖσ ψυχαῖσ πάλιν θαρρήσαντεσ οἱ μὲν ἐκ τῆσ παρεμβολῆσ κατὰ στόμα ἐκινδύνευον, οἱ δὲ παρόντεσ ἐπὶ τὴν βοήθειαν κύκλῳ περιίσταντο τοὺσ Ἕλληνασ.

ὧν τιτρωσκομένων παραδόξωσ ἡ μὲν μάχη ταχὺ παλίντροποσ ἐγένετο, ἔφευγον δ’ οἱ μὲν εἰσ τὸν Ἱμέραν ποταμόν, οἱ δ’ εἰσ τὴν παρεμβολήν. τεσσαράκοντα σταδίουσ δ’ ἐχούσησ τῆσ ἀποχωρήσεωσ καὶ ταῦτα σχεδὸν πάσησ πεδινῆσ οὔσησ ἐπεδίωκον οἱ τῶν βαρβάρων ἱππεῖσ, οὐκ ἔλασσον ὄντεσ πεντακισχιλίων. διὸ καὶ συνέβη τὸν μεταξὺ τόπον νεκρῶν πληρωθῆναι, πολλὰ συμβαλλομένου καὶ τοῦ ποταμοῦ πρὸσ τὴν τῶν Ἑλλήνων ἀπώλειαν· ὑπὸ κύνα γὰρ οὔσησ τῆσ ὡρ́ασ καὶ τοῦ διωγμοῦ περὶ μέσον ἡμέρασ γινομένου οἱ πολλοὶ τῶν φευγόντων διά τε τὸ καῦμα καὶ τὴν ἐκ τῆσ φυγῆσ κακοπάθειαν ἔκδιψοι γιγνόμενοι λάβρωσ ἔπινον, καὶ ταῦθ’ ἁλυκοῦ τοῦ ῥεύματοσ ὄντοσ.

διόπερ οὐκ ἐλάττουσ τῶν ἐν τῷ διωγμῷ σφαγέντων εὑρέθησαν παρὰ τὸν ποταμὸν τετελευτηκότεσ ἄτρωτοι. ἔπεσον δ’ ἐν τῇ μάχῃ ταύτῃ τῶν μὲν βαρβάρων περὶ πεντακοσίουσ, τῶν δ’ Ἑλλήνων οὐκ ἐλάττουσ ἑπτακισχιλίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 109

(디오도로스 시켈로스, Bibliotheca Historica, Books XVIII-XX, book 19, chapter 109)

상위

목록

SEARCH

MENU NAVIGATION