헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 106)

κατὰ δὲ τὴν Σικελίαν ἀεὶ μᾶλλον αὐξομένου Ἀγαθοκλέουσ καὶ δυνάμεισ ἁδροτέρασ ἀθροίζοντοσ Καρχηδόνιοι πυνθανόμενοι τὸν δυνάστην συσκευαζόμενον τὰσ ἐν τῇ νήσῳ πόλεισ, ταῖσ δὲ δυνάμεσιν ὑπερέχοντα τῶν σφετέρων στρατιωτῶν ἔδοξαν ἐνεργέστερον ἅψασθαι τοῦ πολέμου. εὐθὺσ οὖν τριήρεισ μὲν κατήρτησαν τριάκοντα πρὸσ ταῖσ ἑκατόν, στρατηγὸν δὲ προχειρισάμενοι τῶν παρ’ αὐτοῖσ ἐπιφανεστάτων Ἀμίλκαν ἔδωκαν αὐτῷ τῶν μὲν πολιτικῶν στρατιωτῶν δισχιλίουσ, ἐν οἷσ ἦσαν πολλοὶ καὶ τῶν ἐπιφανῶν, τῶν δ’ ἀπὸ τῆσ Λιβύησ μυρίουσ, ἐκ δὲ τῆσ Τυρρηνίασ μισθοφόρουσ χιλίουσ καὶ ζευγίππασ διακοσίουσ, ἔτι δὲ Βαλιάρασ σφενδονήτασ χιλίουσ, ὁμοίωσ δὲ χρημάτων πλῆθοσ καὶ βελῶν καὶ σίτου καὶ τῶν ἄλλων τῶν εἰσ πόλεμον χρησίμων τὴν καθήκουσαν παρασκευήν.

ἀναχθέντοσ δ’ ἐκ τῆσ Καρχηδόνοσ τοῦ στόλου παντὸσ καὶ γενομένου πελαγίου χειμὼν ἐξαίφνησ ἐπιπεσὼν ἑξήκοντα μὲν τριήρεισ ἠφάνισε, διακόσια δὲ τῶν σιτηγῶν πλοίων διέφθειρεν·

ὁ δὲ λοιπὸσ στόλοσ μεγάλοισ περιπεσὼν χειμῶσι μόλισ διεσώθη πρὸσ τὴν Σικελίαν. ἀπώλοντο δὲ καὶ τῶν ἐπιφανῶν Καρχηδονίων οὐκ ὀλίγοι, δι’ οὓσ συνέβη τὴν πόλιν δημόσιον ἄρασθαι πένθοσ·

εἰώθασι γάρ, ἐπειδὰν μείζων τισ ἀτυχία γένηται περὶ τὴν πόλιν, μέλασι σακκίοισ κατακαλύπτειν τὰ τείχη. Ἀμίλκασ δ’ ὁ στρατηγὸσ ἀναλαβὼν τοὺσ διασωθέντασ ἐκ τοῦ χειμῶνοσ μισθοφόρουσ συνῆγε καὶ τῶν κατὰ Σικελίαν συμμάχων ἐστρατολόγει τοὺσ εὐθέτουσ.

παρέλαβε δὲ καὶ τὰσ προϋπαρχούσασ δυνάμεισ καὶ πάντων τῶν εἰσ πόλεμον εὐθέτων ἐπιμέλειαν ποιησάμενοσ ἐν ὑπαίθρῳ συνεῖχε τὰ στρατόπεδα, πεζοὺσ μὲν ἔχων περὶ τοὺσ τετρακισμυρίουσ, ἱππεῖσ δὲ σχεδὸν πεντακισχιλίουσ. ταχὺ δὲ τὴν γεγενημένην ἀτυχίαν διορθωσάμενοσ καὶ δόξασ ἀγαθὸσ εἶναι τῶν μὲν συμμάχων τὰσ ψυχὰσ προκαταπεπληγμένασ ἀνεκτήσατο, τοῖσ δὲ πολεμίοισ οὐ τὴν τυχοῦσαν ἀγωνίαν ἐπέστησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 106

(디오도로스 시켈로스, Bibliotheca Historica, Books XVIII-XX, book 19, chapter 106)

상위

목록

SEARCH

MENU NAVIGATION