헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 101)

ἅμα δὲ τούτοισ πραττομένοισ κατὰ μὲν τὴν Ἰταλίαν Ῥωμαίων διαπολεμούντων τὸν πρὸσ Σαμνίτασ πόλεμον συνεχεῖσ ἐγίνοντο προνομαὶ τῆσ χώρασ καὶ πολιορκίαι πόλεων καὶ δυνάμεων ἐν ὑπαίθρῳ στρατοπεδεῖαι· τὰ γὰρ μαχιμώτατα τῶν κατὰ τὴν Ἰταλίαν ἐθνῶν περὶ ἡγεμονίασ φιλοτιμούμενα παντοίουσ συνίσταντο κινδύνουσ. οἱ μὲν οὖν τῶν Ῥωμαίων ὕπατοι μέροσ τῆσ δυνάμεωσ ἀναλαβόντεσ ἀντεστρατοπέδευσαν ταῖσ τῶν πολεμίων παρεμβολαῖσ καὶ πρὸσ μὲν μάχην καιρὸν ἐπετήρουν οἰκεῖον, ταῖσ δὲ συμμαχίσι πόλεσι παρείχοντο τὴν ἀσφάλειαν.

τὸ δὲ λοιπὸν στρατόπεδον ἀναλαβὼν Κόιντοσ Φάβιοσ, ὃσ ἦν αὐτοκράτωρ ᾑρημένοσ, τήν τε Φρεγελλανῶν πόλιν εἷλε καὶ τῶν ἀλλοτρίωσ διακειμένων πρὸσ τὴν Ῥώμην τοὺσ ἐπιφανεστάτουσ ἐζώγρησεν.

τούτουσ δὲ τὸν ἀριθμὸν ὄντασ πλείουσ τῶν διακοσίων ἀπήγαγεν εἰσ Ῥώμην καὶ προαγαγὼν εἰσ τὴν ἀγορὰν ῥαβδίσασ ἐπελέκησε κατὰ τὸ πάτριον ἔθοσ. μετ’ ὀλίγον δὲ ἐμβαλὼν εἰσ τὴν τῶν πολεμίων χώραν Καλατίαν καὶ τὴν Νωλάνων ἀκρόπολιν ἐξεπολιόρκησεν καὶ λαφύρων μὲν πλῆθοσ ἀπέδοτο, τοῖσ δὲ στρατιώταισ πολλὴν τῆσ χώρασ κατεκληρούχησεν. ὁ δὲ δῆμοσ, κατὰ νοῦν τῶν πραγμάτων αὐτῷ προχωρούντων, ἀποικίαν ἀπέστειλεν εἰσ τὴν νῆσον τὴν Ποντίαν καλουμένην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 101

(디오도로스 시켈로스, Bibliotheca Historica, Books XVIII-XX, book 19, chapter 101)

상위

목록

SEARCH

MENU NAVIGATION